¹ Betomami be bagolo la baoli bembende go yuda beowende gombo abatia baimiyela baimiya liogi lii IONGIAONGIA. ² Gosile Petelo golila go Yelusaleme bobo baatina bo yoombo baatage pege gombo, ³ Botshi gote gombele dje golome obatshia baasygotshina yoombo,Laambo boa laabo gesee gemoaa. ⁴ Petelo nde abande lo,la gioho alimbola mbeo yitubu mo bolongo gombo. ⁵ Emi yembe nde go boi bo Yafo goete osembogela,laa yaena geeniselo goete osembogela.Yaena gea gengae mosuluga go liolo ambo tshulu ndene la booli gotshunga utubu inei, laa momo aiga gombalee yai. ⁶ Yaaleta goete yemo la yaena la nama yi huma la baolo banei la nama yi yauli,laa nama yolingolana,laa noli yi gato. ⁷ Yaowa ambwale liogi lingae mobeai gombo,Petelo!Emala!lowa lambo bole! ⁸ Emi oho aabea gombo atshi la gea,ngene!po yembo gea ge bwasi to gea ge lilo geta bonya bwai mbala la emoa te. ⁹ Liogi go liolo lio lia nena mbala oye yele gombo,poye bia obiaelisia IONGIAONGIA.bwingo tanga mo bia bi bwasi! ¹⁰ Mwatongama galo mbala iseso,laa mogo tshubu mwa lutama go liolo mbala ya sina. ¹¹ Sagasaga bolome baseso boo baiga go mbele oyambei mongaa,batomame ai ototoga gongae kaisala. ¹² Boenda oho abea ai oa ndole emoo abo loomba pege la yea. Bagolo la baoli bee liambe boo bae lai ndole omoo,la esu bo bagota goete mbele dje golome gaho. ¹³ abegisiesu gelenge ogeene ge boenda goete mbele djande oemala la ko ebea gombo toma go yafo goota simona ono atame lina petelo. ¹⁴ Ge asololalaande ago baogi obayeuhisiage la baito ba mbele yago batubu. ¹⁵ Gee gepangei oselenga boenda bwelu oho aagwela bo gelenge gemoa agii aagwele egwelesu go gebandeli. ¹⁶ Yegelegiende ale baogi bangene gombo,Yoani elupesende mo baye,laambo enu bolupisamindi la boenda boelu. ¹⁷ La galo monga gombo IONGIAONGIA epaabo boeba gelenge gemoa la ogepe epesuge geimiliyesu ngene yesu kilisito,emi yende ndji po yembo ikoke go peiya IONGIAONGIA? ¹⁸ Goasilebo goowa bee baogi,bobo baoela,la bobo bapaa lokuku gwangae IONGIAONGIA gombo, laa galo IONGIAONGIA aaasiya gopaa obatshiia baalupisama go kokolia betema la gouya luuho. ¹⁹ Obapandogegombisa goena looso motina ye setefano bobo baa kino go Foimoke la kupulu la Antiokia.Batshimbe molemba liogi li boto gasina oliogi li bayuda. ²⁰ Bolome baasina bembende mosisi yabo,baito ba kupulu la kuleni,Gee giige bo go Antiokia bobo baa solola ambwale la baela,go laisa mboli yilo yi ngene yesu. ²¹ Yogo yi ngene yimbende laabo,la motango bolene bo baito bo baimiyela,bakokoya betema goolingola ngene. ²² Mboli yabo yoanende mo batui ba linginda olimbe go yelusaleme,la bobo baatoma balanaba go Antiokia. ²³ Goasilege goiga la gona olo bo IONGIAONGIA geoho aasagela,la geoho apa bo batshubu luyano gombo bate betema biabo goligela goete ngene, ²⁴ Po yembo balanaba embende bolome bolo la eyalende la boenda boelu la oimiyela.Baito baiye beyalanende gongae ngene. ²⁵ Balanaba eende go talasia goosilana la saulo. ²⁶ Auyage gioho aande go Antiokia.Gelanga gemoo baugana goete linginda goolaisa gage baito baiye.Baetani baatana baina,bakilisito,gopelo go iula antiokia. ²⁷ Mobekolo biaho batomami ba yelusaleme baasulugase go antiokia. ²⁸ omoo moete yabo lina liande agaba,alaisa pelo po ye boenda gombo isige ilene yiyande goete bei betubu.Isige yaho inenane moete bekolo be kolode. ²⁹ Baetani bo baagenda mbo yotama bia po yo sunga basego obangaese guiula yi yuda,Boto la boto gelenge gemoo ogia gelanege. ³⁰ Betongende galo poyembo betome bekumi belene belinginda biaho mobaago ba balanaba la saulo.