¹ Mo gee geaho gemoa,Bokondi YELODE embende moenisia Baito ba mbele ye Mungu obe, ² La geohò aalowa YAKOBO la ilonde mbologo ye yoane. ³ Goenege mogombo mongae golo mpo ye Bayuda, geohò aabunda Petelo.mombende losigo Salato loomba bagama. ⁴ Gombise yobundage la otage go bokoko geohò asela ba Sola banei mbale yitshubu yinei, la Ligelegi li onyenyage moete baito batubu gombise bokoko bo sabato ye pasika. ⁵ Petelo embende goete bokengi bo bokoko ;la go mbele ye Mungu batisiye Lisomboli mpo yande gwangae Mungu. ⁶ La Lotigo mo lo losigo loete lo gwambe mo mbo Elodi eongende onyenyage,Petelo eandamendemo benyololo belle,embende mopota mosisi Sola yele;la bekengi gopelo bome bo bokoko. ⁷ La letaa, Anjelu bomoa bo Mungu boanénéla, la oenegelase anganju goete boloko. Anjelu aumola Petelo, la otobamba emoa, la geoho aabea: yooliolo saga - saga ! benyololo obandame mobaago beabelengase. ⁸ La Anjelu ko ebea laande : bataa bososo bwago la bataa sandala yango. La geoho aatanga galo. Anjelu oho aaselenga ande mbala yasina : bataa kotiyago, la lingoleemi. ⁹ Petelo sho aanena la aalingolage,atshilube mbo mwatongame a Anjilu Mombende loongene,geohò aagelegia oena ambo Lilo. ¹⁰ Gee gutebo getongo ge pelo ge obambe mo bokengi,la oge biele,Bobo baiga mo home bo bibende ogeya goete iyula,la ogelibolama mwangene gopelo yabo;bolo baanena moete ndolo.Motuligele Angelu ohó aanena goete Petelo. ¹¹ Geohò aayambisa goete yande,Petelo aba:ya Enaogiogi gelenge gemoa ge loongene gombo Ngene etomende Anjelu bwande,la geohò aakakolemi mo baago ba ELODI la mwagumbe baito ba Bayuda batshubu. ¹² Gombise yande ogelegiya,geohò aalingola go mbele ye Malia,Inango ga yoane ogatebo Lina Malako,go gwambe baito baiye mosongana mpo ye Lisomboli li Mungu. ¹³ Geoho aatoba mogegwe Pesitibula,ogatebo Lina Lode,aasegasee po ye oowa. ¹⁴ Geohò aowa Liogi li Petelo; la goete oowa Óló bwandee; mogeseé geolibola, geohò aa pango goobegisia Petelo goambege mo Bomee. ¹⁵ Bóbó baa bea andee: Boendee Boto ga Njombo. la geohò aimilia gombo mongae galo. ¹⁶ La Bóbó ba bea: Moendee Anjelu bwandee. goete galo Petelo oho aakoka mo gegwe, ¹⁷ Petelo,aaesielabo Yogo lioló goenisia Gelembo ge ohoela,la obegisiabo gelenge inandi Ngene aanyenyage go Boloko,la aabea: begisei Yakobo la Bambogo yandee. la geohò aanena,ko ea gesée geasina. ¹⁸ Gee gegiye Bwina,ba Sola bo baayaa goo ngaa moete Ogemisabolene, po yoluba gani angaa Petelo. ¹⁹ Elodi,gee gembege mosilaanaandee laa atuye ge,geoho aatunja Bakengi, la geoho aapaa Bobeko geo bundisa ge. Gombisa geoho aasuluga goa Bokili bo Bayuda la Sesalea, ko Ea goangaasee go. ²⁰ Elode embendee aliangee li Bimo po ye Olona la Batilisia la ba Sidonia.indee geoho aa goitshabo baowana moete yabo; la gombisee ye uuya Balasite, gesée ge Shambela goambege mongaasee geoho aalengela Gehoï ge osiya Bita,po yembo gwiyula yabo beuyendee gesée ogengaelela Bokondisee. ²¹ Goete bokolo bo moa oboselebo,Elode,oho aabaata tulu yandee yi Bokondi, la geoho aangaasee mo Kiti yandee ye Bokondi yatangabo Alagua moete Baito batubu. ²² Baito baataa biima: Liogi li Mungu limoa,laa ati Liogi li Botó. ²³ Mo gee geaho gemoa Anjelu bomoa bo Ngene geoho aatoba, po yembo bati pee lohuma goangae Mungu.la geoho asuunja, la geoho asinga. ²⁴ La liogi li Mungu lio liapandogaa angandu moete huma, la motango lo Baetani lo loaa Liolo. ²⁵ BAlanabasi la Saulo,gombisee yeototoga goete Liogi,boobo baambisa go Yelusaleme,baosa Yoani la ogatangabo Malako.