¹ Mombendee goetee Mbele ye Mungu ye Atiokia, ba Ngene ba Bekondi be Bebeko: BAlanabasi,Simeona ogatangamee Nigele, Lukiu Boto ga Lukeni,Manaene, obauhisiamee laa ogologa goetee Elode la Saulo. ² Gee gembe bo motongela Ngene ligwa li Mungu la oila golabia Boenda bolo bo Mungu aabea: Kakwelei yei BAlanabasi la Saulo apaye ligwa lilo oli telei bo Liogi. ³ Gombo gombisee oila Bia la osembogelage, bóbó baatela boBaago,la osiyabo mbo baee ⁴ Balanabasi la Saulo,baatomama la Boenda Bolobo mungu ,Bobo balingola go Selukia,la goete ye go baagosema go kupulu . ⁵ Gwigebo go salemina ,Bobo baabea liogi Lilo li Mungu goete ba sinagoge go inyula yi Bayuda bembende la yoane ogambe mosunga bo. ⁶ Gee gembebo molingola mpo y'olea bosangabo PAFA,Bobo baaitiana boto omoa embende Kanga,Ngene ye Bayunda ogabobe,ogatame Lina balayesu. ⁷ ogambe gesee gemoa la Selegipaulo,boto ga bweli. Gaho ono otangamende Balanabasi la Saulo, la baenegisia gelenge geowa Liogi li Mungu. ⁸ La elimasi,Kangaye obe ,moabeama mbo Lina liande lio.,etaane nde abo pégé,mpo yosila Opinola bo uimilia bwabo. ⁹ Gombisa saulo,ogatebo mbo Paulo,Eyalende la Boenda Bobo,geoho aaleta goete yande la ko ebea: ¹⁰ Boto Ogayale la Mbeo Yibe Yitsubu,la Mbeo yi bwela bona ga Djabulu,ogatia epende elembana la mbea yi Linoongene,bopasiye olingola gosega Ndole ye Mungu? ¹¹ Sika gi letaa,Yogo yi Mungu yingae gotie yago,boo ngande Bogbibo Baiso,la gee gemoa Bopeene ale loha.koho Lotigo la liima moaya gotie yande,koho geoho aasila Bato mpo ye oendisia ge. ¹² Geone Ngene la Bosanga Galo,geoho Aagelegia,Oimilia Gelenge Geouha Bongene. ¹³ Paulo la Liemba liande Baasago Huma go pafa la Bobo baiga go Pelege go boi bo Pamufalia.Yoane Aho Aasegana la bo,geoho aambisa go boi bo Yelusalema. ¹⁴ go Pelege Bobo baalingola loende,la baiga go Atilokia go boi bo Pisikia. Gee gegote bo goete Sinagoge losigo lo sabato Bobo baangaase. ¹⁵ Gombise ye Obala Bebeko be Kanga yi Mungu,Bokondi bo sinagoge ogo aatoma bo gebea mbo:Baito laà Bambogo,boongai ambwisa la Liogi Liobea moete Baito Beei. ¹⁶ Paulo oho aemela,la easielabo yo liolo,ko ebea:Baito ba yisalaela,la enuobatshitshiye Mungu,owei! ¹⁷ Mungu ye Baito ba Yisaleale benende Baisebaiso. eselende Baito a luunma moete gee la bokolo obembege go iyula yi Ejipito,la geoho aanyenyabo la yogo yande yopia. ¹⁸ geoho aalisia bo bia bangu Bilanga Benei goete geamba; ¹⁹ La gee gesegege Toula Bosambale to kanana,geoho aapaabo Iyula Yaaho Yaatshiala Loongo mpo yabo. ²⁰ Gombise yeho,baaligela go moete Bilanga Bekama Benei la Betutano go gonga,geoho aapaabo Basambisi ba mbea yi Longene la Kanga ye Mungu ogatangabo SAMUELE. ²¹ Boboatunja Bokondi Bomoa,la Mungu oho aapaabo moete Bilanga Betuku benei,Saulo,Bona ga kisi,mogelombo ge Benjamina. ²² La gombise ye ototola ge,geoho aapaabo Bokondi DAWITI,bona ga yisanga ,Bato ogabinei la Liopi Liijai ogaa yogelanja mwalemba Liopi Liai Litshubu. ²³ Goete lisengo Lilo Li DAWIDI,Bobo Mungu la gelaka geande,aanyenyela go Lisalaela Bouhesi bomoa,ogatangabo Yesu. ²⁴ pelo yoigo bwande,Yoane aapaa Liogi li Mungu mpo yembo Baito Bakokoye betema bauye Lilupiesi goete Baito ba yisalaela. ²⁵ La gee gembe Yoane mosiiya loendo loande, geoho aabea:emi itshi ogangaenu mogelegia;la letei, Gombise Yami ogaayuya itshikoke gopelo yande,la go baolo bande ipagelane olipola belii be Bilato obibatege. ²⁶ Baito la baboto, bona ga liota li Abalayama,la enu obagae a Booha la Mungu goete yino bobotamame lie Liogi. ²⁷ Injembo Baito ba yesusaleme la bekondi beabo batshilube Yesu,la begwese nde ge,ogi agelanese bo baoagi ba Kanga ye Mungu obatalamalo biina betubu be Sabato. ²⁸ Laa giatia beuye loo laa lomoa mpo ye ogba,bo baanjinja Pilato mpo yolowa ge. ²⁹ La Gombise yabo ogelanya mwakomamelo go tshubu mpo yande bobo basulugia ge se Gekulusu la baa gootia ge go Baili. ³⁰ Lambo Mungu Aatesa ge Liolo moete ongba. ³¹ geoho aaenegela moete bekolo biye la obalile ande goa go Galilaya ko go Yelusaleme,la obangae ogi-ogi Obaenelo Mbeo oyetelo moete Baito. ³² La Yesu esu tongae mobegisenu liogi lilo mo gesemba ogepamelo la Ise gaiso, ³³ Mungu egalanyende mpo yiso bana babo, la otesa Yesu liolo, ogiakomamemo mo basigi goete bogele biele: bongae bona gai, yaa botae bwaina. ³⁴ Aatesage liolo moete bangbi, agelenge gembo, apabionge ale goete osegama, momo abeege gombo: yeepandea lipea lilo gwangae DAVIDI, bo bapea gengae ba boongene. ³⁵ Momo angae mbo aabeale mbala yasina gesee geasina:Bopasiye Botomami Bwago Asegamee. ³⁶ Injembo, DAWIDI, Gombise yande otogela lisego liande Ligelegili Mungu geoho aasinga baselage gesee gemoa la Baise bande la geoho aasegama. ³⁷ La Boto Ogatese Mungu Liolo atshisegame. ³⁸ Lubei gombo,Baito la basego,goete yande nde aayomesigiliama Obe obobegisiamelo. ³⁹ Lambo boto Botshubu Ogaayoimilia euhisiamande la Mbeo Yitshuhu oyitiambo bokoki omesegilama goete bobeko bo MOSE. ⁴⁰ Galo, ongalei labokengi gombo motoigelenu mwatongame goete ba Kanga yi Mungu, ⁴¹ letei enu Obangenga Baito, ngalei la ogemesama la totogei mpo yembo yayotonga moete bekolo bie bigee ngino loo lomoa, loo lomoa olotshia bombi la ligelegi laa bebegisienu. ⁴² Gee genenee bo, baasembogela bo Po yotaa Mboli go Sabato gelenge gemoa la yee mbeo; ⁴³ La gwasiyebo go songana gesee gemoa,Bayuda baiye bo baapandoga Mpo yolingola Paulo La Balanaba obaowane labo,la olaisa bo Liogi li Mungu gombo batialee aa Loo. ⁴⁴ Losigo lo Sabato oloyelo,bagu la Baito batubu ba boi baasongana gesee gemoa mpo Yewa liogi li Mungu. ⁴⁵ Bayuda, gwenebo Liemba,baayala la Ligege,la ba pea Liogi li Bee Paulo, gotapeege la Obonisage. ⁴⁶ Paulo la Balanaba baa bea labo la gelenge ge uimilia: Goete yino Pelopelo mbo la Liogi li Mungu go beama;la Enu botimoemba moenisia mbo bongae babee goete Liogi li Mungu Mòmo aabinogenu goete Baito obatia baimilia Mungu. ⁴⁷ Indembo goete gaalo Ngene ependesu Ndole .yaasiiya oselea mbo bongae molipope li oenegela moete Toula,mbo bongaei moete Loha lo Liolo li Nele. ⁴⁸ Obatiabaimili Liogi li Mungu bo baasagela gwa Owe bo galo,bobo baapaa Lokuku goete Liogi li Mungu. la Baito batubu obambe molingola Liogi li Mungu bo baimilia ⁴⁹ La Liogi li Mungu lio lia pandoga goete Iyula yitubu. ⁵⁰ La Bayuda bo baasunjela Bagali ba Luuma la Bekondi bi Yula;bobo banyenya Obee bo Paulo la Balanaba golusa la bobo baabitshabo goete Boi bwabo ⁵¹ Paulo la Balanaba baa go Lio li Yula baatitola Buta mo Baolo babo la bobo balingola go Ikoni, ⁵² La mbo Baetani baayala la gesagela la Boenda bolo.