¹ Go Ikoni Paulo la Balanabasi baagota gesée ge moa goete Sinagoga boo Bayuda la baaselengana la gelenge ge gage Bayuda la Bageleke baimiliela. ² La Baito ba Bayuda obatia biimilia baasunjisa obatia baimilia goete biboto biabo. ³ Betialende gee gesa go Ikoni,baselenga la uimilia Lioginde li Mungu,ogae goena Liogi li Mungu la Lipea oli pendole gombo atonge mo Baago babo bagelenge bogemisia. ⁴ Baito bi Yula baiye bo basegana: Baasina po ye Bayuda baasina po ye Baetani. ⁵ La galo Baito obatia baimilia la gagee Bayuda besilende gotongela Bekondi biabo Obee,gosila gotobela bo Babanga. ⁶ Paulo la Balanabasi,bo bauya Ligelegi liokima goa goete Boi bo Lukaonia,guiyula yi Lusutula la Delebe la Bisee bi go ngonga. ⁷ La bobo ba begisia Liogi lilo li Mungu. ⁸ Go Lusutula gwangae ge Boto omoa ga Getutu go Baolo opanga Obotama bwandee ko atiende Losigo la lomoa. ⁹ Eowendee gia bee Paulo .la Paulo aapoage Baiso la aena mbo engaé la uimilia po yembo auhee. ¹⁰ Geoho abeá la Liogi Lipia gombo: Yoo Liolo Emalaa la Baolo bago.la geoho aemala Lolo la geoho aaenda. ¹¹ Gwene bo ligwa olitonge Paulo,Liemba baesia Liogi Liolo la aaselenga a Liogi li Laokaonia: Ba Mungu yi Baito basulugelesu goni. ¹² Bobo baata Balanabasi Jupito la Paulo Elemeki,po yembo ge nde ayee la Liogi li Mungu . ¹³ Kanga ye Jupito,gwambe gehumbelo go gegotelo ge Boi aayaa la bolongo bo Punda la Beelii gwangae Bigwe,la elembendee gelenge ge moa la Fumba gopaa Boange. ¹⁴ Baetani Balanabasi la Paulo,Goowebo galo,Baahala tulu yabo,la baalingola goete Liemba. ¹⁵ La kobehamoga: Baito ba Bolomee,po ye gii angaenu motonga galo? Esu ambwaale tongae Bolomee gelenge gemoa gaalo angaeénu; la yelabo la Liogi Lilo,toende sombolenu bosiyei mbéo yi Bwasi, Po yembo boletei gwangae Mungu Bouhesi,ogatonge Lola go Liolo,la gosee Nele, laa Baayee b' ebale,la Bia bitubu obingae moete huma. ¹⁶ Elo Mungu moete gee ge gologolo mo Bisemba obeaeta, etiendee toula totubu golingola Ndole yabo, ¹⁷ Laa giatia esiye oenegisa giangae ge,gotongela Óló ,golaisa bo go Liolo totiela to mbula la gee ge Bia,gopeenu Bia biiyee la goyalesa Betema Bino bengae Belo. ¹⁸ Ogiogi mbeo yi loongene,la Baogi bande,gopeeya Liemba po yo paa ge Lipea. ¹⁹ Koho Bayuda ba Babatiokio la Ikoni baanenela la baalongesa Liemba gombise yotoba Paulo Totale,baasiyelage go lusa ye Iyula,betanga mbo asoosinga. ²⁰ Lambo, Baetani baalingiya ge,geoho aayaa Liolo,ko egota goete Boi la giose,bo boyalo geoho aeta go Boi bo Delebe la Balanaba. ²¹ Gee ge laisee bo Liogi li Mungu go Boi bwaho la motango lo Baetani lo loa Liolo,bobo baabinoga go Lusutola,la Ikona la Atiokia, ²² Baa paa Ohia goete baopi ba Baetani,golaisa bo Po yongaa la uimilia bo loongene,la gobeambo goete oena Looso anganju bo bwayo goteesu goete Bokondi bo Mungu. ²³ Gwa siiyebo goosa Beekondi be Mungu goete kila Mbele ye Mungu,la gombise yosembogela la oila Bia,bobo baatoma bo gwangae Ngene,ogasile bo gwimilia. ²⁴ Bobo baalea Baye ba Pisilia,la baiga go Pamufulia, ²⁵ Baabegisa la olaisa Liogi li Mungu go Pelege,la baseloga go Iyula yi Atalia. ²⁶ Baatotoga baa goosema go Atiokia,galo atomamee bo la Lipea li Mungu Po ligwa oliyebo gosiiya. ²⁷ Gombise yuiga bwabo,bobo baata gosonganya Baito batubu ba Mbele ye Mungu la gobegisiabo Mbéo yi tubu yitonge Mungu mpo yabo,la gani alibwelege Bomee boimiliama goete Toula. ²⁸ La bobo baangaase gee geesa moete Baetani.