¹ Bolongo bo Baito baasina,obaye go Boi bo Yuda belaisee nde Baito babo,ko be beá:mongaa mbo betshiniteage yoombo ogi abee Mose,la bopagelane guisiama. ² Paulo la Balanabasi bembendee la pégé,la olutana moete yabo la bambago yabo,beande go Yelusaleme goangae Baetani ba Baito ba gologolo, Po yolongagna yo pégé yimbe abo. ³ Gombisee yabo goenda la Baito ba Mbele ye Mungu, bobo baalingola Ndole yabo go Foeniki la go Samalia,goobegisia mo baalee okokoga bo Baito obatia beluba Mungu, la bobo baataangaa la Gesagela gelene moete Baito ba Lisego. ⁴ Gwigee bo go Yelusaleme,bobo ba yambama la Baito ba Mbele ye Mungu,Baetani la Batomami ba gologolo la baatamboli yi mbeo yitubu yitongele Mungu etonga po yabo. ⁵ La galo,bolongo boke bo Baito bo Bafalisai,obasila guimilia baemala ko be Bea mogelanende otshiana obatshia baimilia Yoombo la obea abo la oletsha bo gombo baimilia Bebeko be Mose. ⁶ Baetani la Batomami ba gologolo Po yosongaana gesee gemoa Po yoleta Loe Loo. ⁷ Ulutaana bolené botongamende la pégé moete yabo,Petelo aemala koebea : enu Baito la,basego,bolubi mbo opanga gee gesa Mungu eponende moete yino,mpo yembo goete liogiliyai li Bonywe obatshia baimilia Liogi li Mungu,baswe liogili Mungu la baimiliye Lio. ⁸ La Mungu ogaluba betema,geoho aenisiabo gopabo Boenda bolo ambo esu. ⁹ Atshitonge Osegama laa bomoa moete yabo,aelisia betema beabo goete uimilia. ¹⁰ Ogiogi,gii geotenu Mungu? mpo yosela mongingo yi Baetani benyololo obetshia Baisebaiso laa esu totshibate,totshimbe mobata? ¹¹ Injembo moete lipea Longene Yesu Mòmo aimili Yesu gouwa gelenge gemsa ambobo. ¹² Goete Mbele ye Mungu tshubu baahoela,la baowa Liogi li Balanaba la Paulo obatemboli Yitshuhu yi ogemisa la oyitonge Mungu goete yabo mosisi Baito obatshia belembage. ¹³ Gee gesiiyebo goselenga,yakobo,ko eosa Baogi,la koebea : Enu Baito la basego,ooweiyei! ¹⁴ Simona aatamboli Gani Mungu aatabaiso gopelo goete bei mpo yopona goeteyabo Baito obayogelana goosa linaliande. ¹⁵ La goete yemo aapaa Baogi laba Kanga yi Mungu,la gelenge ogesiginyebo : ¹⁶ Gombise yeho,yeyande,la yusiande Liolo mwaumese mombeleleye DAWIDI la yelonganyande mwasegamelo,layeemalisandemo. ¹⁷ Mpo yembo,Baito obatshialelo basilee Ngene, gelenge gemoa la Toula toshubu otongae goete Lina Liai,baselengela Ngene,ogatonga mbeo yande. ¹⁸ La Mungu ogalubane la mbeo yitubu opanga la gologolo. ¹⁹ La gombo yengae goete ligelegi limbo batwenisia loosongo Baito obaito obatshiya baimilia Mungu,gombo bakokoliye betema baimiliye Mungu. ²⁰ La basiginyeleebo bailee Lilo la olipola gekobo,la nama oyaagasa la liila. ²¹ Lambo opanga baboto ba gologolo,Mose embende goete kila boi la Baito obambe molaisa,mpo yembo beendebala biina betshubu be Sabato Goete iyula yi Sinagoge. ²² Goete yeho moenegende Lolo go Baetani la betomabe gologolo,goete Mbele yi Mungu yitshubu,mpo yeobina Baito moete yabo la otoma go batiokia,la Paulo la balanaba,yudai ogatebombo balanaba la silasi,Baito obatome botema goete bibotobiabo. ²³ Baatomelabo loasi ologelegiyebo : Batomami be Mungu,la Batomami be gologolo,la biboto,la biboto obatshia beluba Liogi li Mungu moete yabo,obangae go Atilokia la go sulia,la kilikia,mimiliya! ²⁴ Gwaowebo gombo bolongo bo Baito beende gwangaesu,la goete yabo totshi pee Ndole la Boto laà omoa, baà egiegienu la ba lisukulu babo la baa pandola Beenda biano, ²⁵ Esu tobeende loolo goete loo lwaho,gombise yiso gosongana gesee ge moa esu batubu,mpo yobina bolome baasina la Po yotomelenu oboto gaiso ga oboto la Lina Balanaba la Paulo, ²⁶ Bo Baito obaasela huuha bwabo po ye Lina li Ngene Yesu Kilisito. ²⁷ Esu totomee ndee Yudai la Silasi,oba yobegisenu mo benywa beabo gelenge gemoa. Po yembo enenendee goete Boenda bolo la mongae po yiso go pea gotelenu olito bwasina,la obongae bolo. ²⁹ Oluba goila benugu be Nama obipelameleenu bwasi goete bikeko bi Baila ba Nama oyangba,la oyisegame la gekobo la oyaagasa,la biima bia obigelanenu goitsha la gelenge geongomanya goangae Mungu. ³⁰ Bo ambwale, Gombise yiuya oogoma bwabo goete Mbele ye Mungu,boobo baà go iyula yi Atiokia,goete ye go gwaesebo Loasi mbisa mosisi gagee Liemba li Baito. ³¹ Gombise yosiya Obala,Lisego bo baowa Gelemo gopaa bo ofia obotoelame bo. Yuda la Silasi,obambe bo bangene ba Kanga yi Mungu,behoisiyendeebo Liogi li Mungu aofia moete bo li Sukulu ³² baiye. ³³ Go Lio li gee geke,bobo basegana la Lisego moete gehoï la oletela mbisa Baito obatomelebo. ³⁴ Goete yemo Silasi ohó aena Óló gotiala go. ³⁵ Paulo la Balanabasi bo baangaase go Atiokia,go Laisa la goobegisia goete Baito baiye,Liogi Lilo li Ngene. ³⁶ Bekolo beke beeteende gombise yeho Paulo aabea la Balanaba: Tobinogee mbisa yoaa gooleta basego moete Toula totubu otombesu molaisa la obegisia Liogi li Ngene,po yoena gelenge inandi gengaebo. ³⁷ Balanaba elembende ambwale aaee geesee gemoa la Yoani,ogatamee Lina Malako; ³⁸ Koho Paulo oho aena Óló gopea goosa Baito la Boto ogatiebo opanga Iyula yi Pamfuliya,la atiende laabo gesée gemoa moete bagwa baabo batubu. ³⁹ Otaana Pégé bombendee goete yabo angandju po yembo baseganee moete yabo Boto la Boto la Balanaba aosa Malako baa gosema go Bosanga la Iyula yi Kupulu. ⁴⁰ Paulo ohó aabina Silasi,la Lóó baà,betomameende la Lisego li Baito la lipea li Mungu, ⁴¹ Bóbó baeta go Sulia la otimba go Kilikia,la Olaisa moete Mbele ye Mungu.