¹ Bobo baà mbalayasina go Delebe la Golusutula.la letaa,mombendee go la Boetani bomoa ogatemo Lina Timote,Bona ga Ogali omoa bo Yuda ogambe la uimilia la Isee omoa moKeliota. ² Basego ba Lusutula la Ikoni baaselenga Lóló ogalo aenebo. ³ Paulo esilendee Owaandee,la gwaowege mbo batinyeege bolomboto mo Baiso ba Bayuda obaambe abo gesée gemoa,po yembo Baito batubu belubeendembo Isee andee embendee mo Keliota. ⁴ Gee gembe bo moeta goete Toula, bembénde la Basego po yoleta Bebeko obeose Betobami la Baíto ba gologolo be Yelusaleme. ⁵ Baito ba Mbele yi Mungu baataangaa Opia goete uimilia bwabo,la oesia lo bekolo Liolo Buina la Buina. ⁶ Gwapeiyamebo la Boenda Bolo bo Mungu po yobea Liogi li Mungu goete Asia, bóbó baalea go Fulugia la go gehuma ge Galatia. ⁷ Gwaigebo go Musia, bóbó baauya Ligelegi Liogota go Betania, Boenda bo Yesu atiipee bo Ndole. ⁸ Bobo baiga go Musia,la Baaseloga go Toloasia. ⁹ Moete Lotigo, Paulo aena Lilo:Boto omoa Golomee ga makedonia aaneenelage,la geohò aatongelage Lie Lisembogeli:Etaa go makedonia,sungeesu! ¹⁰ Gombise Lio Lilo li Paulo; toasilaa Ndole sagasaga Po juiga go Makedonia,gosiiya gombo Ngene etendes Liogi gombo toeegoo begisa Baito Liogi Lilo li Mungu. ¹¹ Gombise ogote toloa,esubobaa Loongo gote iyulayi samotalake,la agiose oboyelo esubo baasema goiyula yi neapoli. ¹² Goete ye go esubobaa go Filipi,iyingae iyula yi pelo yilo goete boibo Makedonia,la oendisama toendende la oligela ligilima libekolo goete boi bwaho. ¹³ Losigo lo Sabato,esubo baagola la home,gogesemelô ge baye,gwaenesu mbo goende gesee ge osembogela,esubo baangaase toaselengana la Bagali abambe goete osongana bwabo. ¹⁴ Bogali omoo goete yabo,agatame Lina mbo LUDIA,boendji bo tulu yeelu bo mbau TWATILA ,embende bogali agabange Iondjaondja,la eowe ndege,Ngene oho alifola ge liofi mpo mbo angalee la liangee la baogi aba selenge PAULO. ¹⁵ Gee ge lufiame ge,la lisago liande etundje ndesu lwe loo: Mongaambo bomoeni emi la Oimilia bo Ngene,gotei goete Mbele yai,la ngaleise boligelei.geogo aimiliesesu la ofia. ¹⁶ Giambe mo gombo toende gogesee Geosembogela,bona ogali galigwa ogoagambe la bwenda bomoa bobegisia baito liogilimungu,gego asaana laiso,gego auhela baekesi bande gofelo yiso. ¹⁷ la geogo alingolesu,Paulo la esu.geogo ata biima la liogi lifia: bue bo baito be Baloma bengale betamba be Mungu be Liolo la endebegisienu liogi liouhisa. ¹⁸ Etongende galo moete bekolo bwie,PAULO ogo aaleboga gego aambisa, la aabea la Boenda:yaambisa faage ndole,la lina li YESU KILISITO,mpo yonena goete yande,la geoho anena mo gee geaho. ¹⁹ Baekesi ba Bosea boligwa,baena ofandoga bo gwatelebo Liofi li Geuyelo geabo,geafinolama la PAULO la SILA,bobo baageganilo gofelo bekodji be bebeko. ²⁰ Bobo baalabo goenisabo gofelo ye Bekodji be bebeko,ko bebea:Eee baito bendesegesa boi bwaiso; ²¹ bengae baito ba BAYUDA;abangae bekodji be bebeko,mobegisa mbeo yi bokoko otshia moselanisa goosa,la gotongela mpo yiso abangae BALOMA. ²² La liemba lio liasudjelabo, la bekodji be bebeko,ko befinolabo tulu yaabo,laa ofa ndole mpo yotobabo la ohala tulu yaabo. ²³ Gombisa yaabo biambo,bobo batabo goete Bayaka,ko bebegisa singili ye Bayaka oletabo la liange li longene. ²⁴ Singili ye Bayaka ,gaoebo galo,bobo baatabo goete Bayaka,la bobo baandabo la belii mo baolo. ²⁵ Mwaiga mwete lotigo,Paulo la silasi bo bobasembogela la otshwa begele be mungu,lq baito ba bayaka bembende moowa ogalo ambebo mootshwa. ²⁶ Ko mogee geaho ko oguluma bolene bo nele boatongama,agelenge gembo bigwe bitshubu bi mbele ye boloko bia lifoga la logulumo lo nele biabelegaseomogee geaho,la baito obambe go boloko batshubu ko benena. ²⁷ Singili ye boloko aumoga,la gwenege beome beboloko beatshiala baale,geoho aaluta ilonde yande la aasilambo alowe bindo biande,gogelegiambo baito ba boloko batubu baakima. ²⁸ La Paulo aataabima la liogi lifia gembo:Bwingotongela bindo biago obe,esu batshubu tongae ane. ²⁹ Koho singili bo boloko aalengela bwinda,aagota saga-saga,la logulumo lotshubu ko ebkela paulo la silasi mobaolo babo. ³⁰ Ko nyenya bo golusa la eebea:Ngene, itongee gani mpo djembo iudje luuho? ³¹ Paulo la silasi ko bebinolia: Imiyelaa Ngene yesu,la buuhisamande,ageangene,laa lisego liyago. ³² La bobo baabesisia ge liogi lilo li Iongia-ongia,galo la baito ba tshubu obambe goete mbele djande. ³³ Geoho aasembogela mpo djabo,agee geaho gemoa moete lotshigo,geoho aapula mpota djabo,la koho alupisa ge la baito bande batshubu. ³⁴ Geoho aagotsha bo goete mbele,geoho aapaa bo biya biola,la geoho aasagela la lisego liande litshubu,goete gwaimiyelege IONGIAONGIA. ³⁵ Gee gegiye bwina la nongo,bekondibebebeko baatoma bebundi be baito,mpo yobegisa bokengi bo baito la boloko atee baito ba boloko se. ³⁶ la Bokengi oho aabegisia Paulo galo:Bekondi be bebeko baaatoma baogi mpo yobegisienu gombo balibole baito ba boloko,ogiogi banene,la baembisa moete gehoi. ³⁷ La Paulo aabea la bebundi bebaito:gombise djino gotobesu la ohala tshulu djino moete baito, la lotshosambisesu,esu obangae Baloma,botindi djesu goete boloko la ogiogi bongai mo nyenyesu golusa. ³⁸ Bebundi be baito baabegisa beebaogi gwangae bekondibebebeko,moabangisabo goluba mbo bembende Baloma. ³⁹ Bobo baadjaa goosembogelabo,la bobo baatabose,la osembogelabo gombo batotogee go boboi. ⁴⁰ Gee genenebo go boloko,bobo baagota go LUDIA, la gombisadjabo goena la goleisa basego babo,bobo baa.