¹ Paulo la silasi beetende guiyila dji Amifipoli la Apolonia,la bobo baiga go tesaloniki,gwambe giuganelo ge Bayuda go sinagoge. ² Paulo oho aaagota,gelengegemoa la bokoko bwande.Moete ba sabato djiseso,geoho aataanabo pege,ogalo asiginyamemo. ³ La gobegissia laa oemalisa mbo Kilisito ekokende ooisiama looso la otaa holo moete obangbelo. La Yesu ono angaemi mobegisienu,ebeende gai, gendangale Kilisito. ⁴ Baasinamoete djabo baimidjisama, la ba gougana la paulo la silasi, la baito baidje ba baele ombale la booha bo IONGIAONGIA,la bogali baidje ba luuma. ⁵ La Bayuda, baowa ligege baosa baito ba bolome oba botema bobe baaselama moete geungungu,la baapandoga la gimo goete boi.bobo baa gombele dje yasona,la baasila paulo la silasi mpo yo yaabo goete baito. ⁶ Ba tutshebo,bobo baatselewa golusa yasona la baito baasina gopelo Bekondi be bebeko be boi,la ko behamoga"Baitobee, obaye goosegesa gehuma,baigambwale goni, la yasona oho audjabo. ⁷ Bo batshubu baaila bebeko be kaisala, gobeambo bokondi bwasina,yesu." ⁸ La baogi bande liemba litshubu li baito la Bekondi be bebeko ko besunja, ⁹ baasina baasiya yasona gowa,la baasina gombise djabo guya moete yabo gee a mpo yotamase. ¹⁰ Sagasaga lisego baatoma moete lotshigo Paulo la silasi gowa go Beloya.Gee giigebo,bobo baagota go sinagoge ye Bayuda. ¹¹ Bo bayuda bembende la gelenge gelo goeta Batasaloniki,mpo yembo beuyende liogi li IONGIAONGIA la gemengiangandju,la bembende mobala basigi biina betubu,mpo yoena mbo imbaimbo mwambebo molaisabo mombende loongene. ¹² Baiye moete yabo,beimiliyende,lagalo bogali baiye baba geleke ba luuma la bolome. ¹³ La gee geowe Bayuda ba Batesaloniki gombo paulo aalaisa liogi li Iongiaongia go Beloya,bobo baaa goolonisabo goete liemba. ¹⁴ La ho lisego baatoma sagasaga Paulo gombale ye loye lolene,Silasi la Timote bengaende go Beloya. ¹⁵ Baito obaende la Paulo gesegemoa beende ande go Atene.La bobo bayambisa,goobegisa silasi la Timote balingolee bo sagasaga. ¹⁶ Gombe gombo Paulo eendegumba bo go Atene,eowende goete yande botema bwande osegama la ligege,la geuheli ogengae goete boi oyala la obe. ¹⁷ Goete mbele ye Iongia ongia ye sinagoge besonganende la Bayuda la baito basina bambe la booha bo Iongiaongia,la mogesee ge baito batshubu biina betubu la obambebo muuganabo. ¹⁸ Baito baasina ba bweli batangabo mbo Baepikuli la Basetoa bembende moselenganalaande.La baasina ko bea:Boto ga losele ono gii getuta ge gobeya? Baasina beowende eendebea ambo YESU ogatameliolo,ebeende:mongae gelengegemoa la liogi lilo li otaa liolo. ¹⁹ Gio gee ko eosabo,la oesabo gongolo ye Aleopage, la gobea: Togelanande go luba gelenge inandji geouha bosika bwe bongaemolaisa? ²⁰ Mpoyembo bongae moo isieyesu mbeo yi beyeli.Esu twendeesila goluba gani galo aayongaamo." ²¹ ( Indjembo baito ba Atene bapeetise geee geabo bwasi gobeya la goowa liogi lilo.) ²² Paulo oho aemala goete ngolo yeAleopage la ko ebeya:Enu Baito ba bolome ba Atene, yaa itshenu batubu bongai goete oimiliya liogi li Iongia ongia. ²³ Indjembo goeta goete boi bwino ,la goena gesee gemoa ogesiginye bo gobeya gombo:Iongia ongia oyatia elubane!mwangaenu mosembogela lotsholubage,layebegisieye ndenuge. ²⁴ IONGIA ONGIA ogatonge humatubu la biya bitubu obingaelo,ge ogangale NGENE ye go liolo la go nele,atshi mongaa goete gehumbelo ogetongame la baago ba baito. ²⁵ Baago ba baito batshi motengela ge gea,mongaambo engaela kamo ye gea segea,ge ogapa baito batubu giuhelo,opogoma,la biya bitubu. ²⁶ etongende mbo bolome batshubu,benenende moete liiila limoa la betongende ohia bangae bisee bitshubu bi,la obegisia oligela goete gee la bisege bi bisee biongasee, ²⁷ Mogela ndembo basilee Ngene laa giatshiambo engae gola la omoa la la moa moete djiso. ²⁸ Mpo yembo goete yande tongae la giuhelo,geendelo,la gengaelo gese Gelenge gemoa gi abee baasina obathwa begele:goete yande tongae logogo lomoa. ²⁹ Galo gombo,tongae logogo lomoa la Iongia ongia, Esu gelenge gemoa la itale yi wolo,la bioto bi lopalata toombo la itale,yi bweli la gekeko gelene ge boto. ³⁰ Iongia ongia, lotshomba obala geegeobosala, endebeya ogiogi a baito batshubu,mobisee bitubu gombo bakokoliye betema. ³¹ Mpo yembo eselende losigo lomoa olwayo sambisage gehuma la gelenge ge loongene, aboto ongabinege gelaene,mongae oga pee isogoni gombo angbee la la ateeliolo moete bangbii. ³² Gee geowebo gobea mpo yotaa liolo moete bangbi, baasina bembende mosea, la baasina gobea gi:Togumbandea goliolo losigo lwasina. ³³ Galo paulo oho aaluta bindo moete yabo. ³⁴ Baito basina ba bolome bo baabatsha laabo la ko beimiliya, Denisi bosambisi bombeo go ngolo ye Aleopagite ogali omoa ogatame linaDamalisi, la baasina goete yabo.