¹ Gombise ye ho, Paulo oho aiga go Atene, la go Koliti. ² Geho aaitisha Moyuda bomoa ogatabo Akilasi boto ga boibo ponto, geoho aiga agiogi go Italia la bogali gande Pisikilia, mpo yembo kilode epende ndole la Bayuda batshubu mpo yonena go loma, Geho aenana labo. ³ La ogiambeho motonga ligwa gelenge gemoa, geoho aangaase gwangae bo la otonga ligwa : embende botongi bo hema. ⁴ Paulo oho aalingela go mbele ye Iyongiaongia go Sinagoge gee getshubu ge Sabato la uimiyisa bayude la Baelaliogi liyongiaongia. ⁵ Inje gee giige Silasi la Timote go Masedonia, geoho aabela bindo anganju goete liogi liaimilia gobegisia Bayuda gambo Yesu engae Kilisito. ⁶ Bayuda bembende moemaela ge la obonanaande, Paulo oho aatitwelabo tshubu, ko ebeambo: liila linolibelegese gotshe betshwe bion ! Yengae bwemanu, ogiogi yendeya gwangae obatshia baimiyela ⁷ La geoho aanena go, koegota gwangae boto ogatangabo lina Yusutusi, boto ogangae booha buiyongiaongia la goete mbele gombende bango la Sinagoge. ⁸ Momo Kilisipi, Bokondi bo mbele y'iyongiaongia, éimiyelende ngene la lisego liande litshubu, la baito baiye babakoliti abaowele Paulo bobo baimiiya, la bobo baalupisama. ⁹ Ngene aabea la Paulo moete lilo lotshigo : bwingobanga gea; la beaa la bwingooweela. ¹⁰ Mpo yembo yengae laago gesee gemoa, lbotolaa omoa apate yogo yande gotshe yago mpo yotongelae obe : selengaa, mpo yembo yengae la baito baiye goete bwe boi. ¹¹ Geoho aangaase go gelanga gemoa lasongé liambe,ko elaisa moete bakoliti liogi liyongiaongia. ¹² Gee gembe Galio Bokondi bobibo Akaya, Bayuda baanenela Paulo la botema bomoa bo gehoi, la ko bealaande gopelo bobeeli boloo ngene. ¹³ Ko bebea mbo: Boto ono engaemwimiyelisa baito liogi liyongiaongia la gelenge ogetshigelane la bobeko. ¹⁴ La, Pauo eelendembo alibolee boya goselenga, ko Galio ebeya la bayuda : Engaambo mombende loo lobe olotsia logelana anji yoelelendenu bayuda. ¹⁵ La mongae obeana moete liogililo, moete baina, lamoete bobeko moletendenu : Itshimolemba gongaa bobei bo mbeo yee. ¹⁶ La geoho aatomabo go gesambiselo. ¹⁷ Koho baito batshubu bo baaluba sosetene, Bokondi bo sinagogi bobo baatobage gopelo gesambiselo, lotshomba gombo Galio aowanee looso. ¹⁸ Paulo oho aangaase gee gesa go Bakoliti, Gombisa geoho auya geogomelo goete basego bande la geoho aagasema go boi bo Sulia, Pilisikila la Akula gombise ho baa laande ndole emoa gootshina soge yi botshwe go kekelea mpo yembo embende la ngila. ¹⁹ Bobo baiga go efese, la Paulo oho aatshia lisego liyande, la gwasile ge ogota goete sinagogi, geoho aaselengana la bayuda. ²⁰ Bobo baasembogela ge gombo aesiye sigo yande yongaa moete yabo yisa. ²¹ La galo atshiimiyelebo, la geoho aatshiabo, ko ebeya Mogelanende gombo yingae goete lipati oliayongaa go yelusaleme, yeyande alembisa moete yino, mongaambo Iyongiaongia elemba, la geoho ààà go Efeso. ²² Gee geebo go Kaisalia geoho aeta go yelusaleme, la gombise yosambola linginda libakilisito, geoho aalingela go Atiokia. ²³ Gwasile ge goetisia geego Atiokia, paulo oho aalingola mondole, la geoho aiga go Galatia la go Fulugia, opaa baetani batubu ohia moete liogi li Mungu. ²⁴ Boyuda bomoa lina liyande Apolo, boto ga Alesandalia, boselengi bo mbeo, la ogalube basigi, eigaande go Efese. ²⁵ Elaisamende mondole ye Ngene, la boenda bwande bombende la yiimbe, embende mobegisia la alaisa moete loongene goete Yesu, la galo alubege olupisiama bo Yoani. ²⁶ Geoho aangaa molaisa goete Sinagogi ltshomba opeisama. Akila la Pilisila gwasiyebo goowa galo, bobo baalaisage ndole ye Mungu ye loongene. ²⁷ La gwasilege olemba gombo aaee go Akaya, Basego bo baapaage ohia goete mo, la bobo baasiginyela boetani mpo yembo baageege lolo. Gee giige ge, la lipea li Mungu, geoho aangala la litina goete obaimiyela Mungu. ²⁸ Mpo yembo aakbesa bayuda obambe la pégé gotie Yesu gombo atshi kilisito, ogi asiginyebo goete basigi.