¹ Gee gembe Apolo go koliti, paulo bombise yande goenda goete toula tolene to Asia ko eiga go Efese, Geoho auya loeti lo baetani, ko ebea abo. ² Goete uimiliya bwino bouyindi boenda bo Mungu ? Bobo baabegisia ge : totshoe laa yea gombo boenda bo Mungu engaeho. ³ Ko ebea : gelenge ginanji geolupisama geuyenu? La bobo baabegisiage: Lilupesi li Yoani. ⁴ La Paulo oho aabea Yoani elupesende la lilupesi li okikolia liopi, gobegisia baito gambo baimiliye ogaayoyaa gombise yande, ambo Yesu Kilisito. ⁵ Gotie bo baogi, bobo baalupisama molina li ngene Yesu. ⁶ Gwasiiye Paulo gotelabo baago gotié bebke, Boenda bolo bo Mungu bo boaya gotshe yabo, la ko bebea la baogi biléngé la biléngé la kobebea baogi ba Kanga ye Mungu ⁷ Bembende bobatshubu imbaimbo baito liyu la boele. ⁸ Gombisa Paulo geoho aagota goete Sinagogi, ko engala moselenga lotshobanga, moete songé yisaso ko ebea mbeo yi bokondi bo Mungu, la otonga opia guimiyisa liogi lilo gobambe moowa ge. ⁹ INjembo, baasina obande la baopi bapia bopea gwimiliya,babo baaseisia ndole ye Ngene go pelo ye liemba, geoho aalutabindo goete yabo, la oseganya baetani labo, la alaisabo kila bokolo goete sukulu ye boto oga tangabo Tulanusa. ¹⁰ Momo moatongama moete bilanga biyele, la gelenge gembo baito batshubu obambe mongaa goete Asia, Bayuda la Bagiliki, bobo baowa liogi li Ngene. ¹¹ La iyongiaongia oho aatonga mbeo yogemisia anganju mobaago ba Paulo. ¹² Mogelenge otitaongelebo goliolo libaito ba biale gobtshabo tshulu mobindo la totambala otobatshame mo bindo biande, la biale bio biauha la beenda bébé beahomoga. ¹³ Bayuda baasina obambe monyenya beenda bébé moete oenda enda bwabo, baaotaa osambela molina li Ngene Yesu gotie baito obange la beenda bébé moeté oenda enda bwabo, baaotaa osombola molina li Ngene Yesu gotie baito obange la Beenda bébé, gobea mbo yaa bitshae molina li yesu olingae Paulo mosakola! ¹⁴ Obande lotonga galo mombende ba bosambale ba sekewa Bayuda, omoa moete kanga yilene yi Mungu. ¹⁵ Boenda bobe geoho aabea abo : yelube yesu, la yelue injangae Paulo, la enu bwendi yanji. ¹⁶ La boto la boendabobe goete yande, aa linogola bo, aatobabo baele, bobo bakia panga bepona laa pota mobindo. ¹⁷ Loolo lolubanende la bayuda batshubu, la ba bliliki batubu obande go efese, la baito batshubu baabanga laa lina li Ngene Yesu lio liangaa la lokuku. ¹⁸ Baiye bo baito obaimiliye Yesu baaya goolengela emesegiliama laa obea mbeo yibe oyitongebo. ¹⁹ La loeti la baito obambe motonga besanju bébé, bobo bayaa la bekanda beobo, bobo bayaa la bekanda beobo, bobo baa humba bio gopelo ye baito batubu loeti lobieo bekanda mombende imbaimbo koto betuitano bibioto bi falanga. ²⁰ Momo angaembo liogi li Ngene lio liagologa moete opia. ²¹ Gombise yee mbeo goeta, paulo oho auya ligelegi liowa go yelusaleme, golea makdedonia laa Akaya. Gee giayu igei go, geangene embaande mobeya, mongaande golo gombo yienee ambwale LOMA. ²² Geoho aatoma baito bande baele go Makedonia, Timote la Elasete, la geangene oho aatshila gee geke go Asia. ²³ Mogio gee gio lomoto lolene loatongama gotie ndole ye Ngene. ²⁴ Boto omoa lina liande Demetiliusu, boenji, laa botongi bombele ye Mungu yi bikeko bi Diana, la ogambe lofuta baito bande ba ligwa bioto bioto biye. ²⁵ La geoho aasela baito bande baligwa gesee, laa obatongambwale ligwa liaho limoa, ko ebera : ENu bolome bolubigombo uuha bwiso bongae goete lie ligwa liye. ²⁶ La bwendeeni la bwendoi mbo, atshi o goni go efese, bisee bitubu moete Asia, Paulo ono aalongela la aakikola liemba litubu, gobeage mbo Mungu ayitongame mo yoogo yi boto iti Mungu. ²⁷ Bogasa obongaeho, motshi gombo ligwa liso lienegelamande bwasi, injembo mbele ye Mungu ye ogali Diana Eenegela mande lotshongaa la litina, laa lokuku lo Diana moete Asia botshubu laa gehuma getubu motoyelase. ²⁸ Bee baogi baapaabo isunja ko bengaa mota beendee: Diana ga ba efese engae bolene ! ²⁹ Bwe boi bolene boogota goete lomoto. Bo batubu bo baalingola goyalana go gesee ge toya , bobo baaluta mo ete yabo Gaiyusi la Aliutaki, baito ba Makedonia obambe moenda la Paulo. ³⁰ Paulo esilende onena gopelo baito, la baetani bo baapeiliya ge galo. ³¹ Baito bake moete baito ba Asia obambe bambogo yande bobo baatoma boto gobegisia ge gombo atoonena go gesee ge toya. ³² Baito bo baanamoga la beendee, bee la gelenge geabo, bate la gelenge geabo, mpo yembo lomoto lolene lombende moete liemba, la baito baiye batilube liina olingane bo gesee gemoa. ³³ Moete yeho bobo baanyenya moete liemba Alekisandele agambe bayuda mo ilitsha gopelo, la Alekisandele hoho aaesia yogo liolo, gosila goselinga la baito ³⁴ La gwasile baito galuba gombo ono embende bayuda, liemba lio liahamoga bagu la biombe biele : Diana ga ba efese engae bolese ? ³⁵ Gombise yeho Ndombe yeboi, gwasiiye ge gobea la liemba mbo lingae gehoi ho ebea : Enu bolome ba Efese injasinga mbo bwe boi bo Efese bwende bo bokengi bo mbele ye Mungu ba Diana ogangae bolene la gekeko geande ogekbese uiyoga go lola ? ³⁶ La galo olubane mo gombo motsha pégé, ngalei gehoi , la bwingotongi mbeo mo ete maango. ³⁷ Mpo yembo boalesi bee baito goni obatshi basegesi ba mbele ye mUngu, la obatshibone Mungu yiso ye ogali. ³⁸ Engaambo Demetiliusu laa baito bande ba ligwa bengaa la loo lootuba boto omoa, bekolo beosambisa laabekumi be bebeko bengae ho , batanee liogi go gesambiselo bee la bate. ³⁹ La mongaa mbo bongai la mbeo yaasina, mbeo yaa ho yesilande moete liemba olilubanelo. ⁴⁰ Mpe yembo toyaa goolubana gombo tongae nde ba simba mogee gelenge geaeta bwaina, mpo totsha geemaliselo ge lie liemba libwaina. ⁴¹ Gombise bee baogi, geoho aapandela liemba.