¹ Gombisa gee gesilé lomoto, Paulo oho aasonganisa baetani, la geoho aalaisabo, la geoho aatshiana abo geoho aalingola go Makedonia. ² La etshimbende goete huma yabo tshubu goalisa baetani mbeeyiié. ³ La geoho aaenda goete iyula yi Gelese, agalo atongege songé yiseso. Embende molengela gombo ae go Sulia, gee gembe bayuda mosongana mpo yande goete yogotelage londo. Ko galo geoho anya bagelagi bobinogela ga ndole ye Makedonia. ⁴ Bembende la ligelengi bobinogela go ndole emoa tee go Asia: Sopatele ye Bélé, bona golome ga pilisi, ALisitake la boli agaanje gotie Tesalonika, Gaiyisi ga Délébé, Timoté, laa Tisika bo la Tologime la bona golome ga Asia. ⁵ Geoho aosandole geoho aeta go pelo, ko eya googumbesu go toloasa. ⁶ Mpo yiso, gombise limpati li ola isongu lootshomwa bagana, esu bo baagoto gesee gemoa la FIlipo, la golio libekolo tanon esu bo baa goola bana gesee gemoa go toloasi, la go ndaetisiesu bekolo bosambale. ⁷ Losigo lopelo lo poso, esu tosonganende mpo yola isongu Paulo, ogaongo gowa gombise bwina ogia, embende moowana la baetani, la geoho aaesana la lisukulu lisa teee moete lotshigo. ⁸ Embende la tambe yi yimbe yiee goete mbele ye esembo giliya gombesu gesee gemoa. ⁹ Injembo bona golome omoa ogambe la lina otoshulu, embende mongaase gotshe lininisa limbele, embende mopata boloongene gwambe Paulo mopaa lisukulu liande, meligela moete ilo ko ebkase mombele ye etase bo beseso, ko belinage liolo inhe asoosinga. ¹⁰ La galo Paulo, ko esulugase, ko engaa gotshe yande la obundage mo yogo, ko ebea : bwingo angai la bedjelagia biye, boenda bwande bangae ande. ¹¹ Gee geage ge liolo, ko esembogela mpo yisongu ko ela la geoho aaselenga anganju mwete bokolo. Gombise galo ko eya. ¹² Bona golome ko bebinoga laande inje aauha, la komongaa bobke liolo bo obondisa baito. ¹³ Mpo yisoi , twendeelela pelo ye Paulo go ete lisua, la toendea tee go Aso, gwaowanele esugombo tokoke go esianela mbisa, mpo yembo eongonde gowa la baolo. ¹⁴ Gee geye ge gou Yesu ga Aso, ko toogotsha ge goete Masua ko toowa ande go mitelena. ¹⁵ Ko: ho bobo baa goete baye abalene, isu bo baiga mobobokolo boyalo mpo yoenana la Sio. gombisé bo bokolo ka twiga go milé. ¹⁶ Paulo geoho auya ndole mpo yoeta gapelo EFESEla lootshoemala, mpo yembo atoetesa gee go boi bo Asia; mpo yemob elongangende mpo yowa pango paango, engambo mogelanende mpo yande galo go Yelusaleme bwina bolipati. ¹⁷ La galo, go boi baMilé Paulo oho aatana gooemba go EFESO bakumu ba linginda. ¹⁸ Gee giige bo gwangae ge, ko ebea laabo, bwendelubi la bwina obopelo obogotei go Asia, itshimbe motshiena yembende mwendino biina betshubu. ¹⁹ Gotongela ngene ligwa la gelenge geolesiamase, la bipoo mo baiso, moete ootama obambelai goete lomoto lo Bayuda. ²⁰ Bwendelubi mbo itshimame geloko ata gemoa gembe ino la kamo, la itshabooha bolaise nu laa mwete baito la mweti mbele. ²¹ Gebegisia Bayuda laa ba GELEKE go bongola liogi gwangae Mungu, la goimiliya goete Ngene yiso Yesu Kilisito. ²² La golo letei, oandana la bolimo, yenda go yelusaleme, itshi molaba oloayuigelei. ²³ La galo boi la boi, boenda bolo bwalubisiemi mboo, mbeo la a lomoto lobé lwende gumbei. ²⁴ La itshi motonga emiangene loo laa lomoa lo bomoi bwai, ambo mombendelai ambo loo lolo go ete yai, mpo yoenegisia gombo ékokese loendo loami go ete gesagela, la bosala obouyemi gwangae ngene Yesu, gobeigisia liogi li Mungu goete lipee li Mungu. ²⁵ La galo letei, yende luba mbo boopeeni ali osiao bwai enu batshubu goete yeho yeetende goolubisianu liogi li Mungu. ²⁶ mpo Yeho yeendelubisie nu laa bwina gombo ye ngae oete liila lino bathsubu. ²⁷ La mbo yebegisiende nu mbeo yitshubu yi Mungu la itshiise gea laa gemoa. ²⁸ Ngaai la liangeee go ete yino bangene, laa goete bolongo bo nama botshubu goete yiho boenda bolo oboselenu boombo bo Mungu, mpo ya yalonganya lingomba li Mungu alisombe ge la liila liande geangene. ²⁹ Yelubambo begotomelande moete yino gombise ai gowa, simba yi yauli ayipakoke kopanja bolongo bo nama, ³⁰ La beemalande gopelo yino bolome obayoyaa goo laisenu mbeo oyi looso la obe, mpo yoenegisia baitani gombise yabo. ³¹ Letei sika gi, mpo yoenise nu mboo mo ete bilanga bisaso, itshimosiya go laisenu lotshigo la loha la baye mobaiso moete yino batubu. ³² La sika gi yeende tome nu gwangae mungu la goete liogi li lpea, gwangae agaayogelana go laisenu la opeenu libula goete opambolama botshubu. ³³ La itshakamo ye bioto, la palata, la tshubu yi botaata omoa. ³⁴ Bwende lubi enu bangene gombo bee bagobe bekokese posa yai, la baito baiye obande lami. ³⁵ Yeletshende nu gelenge getshubu gotonga ge gelenge ndayokekesu go piisia obangae la liopi lilumbu, la go gelegia liogi li Ngene, mwabee ge geangene: mongae la lobuma gopa, la mbo babinogeselea. ³⁶ Gombise goselenga galo, ko epua balui se, la ko besembogela laabo bobatshubu. ³⁷ La bobatubu ko belela ko benenesa bipoo mo baiso, ko bebkela Paulo mo ngingo, ³⁸ Bobo baabelegetage la ongaa mwete nganji mpoye mwabe ebeaabo gombo bapeeneale osio bwande Bobo baa ande tee go lisua.