¹ Esubo baasema,gombise yiso gosegana abo, la esu bo baa lolo ogoboi bo kose,la gwise momotwaiga go Lodesi, la go baiga go patala. ² La gee geuyebo Basua obambe moleisa baito boete mbale ye Fenisi, esu bo baaga la asubo baaa. ³ Gee giigesu mo bosanga bo kupulu,esubo baatshia go djogo dji bogali,ko tolingola ndoleyiso gombale dje Sulia,la esubo baasema go boi bo Tuba,goni ambe basua la biima biya biosulugisa. ⁴ esu toitshende baetani, la esu bo baangaase ho bekekolo bosambale.Baetani bo bailitshama la boenda, gobea la paulo mbo batoaga golingola go Yalusaleme. ⁵ La,gee giigesu bagu la bekolo bosambale,esubo baasegase mpo yolingola gowa,la baito batshubu bo baa endeiso gesee gemoa laa bagali la bana babo golusa ye boboi. esubo baasembogela. ⁶ koho bauya geogomelo bee la baasina.esu bo baaga mobasua,la bobo baambisa go gabo. ⁷ Gombise yiso goaga go basua,esu bo baa go Tula la twaiga go potolemai,goni gwapamesu babokola basego baiso,laoeta gougana abo losigo lomoa. ⁸ Esubobaa agiose ye bwina oboyalo,la esubo baiga go kaisalia. La gwasiyesu ogota goete mbele ye Filipo Boekesi bo mboli yilo, ogambe omoa moete baito bosambale,esubo baapota gwangae ge. ⁹ Embende la bana ba bogali banei obatshia baa luba bolome obambe molaisa. ¹⁰ Ogiambesu ho bekolo biye,kanga ye IONGIAONGIA omoa,ogatame lina Agabusi esulugende go boibo yuda. ¹¹ La geoho aaya guuyesu.Geoho aosa bososo bo paulo, ko eanda mo baolo laa baago,la ko bea: Letaa moangae bo enda bolo molengela:Boto ogangae ngene la bososo,Bayunda beandande ge gelenge gemoa go yelusaleme,la besumbolande gemo baago ba baito obatshia baimiliya. ¹² Gee geowesu galo,esu laabo baito bagesee geaho,toasembogela Paulo gombo otoolila go Yelusaleme. ¹³ Koho geoho aaesiambisa;" Gii getongenu,golela la gohetsha liopi liami?yengae goete bokengi,motshimbo mpo yoandama mo bilii,la mbala yasina mpo yongba go yalusaleme mpo ye lina li Ngene yesu". ¹⁴ Galo atshiambo esiyele bindo gwimiliya,totshi esesiane amo,la esubo baabea: "Siyaa mwalemba liopi li Ngene motongamee". ¹⁵ Gobise bio,esubo baatonga gelonganyelo,la esubo baa go yelusaleme. ¹⁶ Lingilima li Baetani ba kaisala baaendeiso gesee gemoa,la baaiso gwangae botoogata ngabo MANASONO,gobosanga bo kupulu,Boetani bo gologolo,boangae ge nde agelanesu gopota. ¹⁷ Gee giigesu go yelusaleme,basego baiso beyambendesu la gesagela getshubu. ¹⁸ Agiyose oboyalo,paulo oho aaendeiso gesee gemoa goangae yakobo, la baito ba gologolo batshubu baa songanagesee gemoa. ¹⁹ Gombise gopona abo baago bobo baatamboli yisa ogi atonge IONGIAONGIA moete baito obatshia baimiliya goete liogi lilo liyande. ²⁰ Gee geowebo galo,bobo baapaa IONGIAONGIA luuma la ko bebegisia ge:bwendena lisego,baito koto gani bo bayuda obaasilia goimiyela,la bobatshubu bengae la baopi ba geambe goete bobeko. ²¹ Indjembo beowende gombo bwendeelaisa bayuda batshubu obangae goete obtshia baimiyela baile mwabea Mose,gobea abo mbo batootshina yoombo mo bana batshubu ba bolome lambo batootongela bokoko bwabo. ²² La galo motongamee gani? Lotshomba pege laa emoa baito koto la koto bo baugana gesee gemoa, mpo yembo molubanande mbo boasila goya. ²³ La galo tongelaa mwayo beesu ago mongae mwete yiso baito banei obatongela gelapeli geasina. ²⁴ Osaabo laa age,bo bioto,mpo yembo balonganye soge yi botshwe. La galo baito batshubu belubande mbo mwambe bo moowa bendebeaa goete lina liyago mongae bwela, lambo age ambwale boendele moete oenegisam goete bobeko. ²⁵ Goete baitoobatshia baalipisiama inje baasilia guimiliya,esu toosende ligelegi la esubo baabea la lisigi gombo batoolabiya obipame ambo bikeko,la liila li nama oyangba,la oyaa gamoga la gekobo. ²⁶ la galo Paulo oho aosa baito baaho,aasangana abo,la kobegota agiose obyalo goete gehumbelo laabo gesee gemoa,mpoyobegisia losigo inandji lwayogelana olaisama bolo la gopa bakabo obaoenegela mpo ye boto la boto yabo. ²⁷ Golio li bekolo bosambaele,Bayuda obangaa go Asia,gwaenebo paulo goete gehumbelo,baesia baopi ba liemba litshubu,la baata yogo gotshe yande. ²⁸ Gwateebo biima:"Baito ba bolome ba yisalaele,yasungei yesu.Leti golome ono angae molaisa bisee bitshubu la baito batshubu batshi mwemba baito, batshi mwemba bobeko,la batshimolemba gee gesee ge boi;baa gotsha ambwale ba GEleke goete gehumbelo,la momoaasegesa gesee gelo ogetshaobe". ²⁹ Mpo yembo beenende pelo Tolofilime boto ga EFESE boande goete boi, la ekanisendembo Paulo egotshendege goete gehumbelo. ³⁰ Iyula yitshubu yo yaatomboka,la baito batshubu bo baapandoga la paango.Beende gouya paulo, la otshelewisage golusa bo gehumbelo,gesee ogembe beome biinegelame. ³¹ Ogiambebo mosila golowa ge,losele lo lwaowana goete geamba ge bokondi bo basola gombo yelusaleme yitshubu yo yaegega. ³² Moete gee geke heoho aosa bolongo bo basola bokama,la kapitene yabo ko belingola bo paango.Gwaenebo bekondi la basola yabo,bobo baasiya go toba Paulo. ³³ La galo Bokondi bo basola oho aemala la aasegase la aabundage,la ko eandege la besoso bele. la anjunja ge mbo ge endenji,la mwambe ge motonga. ³⁴ La moete liemba baasina behamogende la gelenge geasina,baasina la gelenge;lotsholuba gea ogengae ge loongene,mpo losele la owegega geoho aapaa ndole gombo baeande goete basolo. ³⁵ Gee giige paulo mo gelilelo geuiga gwangae basola mpo ye oegega botonge liemba. ³⁶ Mpo yembo baito koto la koto bembende molingola la ohamoga:"gombo looweigee!" ³⁷ Gee geogota goeta boloko bo basola,paulo oho aabea:yuuyande ndole mpo yobegisage loo loke?Bokondi bo basola oho aabea:bwende luba gobea liogi li Geleke?. ³⁸ Age botshi laa moejipito obotombokeo ane mbisambisa,la geoho aayaa goete geamba la baito bapia koto yinei? ³⁹ Emi yende Moyuda,paulo oho aabea galo,moyuda bo boi bo Talasia la go Silisia,boi obotsha litina.Peemi ndole,emi yaasembogela yiselenga la baito. ⁴⁰ La Bokondi bo basola oho aapaage ndole,paulo oho aemala mo gelilelo,la aa esiela baito yogoliolo.Gehoi gemoa gelene geaya,la paulo oho aaselenga la liogi li liebele. ko ebea,