¹ Basego ba bolome la ba ise, owamiyei mwangaai mobeino ogiogi mpo ye oemaela boo! ² Gee geonebo gombo engaee moselenga la liogi li Liebele,bobo baahoela angandju. LaPaulo oho aabea, ³ " Yengae moyuda,oga botame go Talasia la go kilikia;la yegologelende goete boi bolene bwe,la olaisama mobaolo ba Gamaliele goete olubana boloongene bo bobeko bo baise baiso obayalela kamo ye ligwa li IONGIAONGIA,gelenge gemoa ogi angaenu bwaina enubatshubu. ⁴ Yaenisa looso tii go lingba,la goanda besoso la gota go boloko laa bolome laa bogali. ⁵ Bokumi bolene la tomba yitshubu yi bogolo beende.Yeuyende goete yabo bekanda be basego ba Damaseke goni alingolei mpo yoya goonyenya baito obaandebo mo besoso goete Yelusaleme,la obambe go la gopabo getumbo. ⁶ Ogi ambei mondoloe,la oseganase goiga go Damaseke,koho la gee ge miliye loha,oenegelase bo boatotoga go lola moaelisiere. ⁷ Emi oho aumase monele,la emi oho aowa liogi limoa liabegisiemi: saulo! Saulo! mpo ye gi aosia booisieilooso? emi oho aabinoliambo:Age ndji, Ngene?La geoho aabeeai:emi yengaee yesu Nanasalete,oho angae age mwenisia looso. ⁹ Obambeai gesee gemoa beenende goenegelase,la bo batshowe liogi li boto ogaselengelo.la galo emi oho aabea ;Emiyetongande gani,Ngene? ¹⁰ La Ngene oho aabegisieimbo:yoo liolo,tea go Damaseke,la go bebegisia ndeage mbeo yitshubu oyayokokae otonga. ¹¹ Galo atshia yenegea,mpo yeowenegelasebo yiimbe oyimbelo,obambe ai gesee gemoa beosendei moyogo,la emioho aiga go Damaseke. ¹² Indjembo boto ogatangabo lina Anania,golome oga sembogelelo la gelenge ge bobeko,la goete yande nde bombe bayaudaba tshubu obangaele go Damaseke mobea mbeo yilo yiyebo goobesisiei. ¹³ La eyende goobea:Saulo,lisego liyai,libolaa baiso bwenee mbala yasina. Mogio gee gemoa emi oho aalibola biso koyeletage. ¹⁴ Ko ebea,' IONGIAONGIA yi baise baiso aasila go ponage mbo bolubee mwalemba liopi liyande,goena moloongene, la goowa baogi banena go bonya bwande. ¹⁵ Mpo yembo batongelandege ligwa lilo lioenegela,gopelo ye baito batshubu,mbeo oyieneae laa oyoe age. ¹⁶ La ogiogi,gii gegumbae? emala,teaa goo lupisasiama,la sogolaa basumo bago,gondole yota lina li Ngene. ¹⁷ Gombise yai gowambisa go yelusaleme ogalo ambemi mosembogela goete gehumambelo,emi oho aalutama. ¹⁸ la emi oho aena Ngene ogabegisei mbo, Nenaa sagasaga go boi bo yelusaleme,mpo yembo boba paimiliye mwa yobeage mpo yami. ¹⁹ La emioho aabea, Ngene,bendeluba bobangene la otobabo goete Sinagoge obambe moimiyelage. ²⁰ La galo abelege liilase li setefano ogaene mbeo yago yembende ho emiangene,gopwanisase uimiliya bwai la baito baasina,la oleta tshuluyi baito bambebo molowa. ²¹ La galo heohoaabegisiei mbo,teaa yetomelandae baito obatshia baimiliya ge golagoeti toula ²² Bo beowende goete lio liogi ²³ La bembende moete ohamoga,la ota tshulu yabo gato,la sesia bunge liolo. ²⁴ Bokondi bo basola oho aapaa bobeko mpo ye ogotsha Paulo goete boloko bo basola,la otshunya mbeo indji bendetoba ge beambo mpo yolubisia gombe mobobeko bondji bo bombebo mohamoga gopeage. ²⁵ Gombise yabo gobundagr la otobage beambo,paulo oho aabea la kapitene ye basola ogambe ho gombo: Age mopamendole gokoka gotoba boto beambo ga baloa ogatshia babkesa gr la loo? ²⁶ Goete bo baogi, kapitene ye basola oho aa goo begisia Ngene a basola, gombo, botongande gani? Mpo yembo boto ono ende MOLOMA. ²⁷ La Bokondi bo basola oho aayaa goobea la Paulo mbo,"Begisiei,age bongae Moloma?Galo,geoho aimiliya. ²⁸ Bokondi bo basola oho aaesia mbisa; emi yesombende bwe bokondi la bioto biye. La emi, paulo ko ebea,emi yebotamende bokondi. ²⁹ La galo oboongotshundjage mbeo la otobage bobo baaesiya bindo mbisa,la bokondi bo basola gwaenegembo paulo embendemoloma geoho aangaa mwete booha mpo yembo eandendege bososo la obundisage. ³⁰ La agiose oboyalo,esilende goluba moloongene mpo ye gii ambe bayuda motubage, la bokondi bo basola oho aalibolage mo besoso la otagese,la geoho aapaandole gwangae Bekumi belene la gwangae la baito batubu ba mbele ye IONGIAONGIA mpo yosonganisabo,la osulugisa paulo se,la oselage oemalisage moete yabo.