¹ Paulo, Baiso bande beletende gotshe sanedilina, Ko ebea: Bolome basego goete bageelegi batshubu balo obaendisiei goete bwe bookolo gopelo Iongia-ongia... ² Kanga ndeene ye Iongia-ongia ogatanga bo Anania aapa ndole go baito oba mbe go ngee yande mpo yotoba ge mobonywa. ³ La galo Paulo aa bea ande: Iongia-Ongia etobandea, Getshutshu Geelu! Agee boangaase mpo yosambisei la gelenge ge babeko, La boende buka go paa ndole gombo batobei! ⁴ Obambe gombale yande ko bebea: Boende bona boombo boleene bo Iongia-Ongia! ⁵ La paulo ko ebea: Itshilube, Basego la ogambe boombi bolene Iongia-ongia mpo yembo mosiginyame: Bopaselenge obe gwangae bokondi bo baito bago. ⁶ Paulo, Gwalubege mbo geembili ge baito ba basadukai laa baasina Bafalisai; Baahamoga goete Sanediline: Bolome, Basego, Emi yengae Bofalisai, Bona ga Bofalisai; Mpo ye ota loo botema la otesama liolo goete bangbi bobo bongaai moete gesambiselo. ⁷ Gee gebee gee galo, Geoho aaesia bopulanyo liolo moete Bafalisai la Basagukai, La liemba lio liasegana. ⁸ La galo Basadukai bo baabea mbo ootaa liolo botshimo, Andjelu laa bomoa botshimo laa Boenda botshimo, La galo bafalisai bo baimiliya mbeo yaaho yeele. ⁹ Mombende la oegega bolene, La basiginya ba bebeko ba Bafalisai, boobo baemala baangbanela anganju moete yabo ko bebea: Totshimwena loo laa loomoa lobe gwangae boto ono, Gee geasina engae Boenda too andjelu geoho aabegisia gee. ¹⁰ Galo ambe bopulanyo moa liolo basego bo baowa baowa bo bogasa mpo ye Paulo gombo begelane gotshina tshinage bisege mo baago babo, Bobo baa sulungia ba solo see mpo yoa goosa ge mosisi yabo la oaande go gesee gepia. ¹¹ Lotshigo oloyelo, Ngeene aanenela paulo, Ko ebea: osaa opia; Mpo yembo gelenge gemoa ogalo aeneae gwangaa goete Yelusaleme, Mokokende ambwale boene go Looma. ¹² Gee geye losigo lwasina, Bayuda bo baandana mpo yowana gobea mbo bapale bia mpe bapamwe baye kino baloe Paulo. ¹³ Obaandanelo mpo yoowana bembende basola betuku beenei la mbuka. ¹⁴ La boobo baa gouyana la kanga yilene yi Iongia-Ongia la bekumi obabee mbo: Esu twaemaela goete yiso bangeene mpo yopea gola kino esu tolowe Paulo. ¹⁵ Age ambwale, Ogiogi selenganei la Sanedilina go tilibuni mpo yembo bayee gopelo yino, o gia ngaa mbo boolemba oikinya litina li mo lolo; La esu pelo ye mbo basegeese gombale yiso, Tongae bagu yolowa gee. ¹⁶ Bona ga bwelo ga Paulo, gwaowe gee galo geoho aa goobegisia Paulo. ¹⁷ paulo oho aata omoa moete basola yi bokengeli ko ebea: Teei la ono bona golome gombele ye bokondi mpo yembo engae la loo lomoa loobegisia gee. ¹⁸ Soola oho aosa bona golome mpe aandee gombele ye bokondi la ko ebea boto ga bayaka Paulo aatei liogi mpo yo yelae la ono bona golome engae la loo lomoa lobegisiage. ¹⁹ Sola oho aosa bona golome oho moyoogo, La geoho angaa goola ande, Ko etundja gee: Boabegisiage gani? ²⁰ Geoho aaesia mbisa: Bayunda baowana goseembogela paulo apenju gopelo Sanediline, Ogia mbemo soki bogelanande golongage moete loongene. ²¹ Bwingoamiliya mbo, Mpo yembo baito goliolo li betubenei moete yabo bangene beende longanya mpo yoa la oimiliya, gambo bapale bia, Bapamwe baye kino ogalo ayelowa bo paulo, ogiogi bengae bagu la bendegumba age bopeendole. ²² Sola oho aaesiya bona golome mbisa, gombise yotomage gombo aatoo begisia boto lao omoa loo olobeebo ande. ²³ Gombisa geoho aata sola yele yi bokongi, ko ebea: longanyei, Gee ge mbile ye biseeso ye lotshigo, sola bekama beele, la obayoenda gotshe punda betu bosambale, La oba yoenda gotshe baye sola bekama beele mpo yoa go seesale. ²⁴ Mombe nde ambwale la obatshia belemba paulo, Mpo yembo baee ande gwangae bokondi, Boloongene la atshi gwangae bokondi filikisi. ²⁵ geoho aasiginya loasi ogi agelegie ge: ²⁶ koloti lusiasi gwangae bokondi bwiula bolo ogatanga bo felikisi ko epage imiliya. ²⁷ Boto ono, Angae bayuda mobunda eongonde ongba mo baago babo, Gee gembei muuha moete basola la obundisa gwao wamemo gombo bembe nde baloma. ²⁸ Gosila goluba litina oyatube betuba ge, Yeende ande goete mbele ye Iongia-ongia. ²⁹ Yaaitsha gombo befunde nde ge mpo ye mpo ye loo lo bobeko bwabo, La atshitonge loo laa lomoa lobe lo lowa boto mpo yembo balowe gee too mbo obundisa ge go bayaka. ³⁰ bebegisie ndei mpo ye litina li ono boto atube betuba ge gobegisia bobangene a go. A Iongia-ongia. ³¹ Basola, La gelenge ge bobeko obuyee bo, Bobo baosa paulo, La baa ande la oendisiage lotshigo kino oigisia ge go antipatali. ³² Agiose, Boobo baatshia baito ba mbalata mpo yolingola ndole emoa ande, Bobo baambisa go mbele ye basola. ³³ Gai gebo go kaisalia, Boobo baapaa loasi gwangae bokondi bo gehuma geabo la boobo baaletsha ge paulo. ³⁴ Bokondi bo gehuma gombise yande obala loasi, Geoho aatshunja paulo gombo embende boti ga Iyula inanji, Gombise yande goluba galo gombo embende boto ga kilikia, ³⁵ Yooamiliya ndea gee geayoiga baito obaye gootobae. La geoho aapa ndole mpo yoselage goete mbele ye bokondi Elode.