¹ Goombisee sigoo taano, Kaanga yee Mungu Ananiya eyigeendee, Aa ndaamboo djee baagooloo laa mooteyi boomoa linaa liandee Teeleetile. Beetubeendee Pauloo googaye guveeleeneele. ² Pauloo eetameende, Laa Teeleetile opaanga otubaagee, Obeyambo: ³ Booto gaa looguma Feelikisi, Bwaapeesu geehoyi geeleene, Laa toende geengumbaa baudjaa mbongwaana aa lisaalisi liaago; Moomo twaapaye maatoondi aa mootchubu laa bisee bitchubu laa aa gaagee maatoondi. ⁴ Kaasi, Pwee lootchoindiae, Djaatongeelaaye bwee, Gweete obooto bwaago, Aa twaatoo baaogi baasileesu obeyaa. ⁵ Tweenende goolomee onoo, Eengaae likaama, Eendee nyeenyaa booseganyo mweete baa Yuda baatchubu baa humaa, Eengaee bookaambi boo lingoomba li Naazaaleta. ⁶ Laa gee booto gaasilee obonaa teepelo. Laa toobundeendeege. Tongaae mweembaamboo totchundjeege aageelengee gee boobeeko bwiso; ⁷ Kaasi bootchundji Lisiasi gwayigeege, Aanyeenyaa gee aa ohiya moobaago baaiso, ⁸ Opaa ndoole aa obaa tubeegee baadje goopeeloago. Boogelanandee ageangeene, Otchundjaage, Obeisaagee mwee mwaatubesuge mootchubu. ⁹ Baa Yuda beegotiseendee ootubaa, Oimidjaa mboo gwaambee loo gaalo. ¹⁰ Ngoombisa mboo guveleeneele apeege ndoole aamboo aseelenge, Paulo aechambisa: Djeelubee mboo, Bongae boosambeesi boo geekoolo, Tee bilaanga biyee, Djaimidja moo booteema boomoa osambaa mwaalete loo loayi. ¹¹ Bookokaande olubaa mboo, Djee lileendee goo yeelusaleeme goobondeela, Mweetitee beekoolo liu laa bielee. ¹² Batitchee laa gweete teepeelo, Too gweete Sinagoge, Too gweete mbau, Ootanaa peege aa booto omowa, Too onyeenyaa lindumbaa li baito geesee geemowaa. ¹³ Laa baapa geelanee oenisaye longeene boolo oloongaayebo mootubeyi sikaagi. ¹⁴ Djaimidjaa loongeenee mboo djeendeeleelaa Mungu djee baaise bayi geeleenge geendoole djaataabo boosaatu, Oimidjaa mwaakoomaameeloo motchubu gweete boobeekoo laa gweete baasaakooli, ¹⁵ Laa djeengaae aa geelikiyaa googa mungu, Gaaloogoombeebo aalo boobaangeene, Liseekwaa liingaande pwee baayeengeebenee laa oobaacthi aa booyeegeebeene. ¹⁶ Moomo angaae mooela oohiya djongaa lisoyi liyee liendeenisa mboo itchimoeela oobee goo feeloo Mungu laa goo feeloo baaito. ¹⁷ Goombisee bilaangaa biyee, Djeedjendee gootiyaa baakabo baa booteema ngaandi pwee geekoolo geeayi, Laa pwee djoopaa maabondjaa. ¹⁸ Moomo ndaambo djee baa yuda baa Azii beeichengeeyi boopeetoolamee gweetee gweete teepeeloo, Ati aa baairo baaidj too olutaanaa. ¹⁹ Moohokeendee boo baangaae aanee goopeeloagoo Laa baapaange otubeyi, Imbaayi beedjeendeyi aa loo loomoa loobee. ²⁰ toomboo, Bee baangaaye aane baabee boobaangeenee obee oboyitchee beeitcheyai, Gee geemaaleyi goopeelo saaneedina, ²¹ Omoongaambo otoola oo lioyigi limowaa lihamoogeyi moosiseeyabo mboo: Djeemalee bwayinaa pwee djoo saambisaama goopeelo djinoo aa lisi li liseekwaa li oobaambgaa. ²² Feelikisi, Gwaa lubeege loolo mwaaleete ndoole djaaho, Eechendeebo mbisa, Laa abeyaa mboo: Gee geadjodjaa Lisiasi bokodji, Djeetchudjaandee loo lwinoo. ²³ Laa ependee ndoole aa bookondji boo baasoola baakeengeele paulo, Basidjeege djeyi geehoyi, Laa loopeidjaa laa booto laa omowa baandee baeleelegee. ²⁴ goombisee beekooloo beeke, Felikisi edjeendee laa Dulusia, Boogali gaandee, Eembeende Moyuda, Laa eteendee Paulo. eoweendeege aa loo looleete oyimidja Kilisito. ²⁵ kaasi, Gaalo gaaseleengee Paulo gootche booyengeebeene, Goocthe omikitisaa, laa goolioloo li lisambi oliyaa djoodjaa, Felikisi, Eoweende boongaasa, Geohoabeya: Sikaagi teyaa bwaago; Gee geemowaa geelo geenegaambo, Djeetaandeyalee. ²⁶ Aa gee geaho embeendee aa geelikiya mboo Paulo epaandeege bioto; Moomo mosileege loongo-loongo, Pwee djoo sololaandee. ²⁷ Bilaanga bieele bwaeela oo gaalo, Laa Felikisi eudjeendee bookitaani Pooloosiusi Feesitisi. Gweete kaamo yee baa Yuda ambo baayembeege, Feelikisi geoho gaa sidjaa Paulo goo boolooko.