¹ Fesutusu, goa pange ge goe ndesa boi gombi se bekolobesso ete nde go kaisalia olila go yelusalema. ² Bakanga Ilene i mUngu la baito balene ba Bayuda be tubende Polo goangae ge. bepange nde o Semogela ge, goete aisama. ³ Bembende molengelage mbo atogele bo oboto, a mbo ai giseleboge go Yelusaleme. Iondji bembende mo anga ge mondole ambo ba loe ge a ndole. ⁴ Fesutusua a esambisa mbo Polo ege lane mbo abatelame go kaisalia, agelnge mbo gombese djei ke ge la mene eande mbisa go. ⁵ Ebende abo mbo obangae Bakondi mosise djino basuluge iséé imoa ai engaa mbo a mbeo djibe batube ge. ⁶ Fesutusu etisende bekolo mwambe to lio mosise djabo, go mbisa a suluga go kaisalia. Abokolo obo lingole bo, engae ndese gotie kiti dkande ye gesambiseli, mpe apandole mbo badjele ge polo. ⁷ Gwaige ge, Bayuda abadje go yelusalema belingie nde ge, bembende mo tabage a mbeo djié mpe djile ne oitia mbo begelane o nye loomene lambeo djaho. ⁸ Polo ebende goete lisa mbi liande mbo : "Djotongi te lisumu laa limoa gotie mebeko be bayuda to po ye tepelo to pe boye Kaisala". ⁹ Fesutusu eembe nde mbo a sagelise Bayuda, a esela Plo mbisa : Bolembe mbo bolile go Yelusalema, la bosambisa me gotie djo mbeo itubu ? ¹⁰ Polo abea: Yengae mosamba go pelo kiti ye gesambislei ge Kaisala hoago ango sambei djeo tongile loo lobe gaangae Bayuda, gelenge ge ngae ge mwena age la mene. ¹¹ Monga ambo mbo yaatonga loo lobe, to lisumu li gela ne a osinga, itimo pea osinga; kasi, Monga ambo mbo mbeo odja tuba betubelei engae Boela, Boto laa omoa a tia ndingisa dje okabei mobago babo djelengele mbo eegoo somaba goga Kaisala. ¹² Fesutusu, gombise ogota iumbe a baito obapa toli, endende mbisa mbo : galo a lengelege mbo bosambe goga Kaisala, bosamba nde go pelo Kaisala. ¹³ Gombise bekolo beke, moa Agilipa la Bemenice ba igago Kaisala po ye oleta Fesutusu. ¹⁴ Gwambe b moetesa bekolo bie go Fesutusu ebegise nde BOkondi mbeo oileté Polo, la abea : Felikisi etiende golome omoa go ete boloko. ¹⁵ Geleko oge mbei go Yelusalema Bakonga ilene i Mungu, la Bekondi belene be ba Huda bedjende kootubage, ambo tosa mbesege, peto pege bitumbo bi boloko. ¹⁶ Dje eselendebo mbisa mbo motimobobeko bo Baloma okaba boto indje eoemalité go pelo gesa mbiseli a esembisa gotie mwa tube betuba ge go pelo baito aba tube ge imbei mongae loomene to moti loo mene mwatube betuba ge. ¹⁷ Bedjende ane, la itibito, gombise bokolo bomoa ye ngaende se gotie kiti djai dje Gesambiseli, la djaa ndo le mbo ba djelei boto gaho. ¹⁸ Geleko oge ige aba tube ge, batitubege a loo la lomoa olombei mogele gia poyande. ¹⁹ Bembende molutana ande a gelenge gea bo ge osombola baito go linienda liabo la boto omoa atanga bo yesu ogaa singa, oga bea polo mbo engae boome. ²⁰ Itilube loo lokokei obunda goete olutana bwabo, dje lundje nde ge imbei mbo elemba nde gowa go Yelusaleme, Poye mbasambisame golie mbeo djaho. ²¹ Agele ko oge lengele Polo mbo abatelame kiono a gele ko gea ngo kotabo loo loande dje peende motindo mbo babatelege tee galo ango tomeige gongae Kaisala. ²² Agripa abea Fesutusu: Yengae ambuale a kamo mbo ioa midje oho boto. Apendu Boa nde ge, Fesutusu a esa mbisa galo. ²³ Abokolo obolingolelo, Agripa, la Berenice beyende a luma lotubu, bagota goete mble djegesa mbise li iséé imoa a Bekondi be Basola l aBekondi belene be mbou.Andingisa ye Fesutusu, Badjoa a Polo. ²⁴ Momo Fesutusu abea : Roa Agripa, la enu batubu oba ngae iso ane,Bongai moena ono boto gotunge djande faebue bo Bayuda babende aigo yelusaleme pe ba bea goni a obela beende mbo atigelane angae buhe. ²⁵ Podjai, olubnya mbo atitonge loo la lomoa olo gelane a lobgo, la ge la mene elengelende mbo aegosamba goa ngae o Baluma, djééne nde gelema mbo itome ge go. ²⁶ Podjande, iti a gea laagemoa geo gilitohela bokondi bwai podjande, momo a nye nyeige go pelo djino, et mingi mingi go pelo djogo, moa Agripa a gelenge mbo i udje gea geo gilitsha go mbise oyekola lisambi liande. Poemidha ena obe otoma boto ga boloko. ²⁷ Po emi dja ena obe otomaboto go boloko lotoho ene sa obe obwa tubo betuba a nde.