¹ AGILIPA obea la paulo: bofaame ndole mo samba bwago. la paulo ko etanda yogo, Molubesa mo bie biselengeli: ² Yengae mogenanga, Bokondi Agilipa mo oudja la bwina mosambise emi go felo yago mombeo itubu dje aingale motubama la ba Yuda. ³ Po yembo bwende luba molongene beselengeli be bokoko boabo la beselengeli biabo. Yende sembogela age po djoe lelei la omesegiliyei. ⁴ Uuha bwaii mogepangeli geai ge pelo ge bona golome molubane goete ba Yuda batshubu, Po yembo beuhe nde go yelusaleme moete bo boi. ⁵ Bo bende luba la agologolo besila go bea mbo eemi djeuhe nde goete Bafalisai la gelenge ge lubane linginda liso la ngandu. ⁶ Ogiogi ye ngale moete osambisama po ye ogelanya gelaka ge Iongia-ongia oge be ge la baise baiso, ⁷ La goete ye mo moasa baogi baiso liu la djele obongale motongelama longolango goete Iongia-ongia lotshigo la loha. goete gelikia geaho, Bokondi momo atubamei goete bayuda! ⁸ Gani! Angae nu modjanga goimilia Iongia-ongia gombo etesande liolo obangbelo? ⁹ Mpo djai ye ngae mo gelegia goimiyela la ofia botshubu lina li Yesu Nanasaleta. ¹⁰ Galo nde bo tongei go Yelusaleme. Emi dje tende go boloko baito obaimi djela baiye mpo yuyende opiaboa ho gwa ngae Kanga djilene, La la gee gembe bo moetisa bo go lingbaa, Ye tende bo batshubu gesee ge moa molina liayi. ¹¹ Etshi lembane abo batshubu goete Sinagoge, La ye bee nde laabo obee la ofia. Goete bagege bayi boetela go tshe yabo la ofia ye lingolane abo goeloela bo goete toula toasina. ¹² Goete litina lilooloe nda pamei ndole la bekondi belene djoa go damaseke. ¹³ Moete midi be loha bokondi, Yaena mondole oa endelei la baito oba endeai ndimbe yo totoga goliolo, La oenegela se la ofia oeta loha. ¹⁴ Esu batshubu toamase monele, La yao liogi gototoga goliolo la liogi li Baebele: Gobea mbo saulo, Saulo, Saulo mpo yegi angalea moiseyi looso? Mongaa nde ago looso oenda mogesee ge gale tonga. ¹⁵ Emi oho aesa mbisa gombo: Age dji, Ngene? La Ngene oho abea mbo: Emi Yesu oho angae moenisa looso. ¹⁶ La mbo djoo liolo, La gaase gotie baolo bago; Mpo ye mbo emi ya nenela age mpo yo yotongela ligwa la oenisae mbeo oya enisayenisae la mbeo oyi nenele yenenelae. ¹⁷ Emi ye mpone ndeae moete bee baito la moete baito obatia baimi djela, Gwa ngae bandji atoma yetomae, ¹⁸ Mpo ye mbo age boye golifola bo baiso, Mpo yembo baete mo lima la goena loha la ofia bo satana gwangae Iongia-ongia, Mpo yembo bauye goete goimilie goa ngalei, Olimbisama gwa ngalei la olimbisama bo basumu la oitshanela goete oelisama. ¹⁹ Goete getumbo, Bokondi Agripa gioho abea itshi gelane oitulia ge gelege ge geeniselo ge longene: ²⁰ La gelenge ge Damaseke foo, la oge Yelusaleme gwete toula totshubu to Bayuda, laa obatia baimiiyela, Emi ye laisende obe bwai la okokoga boyi goete Iongia-ongia, Goete otongela ligwa li longene goete obea obe bwai. ²² La galo, moete lifea li Iongia-ongia, Emi oho audja ofia boouha moete be bekolo, Gobegisia moenei gopelo bana la bogolo, lotsho totolei la djea go felo Bekondi la Mose moa bebo mpo yoyaa goiga, ²³ Goluba mbo kilisito eosima nde looso la mbo etande liolo moete bangbi, Ebegitshande goete ogenegu baito ba toula. ²⁴ Ogalo abee ge mpo yoenisama ndole, Fesetusi abea a liogi li goliolo gombo: bongai a djoombo Polo! Oluba olene bwago botomae gogobe. ²⁵ Eni itsha djoombo, Dje gae boolo Fesitusi, Polp; mongae baogi balongene la moete polele mwa ngaemi mobea. ²⁶ Bokondi alaisama oho alaisama goete djee mbeo, La emi gabegisia ge laa olembu; Mpo yembo ye yale angesala mpo boto la omoa timosingo, Mpo yembo djee mbeo yetelo yitshi yomama. ²⁷ Gelegia goa ngae besaoli, Bokondi Agilipa? Yende luba mbo boende geligia. ²⁸ La Agilipa ogo abea a Polo: Ogiogi boende goimiyesemi ingae mokilisito! ²⁹ Polo oho abea mongaa mbo ogiogi to mbo gombise bekolo, Sagela la Iongia-ongia motongaa ege amene, La mongae mo baito batubu oba owei, Bongai ndi ambo emi, Ototola se baito basina. ³⁰ Bokondi, Bondele mboka, Belenike, La obambe monga se batshubu baya liolo, ³¹ La bobo baluta bindo baselengana moete yabo bangene: Boto ono atshi tonge gea egelane la oloama la otama goete boloko. ³² La Agilipa geoho abea a Fesitusi: Boto ono egelanende otamase engaa mbo atitame liogi gwa ngae Cesale.