¹ Gokatame mo mbo toe Italia bafa paulo la baito ba beloko baasina mobaago ba bokondji bo basoda Juliusi. ² Toagende mo bwato bomoo bo Adalomite, abombe moa Asia, laa esu abaa,tombende esu la ba alisitalaka,boto ga makedonia,Batesalonike. ³ Bokolo bo mbisa,toeigende go sido;la yulusi,agambe mooleta Paulo laa oboto,afaage ndole aefage ndole ae gongae bambogo djaande mbo babatele ge. ⁴ Gotongesu ho,esua bangaa mobosanga bo kipele,po yembo betiela biembende gefinole. ⁵ Gombise golea lodje lotei alongale gosilisia laa bafoli,twigende go mila go lusu. ⁶ Gobokondi bo basola gudjege bwato bomoo bo Alesandala abombemoa go italia aagesu mo. ⁷ Moete sigo djie tombende mo lua lofogu , La motimbe la ngombala looso naigesu gotie sinide,goni atikoke esu gwiga po dje ifofela.Toetende gose dje bosanga bo kelete,gotunge salomone. ⁸ Twigendego la looso,la toigende gesee gemoo getange bo babongo balo,gongaa djuila djilene dji lase. ⁹ Gee gesa geete, la oluka bombende la likama,po geege ngila gesilende oeta. ¹⁰ Momo Paulo akebesa abai,gembo: Kaua dja baito djende nabo bofatongame ngomba la likama la ngomba la gelibolibo,ati podje bisaleli,la poodje boato,kasi ale podje baito baiso. ¹¹ Bokondi bo sola boende agaendesa bo la ngene ga bwato mogesee ge baoogi ba paulo. ¹² La galo atimbe libongo lilo po djeoisama fio,baige bembende la kamo djeo tshiage po djeo sila goiga fenisi,libongo li kelete alilete gose dje golaela la bwina la goliolo li golaela bwina mbo betesege gofogo. ¹³ djei ifofela ike dji mbole djafanga goeta ,l ogelegia mbo begali ba ngene ba mwalemba bo,baata loongo la basema go ngonga dje bosanga bo kelete. ¹⁴ kasi oho lifofela lihia aitangabo elekilo,adjatoba goete bosanga.Bwato boaambole,ngoinya olona la ifofela,la toa sidjela bindo goa gelibolibo. ¹⁶ Toetende gose djei bosanga bomoi obotanga bo kolanda,la tombende la looso ongala bokondi ba salufa; ¹⁷ Gombise djoesa ge liolo,tosaelende bisaeli bi bolukananga po dje oemalisa bwato,laa,goete bogasa bo obka gotie biaseli,toasha bembuli se.momo nambembo toasidjelabo toe mbole la ifofela. ¹⁸ Galo ambesu ogema la ifofela ,Bokolo abo mbisa esu abata bisaleli mobadje bateu. ¹⁹ La losigo lo basaso esu abaluka la baago kai dji bwato ²⁰ Loha la tosweswe toti nene sigo djie,la ifofela ndjimbende djifia la totimbe alela lingani liouha. ²¹ Tosthile gee gesa.la galo paulo,goemale ge gosise djaabo abea laabo enu dja boto,bogelanindi oemi la go otonga go kelete,po djeofea gie gelibolibo la ongba. ²² Ogiogi djendesembogele nu bongai la ofia po ataomoo mweta aino engbande,la mongalande la gea agiango limega go bwato. ²³ Andjelu bomoobo IONGIAONGIA obongalei laande laa agangalei mosaela enenelendei lotigo lwa bwina; ²⁴ Ebeende lai mbo Paulo,ndo obanga,mogelane mbo bosamba nde gofelo dje kaisala, letaIONGIAONGIA efe age baito batubu aba luka laago. ²⁵ Momo angae mbo,enu dja baito,ndimei,po djengale la oimidja bo gongale IONGIAONGIA mbo mongalende galo abee ebealai. ²⁶ Kasi mongale mbo tokbe motie dje bosanga bomoa. ²⁷ Lotigo lo liu la binei,ago ambesu gotie adiliatike,abaendese bwato mwete lotigo,baena ambo tendesugana la nele. ²⁸ Gotebo ilembegiyo baitsha metele betu bele; godjei gola,baata ale mbala djasina,baitsha metele liu la tano. ²⁹ La bogasa boosama mo baabanga, baata loongo inei la baa lomba nongo. ³⁰ Kasi, galo ambe abaendesa bwato mo sila go kima, laa bembende moota bende momloge loteu obembo loongo. ³¹ Paulo abea la bokondi bo basola la basola:bee baito batshingale ambo goete bwato,bofauhi. ³² La galo basola batina beeli be gebei la baetama se. ³³ Pelo djebwina ogia paulo asembogela boto botshubu ale bia ,gembo: laa bwina mongale bokolo bo liu la bei abongalenu moolomba la bwende andi botema ngola gea. ³⁴ Djende tenu mbo bolei gea, po mongale la litomba po dje ouha bwaino,laambo ao bosoge bomoo bofa limege mobotshwe bo boto omoo mwete aino. ³⁵ gombisa djo obea galo,aosa ikuma,laa,gombise djeo osembogela IONGIAONGIA gofelo dje boto botubu, aabuna aala. ³⁶ Laa bo batubu,baudjale himba,beleende ambale. ³⁷ Tombende,gwete bwato,esu batubu baito bekama bele la betu bosambale. ³⁸ Ago ale bo angandu,beseleende bwato la ofetu mota basangu mobadje. ³⁹ Gee ge gie bwina lotsholuba gesee giadjo emala bo:baena gesee gengae angolo la longongo,bobo bauya ligelegi liowa goemalisa bwato. ⁴⁰ Besumbolende loongo podjoesha djo goete lodje lolene,boaba tela ambale besinga beoendesa se,abaa ta membuli la baa lingola go gonge. ⁴¹ Kasi baasana la nele,molemobwato,bwaemala,indi ago nele djende bumboga la getombo. ⁴² Basola baudja bagelegi booloa baito ba boloko,obangambo omoo gabo akima la meelu. ⁴³ Kasi bokondi obolembe uuhisa paulo,afeidjabo osaela kamo yabo.abea la abea la abaluba meelu baume mo badje po djeo lingola huma, ⁴⁴ La abai goaga gotshe babaya too bisege bi bwato,la galo botobotubu elongisendegoaga huma lotsho singa.