¹ Gombise yiso ouha, Tolube nde mbo bosanga bo aho bende motanga bo Malate. ² Batomboki bee nese nde esu otshwa; Bese nde su go mbale gea ge djimbe ai foanye bo po ye booto bo mbe nde motona la mo mbende la gia ge fio. ³ Paulo ekongole nde tokolokolo la ota mo djimbe djoo emoa elo anena obanga giambe la tshoa ge mo yoogo. ⁴ Goene batomboki nama otingama mo yoogo yande, Ba beana moete yabo: Mo loongene boto ono engae boloi bo baito, Po ye mbo loongene lotilembe osiyage ouha, Gombise ouha go loodje lolene. ⁵ Paulo apipia goete djimbe la atshoe lolilo la loomoa. ⁶ Baito baho bembende moletidja oena ge oseboga to ongbase boligo ho; Gombise oletiya gee gesa oena bo ati gwe gea, Ba kokodja baogi bo mbo mongale Iongia-ongia. ⁷ Mombee nde, Go mbale nele yi gesee ge boto bolene goete bosanga. Oga tangame lina Pubilusu, Oga yambesu la oselesu go mbele djande sigo iseso gelenge gee otsha. ⁸ Ise a Pubilusu embende gotie kengo, La boele bo likolo la onya; Paulo goege gwagale ge, Asembogela, Atela ge bago la hauhesha ge. ⁹ Go tie mo baito ba biele basina ba bosanga be gee nde, La beuhe nde. ¹⁰ Bobo bafee esu luuma, La gee geoa ba fee esu bia obimbe iso la kamo. ¹¹ Gombise yo ngala se songe isaso, Toa ge nde gotie bwato bomoa bo Alekisadala, Obo etese gee ge fia mo bosanga la mombe nde la gelembegidjo po yo laisa Diosikule. ¹² Oiga go sila, Tombe nde ho sigo iseso. ¹³ Go, Olingola mongonge, Toi ge nde go Legio; La etiala loha lolene lafeendu totonge nde sigo djeele mo loendo goiga go Pusola, ¹⁴ Goni aitshesu bagolo la baoli oba sembogelesu tongale la bo se sigo bosambale. Gombisa esu bo baa Goloma. ¹⁵ Go loma bedjee nde goo sana laiso tee go ngbanda apiusi la go .....isaso, Bagolo la baoli oboe go bee bo po djaiso. Paulo, Gwene bo aesha lipea mbisa go ngae Iongia-ongia, La ge audja ofia. ¹⁶ Goige esu go Loma, Ba imidja mbo Paulo angae gesee giande giangene, La sola emoa agambe mogengela ge. ¹⁷ Gombise dje sigo isaso, Paulo aga ta bokondji ba Yuda, La gombe bo mo bosongo, Aa bea bo be baogi: Bagolo la baoli ba bolome, Iti ele gea go tie dja baito mongala la gotie bokoko bo baise baiso, Be teendei go boloko go Yelusaleme go kambei mobago bo Baloma. ¹⁸ Gombise dje otudjei belembende gotei se, Po batiene mogelane bo oloolemi. ¹⁹ La mbo Bayuda bo bafea, La batomei la ofia go ngale Kaisala, La gomba la kamo ao emoa djee otuba lisego liyai. ²⁰ Momo atundjei mbo ienenu la obea laino po dje mbo oletidja bo Yisalaele bwe boatolei benyololo biye. ²¹ Baeshela ge mbisa: Toudji te loasi lomoa lo Yuda po yago, La moti la bogolo la boli bomoa aga teele su mboli yibe. ²² Lambo tolembe mbo tolube goangale age moalangana ge, Po toende luba mbo lingomba lie nde feama bisee bitubu. ²³ Befee nde ge bokolo bomoa, Laa ga ge baito bedjeende goisha go mbele djaande. Paulo aga bea laa bo bokondji bo Iongia-ongia obea moene ge, La osila goete mobeko bo Mose la basaoli, Mbo baimiye moa ngae goliolo li Yesu. Obeana mobande nde lanogo tee la liolo. ²⁴ Bamoa beimidje nde mo bee ge, La basina bati ndime. ²⁵ Galo ae bo lootshoana, Paulo ekakie nde obee baogi: Mongale ogalo mbo boenda bwelu, Obea la baise baino mobea mosaoli Yisaya, Ebe nde mbo: ²⁶ Kea go ngale baito bo, la bea mbo: Boindi la batwi baino, la bofa golotanyi; Boletindi la baiso baino la bofaeni. ²⁷ Po baofi baa baito be bangala la djoa se; Basela batoi bafia, Baidja baiso babo, La bogasa bo mbo baene la baiso babo bagolotane la baofi babo mbo batsho kikonga baofi, laambo ito uhesha bo. ²⁸ Lubei la galo ouha bwe bo Ingia-ongia boesheme po ye bapakano, La batwi bafia bande. ²⁹ Go bee ge galo ba Yuda bo baa goo beana moete yabo. ³⁰ Paulo embe nde bilanga biele bitubu mo mbele emoa oyambe ge mofutela. Embende moyamba baito batubu omba mbe moya goyamba ge, ³¹ Molaisa mokodji mo Iongia-ongia la olaisa molete Ngene Yesu kilisito goete lipanda ngomba la ba kaalo.