¹ Saulo eitende ga lowe setefano.Mombende, bo bwina bo,olwama bo baito to baiye go lingomba li yelusalema:LA boloatube,ototo la ongo batomami oba fandoge goete mbale ye bayuda la go samalia. ² Lamboo balome bosembogela baakunda setefano,la bobo baalelage la ngandu. ³ saulo,eowise nde linginda looso:aogota goete mbele la mbele, koenyenya bolome la bogali koeta bo goete boloko. ⁴ Oba fandoge lo kobea bisee la bisee,goofaa liogi lilo li IONGIAONGIA. ⁵ Filipo go sulugese go iula yi samalia,ko esaola kilisito. ⁶ Bwiye bo baito batubu bembeende mowamela oyimbe filipo moselenga tango ayoebo la oena ogemisama obombe ge mootonga. ⁷ Foyembo belimo bebe be totogende go ngala baito baiye la ohamoga la liogi lifia,la bitubu la bitumbe kobeuha. ⁸ La mombende gesagela gelene goete iula. ⁹ mombaande goete iula boto omoa aga tangebo Simona,embende mofamelage lokola boto omoo ga loongene,embende motonga bokanga obombe ge moogemisa baito ba samalia. ¹⁰ Batubu,obanda la banaboli tee la baito baumu,bembende mowamelage la kobebea mbo:ono engale la ofia bo IONGIAONGIA oga tanga bo aga bolene. ¹¹ Bembende mowamela ge la gehoi,pow yembo bembende mowamela ge bekolo bwiye mombe ge mogemisabo la besala beande be kanga. ¹² Kasi tango aye imiliege filipo,geagaa lubesabo liogi lilo li bokondi bo IONGIAONGIA la lina li yesu kilisito.balome la bogali kobe lufisama. ¹³ simona ge la ngene ye olufisiemo bati totoge ale gongale filipo,labembende ogema bo ogemisama la oenisama a batongamelo. ¹⁴ Batomami,obambe go yelusalema,go owebo mbo go samalia bauya liogi li IONGIAONGIA,kobetoma Petelo la yoani. ¹⁵ Bee kobeiga gongale ba samalitayo,osembogela po yabo,pwa yembo bauye boenda bolo bo IONGIAONGIA. ¹⁶ Pwayembo botisuluge folo goete yabo; belufisiemo nde ongo molina li ngene yesu. ¹⁷ La galo Petelo la yoani la beteela bo baaago,la ko be uya boenda bolo. ¹⁸ Tango oyaene simona mbo boenda bolo bo faame nde la otelama baago la batomami,kobefa bo bioto. ¹⁹ La obea:fee ambwalemi bo bokondi,pwa yembo botoinandi agaa ²⁰ Kasi Piele abea mbo:Sidja falanga djago ipole age,pombo bokanisende mbo falanga Iongia ongia isombande likabo l'Iongia ongia! ²¹ Botsha gea moapa bepeesu,po motema bwago motshi lolo mo maiso ma Iongia ongia. ²² Momo nyenya makanesi mago mabe,la bondela mungu;Geegei elimbisande makanisi mago mee mabe. ²³ Po mbo djaenambo botema bwago bongae bobe,la boandana la masumu. ²⁴ Simoni abea:Enu bondelei mungu po djai,podjembo mbeo dja beenu otoumelei. ²⁵ Ane asidjabo osakola matea ma mungu,baambisa go yelusaleme.mondole ba sakola liogi li Iongia ongia mondole dje Samalia. ²⁶ Losigo lomoa mwandje mo mungu mwabea a Filipo:Emala pe tea go gesobe,la bwenande ndole ene aanena go Yelusalema la ataago Gaza;tea mondole elo. ²⁷ Geoho aemala,la ataa.la geoho asana la boto omoa ga Etshopia,ge embende moto amama falanga dji mogali ga mokondji mo Etshopia,moto oho babunandege moongo.edjaande go Yelusaleme poae djeobondela. ²⁸ La embende oambisa goiula djande.engaandese go liolo li shaleti djande,la engande obala mokanda mo mosaoli Ezaï. ²⁹ Moenda mwa bea a Filipo:Sugana,la djoo ane gombale shaleti elo. Filipo aadja paango,la eoandé moto agambe otonga mokanda mo Mosaoli Isaya,momo atundja ge :Bolube mbeo djatonga ge?. ³¹ La ge aesa mbisa:Gelenge inandji giadjo kokei oluba mo,soki moto atshilimbolelei?Geoho abea a filipo alile mo shaleti la angaese gombale djande. ³² Gesege ge mokanda mo Iongia ongia gembe otanga giogie:Ekomende ambo taba ene eembebo oloa;ambo mona ga taba ene atsha eta biima gee giai nyonyenya bo puuu djande. ³³ Beoisendege soni laa bepende ge getumbo ge lingbaa;moto ata omoa atshibee mboli dji bana bande,pombo be nyenyende ge go geuhuma. ³⁴ Moto oho ga Etshopia gioho atundja Filipo:Djaabondela age,bea ai:mosaoli ekomande mbeo djo poae gii?ekomande po djande too po dje moto gaina?. ³⁵ Galo Filipo ebande olimbola maogi mo,la sakolelage mboli dji Yesu. ³⁶ Ane bembende olingola ndole djande,baiga gesee gemoa gembende la modje,la moto oho abea: leta madje mo momeen. Gea inandji gia peambo iugie bobatisimo? ³⁷ Filipo aabea ande: mongambo mbo boaimidja la motema momoa,ekoke ougia batisimo.Geoho aesa mbisa: Djaandima mbo Yesu kilisito engae mona ga Iongia ongia. ³⁸ Galo abunda shaleti,baesase bo baele mo madje,la Filipo'abatisage. ³⁹ Ane baanena mo madje,moenda mo mungu moalimwisa Filipo.Moto oho ga etshopia atshiene ale ge,la galo aosa ndole, ataa a osageala. La Filipo'adjaa goenega go iula dji Azote,la ataa gwasakola mboli djilo go toula to tee gee geigege go Sezaré.