¹ Bokumi bolene bo IONGIAONGIA aabea: biimala bia bingale gi? ² Etiene a binola:botot ga bolingo la ise gaiso abalayama,Gombeebo go boibo Mesopotamia,felo yembo bangale go saran,la koebea laande; ³ Tia boibolene bwago la lisego liago,la kea gote boi bolene a bongoinisa yenisa age. ⁴ Kobenena go boi bolene bo saladena,la kobosela go salana.La ago gombisa lingba li ise gaabo,IONGIAONGIA agaetisa bo go boi obwa ngalenu ogiogi: ⁵ ati feege gea ata ge moa geo tela yolo,la elaende mbo efa nde ge nele,la monda yaande gombise yaande,ata galo atige la bana. ⁶ Iongia-ongia ohoo aabeya gi: Lisegoo liago liuganelande go boi bwasina; Beenisiya ndeboo looso la otobaboo moete bilanga bekama beeneei. ⁷ La yo iyula oya yopelamelaee, Emi ndangoemaelaboo, ogaloo abee Iongia-ongia. Gombise hoo, Benenande, La betongelendei gio gesee. ⁸ La Iongia-ongia oohoo aapaa Abalayama uimiliyama la otshina yoombo; Ko hoo Abalayama, ko ebota Isaaka, Ko etshinagee yoombo gombise bekooloo bonaani; Isaaka aabota Yakooboo, La ko Yakooboo ebota baise ba boi liulabaele. ⁹ Baise ba boi obaowa Yoseefu obe, Ko beendjagee la oesiyagee go Ejipito. ¹⁰ La Iongia-ongia aangaa laande la geoho auhisiagee goete yo mbeo yitubu yibe, Ko epagee bweeli ko eya gouhisima gopelo Falao bokondi bo Ejipito, Gioho aaselagee boondeelee ndoombee bolene go Ejipito, La goete mbeelee yande tshubu. ¹¹ isigee yoo yaagoota goete boi bo Ejipito bombimba, Laa boi bo Kanana. Isigee yo yaagoota angandju, La looso loagota goete Ejipito, La baise baiso batshubuye gelookoo inandji gekokeboo goola. ¹² Yakoobo ohoo aowa mbo basangu bengae go Ejipito, Ko etoma baise baiso mbala ye pelo. ¹³ La mbala ene ye yeele, Yoseefu ko elubana la bandeko bande, Ko Falao eluba molisego inandji yimbe Yoseefu. ¹⁴ La ko Yeseefu etoma baito mbo baee goosa Ise gande Yakooboo, La lisego liande litshubu, Oli la baito betuu bosambale la tano. ¹⁵ Yakooboo ko esulugase go Ejipito gwagbele gee, Laa baise baiso. ¹⁶ Ko betolagee go Seekeme la ko betagee gobaili abasombe Abalayama, La loeti lobioto, Bona Emolo Ise ga Seekeme. ¹⁷ Gee geasugase go gesemba ogepe Iongia-ongia mbo gekokisamee goete Abalayama, Ko baito beya baiye laa obotama baiye goete Ejipito, ¹⁸ Teee ogaloo ayee bokondi bwasina ogatshiambo elube Yoseefu. ¹⁹ Boo bokondi, Ko etonga bwelibobe bo onyookoola logogo luiso, ko enyokola baise baiso, Mpo yembo balowe bana baiso, Mpo yembo batoouha. ²⁰ Geo gee geo, Mosee ogambe booloo mo baiso ba Iongia-ongia ko elesiama songe yiseso goete mbeelee yise gande; ²¹ La gwenisamegee, Bosea bo Falao ko eosogee, La ko euhisiagee ambo bona gande. ²² Mosee geoho auhisiama la bweli botshubu bo Ejipito, La embende bohia go baogi laa besala. ²³ Eembende la bilanga betubenei, Gee gembe gee mooa goete lopi mpo yoa gooleta bandeko bande, Bana ba bolome ba yisalaele. ²⁴ Geoho aagoosunga boli gaande ogambe bookoobee, La ko elooneelagee, Aasundja mpo ye boli gande ogatobameloo, La etoba bo Ejipito. ²⁵ eteende mbo baelo bande belubende mbo Iongia-ongia ndatomeboo gouhisiagee la yoogoo yande; La batilube. ²⁶ Losigo oloyelehoo, Ko enenela moete yaboo, Gwambeboo mooloona, La elaisaboo mbo bangae mo gehoi: Bolome, Aabea mbo, Bongai bandeko; mpo yegi angaenu mooisiana looso enubangene? ²⁷ La ogambe motoba mboogoo yande ko ebinogiselagee la obea mbo: indji aselea bokondi mpo yembo boyee goosambisesu. ²⁸ Bwendesila oloemi ogalo aloeyae boto ga Ejipito? ²⁹ La boo baogiboo, Mosee ohoo aakima, La geoho aagongaa go boi bo Mediani, Go nda bote gee bana baele ba bolome. ³⁰ Gombise bilanga betubenei, Andjeelu boomooa bwanenelagee, Go geamba ge ngolo ye sinaayi, Moete ikoko yi yiimbe. ³¹ Mosee, Aeena galo, Ko eegeema la boo booeengeliboo; La gombe gee mosegase mpo yoeena looloo, Liogi li Ngeene lio liaowana: ³² Yengae Iongia-ongia ye baise baino, Iongia-ongia ye Abalayama, Ye Isaaka la Yakooboo. La Mosee ³³ Ngene aga bea lande:totola bilato biabo mo baolo,gee gesee gengale age gengale nele oitsha obe. ³⁴ yaena onyokwama bo liemba liami obangale go ejipito,yaowa osuma bwabo,la yasuluga po djeo uhisabo.la ogiogi ke,yetoma nde age goejipito. ³⁵ Mose, nde aselebo gese gemoa la obea:nda aseleage la bosambisi? mwende agatome agtome IONGIAONGIA lokola bokondi la lokola bouhesi.allisungi li anjelu abo nenelege goete bingi bi djimbe. ³⁶ Gende anenese ge go ejipto,la gotonga bienisemo la bigeniselo go boi bo ejipito,goete baye balu,laa go lisobe,moete bilanga biteu benei. ³⁷ Oge ogo mose abea la bana ba isalaele oba bolome; IONGIAPNGIA enenisande mwete baito baino basaoli bomoo ambo emi. ³⁸ Giogo ndai gee gengo tobana giemba lisobe, la ongala la anjelu aga bee lande. gotshe ngolo yesinai,la baise baiso ,osa baogi ba bomoa,poa yo peesu. ³⁹ Baise baiso batilembe moa ge, Bembe nde mo fea gotosa baogi bande, La bembe nde moethe liofi liabo mbisa go ejipito, ⁴⁰ La obea alona: togeleso iongia-ongia go felo yaiso; Po yembo ono Mose aganenesesu go boi bo ejipito, Totiele goluba aloa gala ge. ⁴¹ La, bobeko bo,ko betonga gekeko,ko befa boasigo bosembogela bikeko la ko besepela besala be baago babo. ⁴² la galo IONGIAONGIA,etabo boongo,ko etbo ko losambo ko basola b liolo,ogalo agaselengame mobuku ba saoli:bofindi yemi baito obangbelo la gea geo faa bwasi.mwete bilanga betu benei go gesobe,mbele ye isalaele? ⁴³ Botolindi likumbo li molosa la isweswe yi IONGIAONGIA agete lopia,la gelilimi getongenu po dje osembogela bo!.La mbo bo kumelindi emi gomale babilona. ⁴⁴ Baise baiso ge lisobe bogombo bo ogaenelo,ogafeebo bobeko bo ogabe la mose atonge gelenge ageeneege. ⁴⁵ la baise baiso,gouye bo ,gogote bo,gobobeko bo yosua,goete boi abouyebo la babota ba IONGIAONGIA obitsha gopelo yabo,la ko betia tee bwina bo tawiti. ⁴⁶ Tawiti ko euya lipea gopelo ye INGIAONGIA,la obea laandeatonge gesee geonala po ye IONGIAONGIA yakobo. ⁴⁷ La ko moiga salomo oga foela ge mbele. ⁴⁸ kasi agaete go liolo atimongala go mbele aito ngame mo baago ba baito,ogalo abee bosaoli; ⁴⁹ goliolo gengaelo giayi.la gombiti goonde gemetelo giai.eni mbele ango bo fweli yemi,ngene abea,oyangongala gesee giami ge oohoma? ⁵⁰ Ati yogo yami yitonge yo bimabia bitubu? ⁵¹ Boto ogangale la bindo logogo lotia loatinama,geombo go liofi li baito! Enu bwendeti tembe.mombe baise baino,bongali ambwale gelenge giaho. ⁵² La basaoli baise baino biloe bo?beloende obaye goolubesa pelo yabo ogangale sembo,agapeenu ndole mbo boloei ogiogi,la enuabaloege, ⁵³ enu abauye bobeko gombisa bobeko bo baanjelu,la boti bateli bo!!! ⁵⁴ Gooa baogi,beeowend obe go baofi babo,ingola baino bo ligege po yande. ⁵⁵ la galo etieni,oya la boenda bolo,ko eleta goliolo,la eena loguma lo IONGIAONGIA la yesu emale go yogo yi IONGIAONGIA yi golome. ⁵⁶ La ko ebea etei yaene goliolo ko lifoge,la bona ga boto emale go yogo yi bolome bo IONGIAONGIA. ⁵⁷ Kobe hamoga la ngandu,la oindja batoyi,ko bea fango bobatubu gongale ge, ⁵⁸ obatiale go ngonga dje boi,la obaloe baito.ombambeho ko betia tulu yabo ko baolo ba bona bolome omoa ogatangebo lina SAULO. ⁵⁹ La ko beloa etiene,ko esembogela la ko ebea bo:ngene yesu,osaa boenda bwami! ⁶⁰ La galo ko efoa balui se,geoge aga amoga la liogi lifia:Ngene,ndo sega louma lo basumu babo!gombise bo baogi ko efonya.