¹ Mo gio gee geao ,mutuya lo Baetani loaa Liolo, Baebele bo baaselengana moete yabo la Liogi li Liela,mpo yembo obangbele Balome Batimbe muuya Gea geena betubu obombebo moganya Biya. ² Baetani Liû la Baélé baatana a gage Liemba lie li Baetani,la ba Bea:Mopagelane mbo tosiiyee Olaisa Liogi li Mungu gotie Mesa. ³ La gombo, ko ebea la Baito ba binee Bolome Bosambaele,obayobea Lolo mwene bo,bangae la oyala la Lokuku lo Boenda Bolo laa Bweli bo loongene,la tooselandebo goete Ligwa liiyee. ⁴ La esu,toelelandeamboalee motonga Lisembogeli goete Liogi li Mungu. ⁵ Ligelegi liaoliasia Baito batubuolo Bobo bapona etshieni,boto ogagale la botema la boenba bolo. Pilipo,polokolo,NIKANOLO,Timoa,palamenase,la NIKOLA ogakokogelo Botó ga Atiokia, ⁶ Bobobae nisiabo la batomami ba Mungu ,obambe, gombise gabo osombola bolo baatelabo baago la opia. ⁷ La liogi li Mungu lio liapandoga anganju, la loeti lo betani lo loaa liolo anganju go yelusaleme, la liemba lilene li Bekumi be Mungu baimilia gotosa liogi. ⁸ Etsheni, egayale la lipea laa opia, embende motonga mbeeyilene yo gemisia moete baito. ⁹ Liemba libaito ba sinagoge obatangame bekumi be loongene, la bakulenia la oba alekisanele, la Bayuda ba silisia la Asia bendendemobeana laande. ¹⁰ Lambo atilembe staana pege goete bweli la Boenda obombege mobea. ¹¹ Gombisa ko bebegisia bolome baasina gombo:toende ge engaé mobea baogi bobona Mose la obona Mungu. ¹² Bobo baatombokisa boito, bagologu la ba Sikilibe,laà baagwa gotshe gande la baabundage bo bealaande go mbele ye Mungu ye sanedilina. ¹³ Bobo baemalisia baselengi ba bwela,obabeembo:Botó ono atshimosiga obea baogi babe la obotshaa gesée be Boenda la gesée ge bobeko; ¹⁴ Injembo esu toende bebea mbo Yesu, botoga Nasalete,endesega gee gesée la endekokoliga bokoko obotshiele Mose etshielesu, ¹⁵ Bobatubu baangaase goete Sanedilina mbeleye Mungu baaleta Etsheni goete osio buande osio bwoenegela ambo Angelu.