¹ Amango olugurhu lwabere lwayunjula n'oku hira kw'enyunvi n'ebyuma, nagabira abalanzi b'enyunvi, abimpiza n'Abalawi. ² Nahereza Hanani amarhegeko gani, mwene werhu, na Hananiya, mukulu w'okurhegeka omu Yerusalemu, muntu mukulu wa bantu banene oku bushinganyanya bwabo n'oku yubaha Nyamuzinda. ³ Nababwiraga: Enyunvi z'e Yerusalemu zirhakachingulwa embere w'echuka ch'ezuba chirhazibaho, njibachinga emilambaliko y'ebyuma omu mesho gawe; Abantu b'e Yerusalemu njiba jir'okulanga, muguma oku mulimo gwage embere y'enju yage. ⁴ Echishagala chaliri chinene n'okugaliha, aliko olubaga lwamo lwalirib lugeke, n'enju zirali yumbakirwe mo. ⁵ Nyamuzinda wani amperez'omurhima g'okuhamagala abashamuka, Abazuzi, n'olubagaga mpu rhulole oluganja lw'abantu. Nagwanyanya echitabu chiyandikirwe mw'abarhangaga kurharama, naja na yandika abakulikireho. ⁶ Talaga abala bw'omu chishagala chikulu barheng'elubongo, balimo balala Nebukadeneza, mwami wa Babeli, agwarhaga mpiru, ba banagalukaga e' Yerusalemu n'e Yuda, ngasi muguma omu chishagala chage. ⁷ Bagendaga haguma na Zorobabeli, Yoshuwa, Nehemiya, Azariya, Raamiya, Nahamani, Mordekayi, Bilshani, Mispereti, Bigivayi, Nehumu, Baana. Oluganjo lw'abantu bw'olubaga lw'e Israeli. ⁸ Abana ba Parosi, baliri bihumbi bibiri n'egana na makumi gali mushanvu na babiri; ⁹ Abantu b'omu shanja lya Shefatia, magana masharhu na makumi gali mushanvu na babiri; ¹⁰ Abantu baliri omu shanja lya Araki magana ndarhu na makumi marhano na babiri; ¹¹ Abana ba Pahati-Moabu, abana ba Yoshuwa naba Yoabu, bihumbi bibiri na magana munane n'ekumi na munane; ¹² Abana ba Elamu, chihumbi na magana mabiri na makumi marhano na bane; ¹³ Abana ba Zatu, magana munane na makumi mane n'abarhano; ¹⁴ Abana ba Zakayi, magana mushanvu na makumi gali ndarhu; ¹⁵ Abana ba Binuyi, magana ndarhu na makumi mane na ndarhu; ¹⁶ Abana ba Bebayi, magana ndarhu na makumyabiri na munane; ¹⁷ Abana ba Azigadi, bihumbi bibiri na magana masharhu na makuymyabiri na babiri; ¹⁸ Abana ba Adonikamu, magana ndarhu na makumi gali ndarhu na mushanvu; ¹⁹ Abana ba Bigivayi, bihumbi bibiri na makumi gali ndarhu na mushanvu; ²⁰ Abana ba Adini, magana ndarhu na makumi marhano na barhano; ²¹ Abana ba Ateri, w'omulala gwa Ezekiya, makumi gali munane na munane; ²² Abana ba Hashumu, magana masharhu na makumyabiri na munane; ²³ Abana ba Bezayi, magana masharhu na makumyabiri na bane; ²⁴ Abana ba Harifu, egana n'ekumi na babiri; ²⁵ Abana ba Gabaoni, makumi gali mwenda na barhano; ²⁶ Abana ba Betelehemu n'aba Netofa, egana na makumi gali munane na munane; ²⁷ Abana ba Anatoti, egana na makumyabiri na munane; ²⁸ Abana ba Beti- Azmaveti makumi mane na babiri; ²⁹ Abantu b'e Kiriyati-Yarimu, b'e Kefira n'e Beroti, magana mushanvu na makumi mane na basharhu; ³⁰ Abantu b'e Rama n'e Geba, magana ndarhu na makumyabiri na muguma; ³¹ Abantu b'e Mikemasi, egana na makumyabiri na babiri; ³² Abantu b'e Beteli n'e Ai, egana na makumyabiri na basharhu; ³³ Abantu b'omulugo lwe Nebo, makumi marhano na babiri; ³⁴ Abantu b'owindi Elamu, chihumbi na magana mabiri na makumi marhano na bane; ³⁵ Abana ba Harimu, magana masharhu na makumyabiri; ³⁶ Abana b'e Yeriko, magana masharhu na makumi mane na barhano; ³⁷ Abana ba Lodi, ba Hadidi na Ono, magana mushanvu na makumyabiri na muguma; ³⁸ Abana ba Senaa, bihumbi bisharhu na magana mwenda na makumi masharhu. ³⁹ Abadahwa: Abana ba Yedaya, w'omu burha lya Yoshuwa, magana mwenda na makumi gali mushanvu na basharhu; ⁴⁰ Abanaba Imeri, chihumbi na makumi marhano na babiri; ⁴¹ Abana ba Pashihuri, chihumbi na magana mabiri na makumi mane namushanvu; ⁴² Abana ba Harimu, chihumbi n'ekumi na mushanvu; ⁴³ Abalawi: Abana ba Yoshuwa na ba Kadimieli, ba Hodiva, makumi gali mushanvu na bane; ⁴⁴ Abimpiza: Abana ba Asafu, egana na makumi mane na munane; ⁴⁵ Abalanzi b'enyunvi: Abana ba Shalumu, abana ba Ateri, abana ba Talmoni, abana ba Akubi, abana ba Hatita, abana ba Shobayi, egana na makumi masharhu na munane. ⁴⁶ Aba Netini: Abana ba Ziha, abana ba Hasufa, abana ba Tabaoti, ⁴⁷ abana ba Kerosi, abana ba Siya, abana ba Padoni, ⁴⁸ abana ba Lebana, abana ba Hagaba, abana ba Shelmayi, ⁴⁹ abana ba Hanani, abana ba Gideli, abana ba Gakari, ⁵⁰ abana ba Rega, abana ba Resini, abana ba Rekoda, ⁵¹ abana ba Gazamu, abana ba Uza, abana ba Paseya, ⁵² abana ba Besayi, abana ba Mehunimu, abana ba Nefisimu, ⁵³ abana ba Bakibuki, abana ba Hakufa, abana ba Haruri, ⁵⁴ abana ba Baziluti, abana ba Mehida, abana ba Harasha, ⁵⁵ abana ba Barakosi, abana ba Sisera, abana ba Temaki, ⁵⁶ abana ba Neziya, abana ba Hatifa. ⁵⁷ Bagala ba bambali ba Sulemani: abana ba Sotayi, abana ba Sofereti, abana ba Perida, ⁵⁸ abana ba Yaala, abana ba Darkoni, abana ba Gideli, ⁵⁹ abana ba Shefatiya, abana ba Hatili, abana ba Pokereti-Hazabaimu, abana ba Amoni. ⁶⁰ Oluganjo lw'Aba Netini n'abana ba bakozi ba Sulemani: magana masharhu na makumi gali mwenda na babiri. ⁶¹ Lolaga abagenda e'Teli-Melaki, n'e'Teli-Harsha, n'e Kerubi-Adoni, n'e Imeri, bahaba chiro gurhe bankaderha enju zabo baburhwagamo n'obuko bwabo, oku yerekana oku banachiri ba Israeli. ⁶² Abana ba Delaya, abana ba Tobiya, abana ba Nekoda, magana ndarhu na makumi mane na babiri. ⁶³ N'omu badahwa: abana ba Hobaya, abana ba Hakozi, abana ba Barzilayi, oyo Barzilayi ashabira majina gage Barzilayi, w'e Galadi, n'oku chiyirika ezino lyage. ⁶⁴ Bashondereza echitabu chiyandikirwe mw'amazino ga bashokuliza babo, aliko barhamabonaga chiro. Lero babarhola nka bantu bazingire babakula oku badahwa, ⁶⁵ Oku handi omurhegesi abahanza oku barhahira kulya oku biryo bisibwa kugera amango omudahwa mukulu alola Urimu na Tumimu. ⁶⁶ Abantu boshi haguma balihikire bihumbi makumi mane na bibiri na magana masharhu na makumi gali ndarhu, ⁶⁷ Buzira kuganja abambali babo n'abambali-kazi babo, nabo balihikire bihumbi mushanvu na magana masharhu na makumi masharhu na mushanvu. Omu kagarhi kabo mwaliri abimpiza magana mabiri na makumi mane na barhano abalume n'abakazi. ⁶⁸ Baligwerhe Farasi magana mushanvu na makumi masharhu na ndarhu, na ba Punda magana mabiri na makumi mane na barhano, ⁶⁹ Engamiya zabo zaliri magana mane na makumi masharhu n'erhano, n'aba Punda bihumbi ndarhu na magana mushanvu na makumyabiri. ⁷⁰ Bakulu banene bw'omulala bajira eshololo enyanya z'omulimo. Omurhegesi mukulu aha obik'eshaho rhubindi chihumbi ch'ehoro, na ngumbu makumi marhano, na bishuli magana marhano na makumi masharhu bya bachesibwa. ⁷¹ Abali yorhere oku omu lubaga bahana rhubindi bihumbi makumyabiri by'ehoro na bihumbi bibiri na maga mabiri by'efuranga. ⁷² N'abandi bantu ba bashanganga basholola rhubindi bihumbi makumyabiri by'ehoro na bihumbi bibiri by'efuranga na bishuli makumi gali ndarhu na mushanvu bya bachesibwa. ⁷³ Abadahwa na Abalawi, abalanzi, Abimpiza, n'abashanganga, Aba Netini na ba Israeli boshi, bahanda omu chihugo chabo. Mwezi gwa mushanvu gwahikire, n'abana b'e Israeli eri bakola bali omu bishagala byabo.