¹ Lusiku luguma Sanibalati na Tobiya na Gesemi w'omu Harabu n'abandi bashombanyi,babere baguma oku rhwayumbakire lula lukuta, na ntajirhule chiyorhere, ago mango eri ntaziheba enyunvi oku milango. ² Sunibalati na Gesemi barhuma mpu bambwire nyinje rhushimanane e keferemu, omu kabanda k'e ono Balilonzize mpu bayirhe. ³ Nabagalulira eyindi ntumwa mpu bababwire oku ngwerhe ebindi najira e kweri nankaja emunda muli emikolo yanayumanga. ⁴ Bashubi rhuma eyindi ntumwa ya kane, nayibwira kula kona kula. ⁵ Sanibalati antumira omwambali obwa garhano, aherhe n'amaruba garhaboherwe. ⁶ Galiderhe mpu : Rhwayunvirhe okw'abantu barhali bayuda, bwenene gesemi ambwirire oku bali baderha oku we mwene Abayuda, mulimwalonza mugome, che chirhumire mwayumbaka olukuta, mpu wekala waba mwami wabo. ⁷ Chiro banambwirire oku wayimikire Abalebi, bagende baderha omu Yerusalemu oku wekala mwami yahikire ku mwami. Okubiri, oyinje Rhuganire. ⁸ Lero namuhimira n'oku derha okwebyola birhajirikire s'aliko Ngerezo z'omurhima gwage. ⁹ Aba bantu balilonze oku rhuyubayisa, n'okuderha mpu yirhuchik'omurhima rhuleke akasi. Mani Nyamuzinda onjire ntwali mweyi mikolo. ¹⁰ Nagenda emwa semaya mwene Delaya, munjukulu wa Mahetabeli Abaga abulire okwagahika emundandi, ambwira mpu : Rhuje omuka Nyamuzinda rhuyikale ahantu himana rhuhamike n'enyunvi, buno abahombanyi bawe Bakulonza budufu bayinja. ¹¹ Namushuza mpu : Omulume oli akani arhankayaka, n'okundi k'omuntu oli akani akaja omuka Nyamuzinda mpu mwaji chibisha, Alame! ntaj'omo! ¹² Nakengu okw'arhali Nyamuzinda wamurhumaga, aliko ajira obulebi enyanya zani, buno Sanibalati na Tobiya bamukolesaga. ¹³ Enyanya z'oko arhumwagwa mpu nyubahe, njire ntyo nje omu chaha, baje banyikire ezino libi ly'okungayaguza ba mperez'eshonyi. ¹⁴ Onyibuke mani Nyamuzinda wani, Sanibalati na Tobiya n'ola mulebi bajira mpu banyubahise. ¹⁵ Omu siku makumyabiri n'erhano z'omwezi gwa Eluli, olukuta lwayunjulira oku siku makumi marhano n'eberi. ¹⁶ Abashombanyi n'abapagani bali rhuzungulukire bayunvva ntyo, Bagera m'o musisi n'eshonyi zabagwarha. Babona oku Nyamuzinda warhurhabere kw'ogola mukola. ¹⁷ Mw'ezo siku, harhenga barhambo baguma b'omu yuda bakazagirhumira Tobiya amaruba, na Tobia anabagalulira agandi. ¹⁸ Bantu banene b'e Yuda bali Bamanywana naye, buno aliri muhunga wa Sheekaniya mwene Ara w'omuyuda, n'omugala yehohanani Alishabire Meshulamu mwene Berekiya. ¹⁹ Bayinja bamubwira emyazi yageminja yinanayunva, n'okumubwira emyazi yani, Tobiya antumira amaruba g'okunyobahya.