¹ Lero mango maguma,abantu b'omulubaga barhondera oku chidudumira bene babo b'aba Yuda. ² Harhenga abaderha mpu : Bagala berhu na bali berhu,nerhu rhwenine rhwamaluga,owarhuha engano rhwalya yi rhulama; ³ Hali n'abandi baderha mpu : Rhukala rhwayasa amashwa gerhu g'emizabibu,rhuhandise n'enju zerhu yirhubona engano rhwayinja rhwalya mweri shali. ⁴ Hali n'abandi baderha mpu : Rhuchihoze efuranga z'oku mashwa gerhu g'emizabibu yirhubone esoko rhwahek'oku bwami. ⁵ N'obu rhuchiri rhwenabaguma,abana berhu n'ababo bana baguma. Laloga oku rhwabo rhwagoshola abana berhu mpu babe baja,n'omubali berhu muli ababere bajanyer mira. Nta simikiro rhuchigwerhe,amashwa gerhu g'emizabibu gakola gaba bantu rhushigire. ⁶ Eri nyunva eyo miziga n'eyo myazi nagaya bwenene. ⁷ Nahiga oku nakalihira abarhambo n'abazuzi,nababwira mpu : Ka bunguke muhozeza bene benyu ? Nabere nabona ntyo,nabahamagala om hano likulu. ⁸ Nabwira abantu mpu : Anti aba bantu muli mwajira ntya bali bene berhu,si rhwenine rhwabagombolaga n'emisi yerhu,rhwabakula emahanga emunda bali bachiguzize,kasiga mwabere mwajira ntyo mwalonzaga bayinje mubagule mwenababo ba Yuda. Babere bayunva ntyo basira babula echi baderha. ⁹ Nashubi babwira mpu : Ebi muli mwajira birhali binja,mukwanene mulame eri munakengere Nyamuzinda werhu,yi rhufuma olushombo lw'abashombanyi berhu b'abapani. ¹⁰ Nyono bene berhu,n'abambali bani,rhwahozeze abo bantu efuranga n'engano.Oku rhwajira,rhubalekere eminda barhugwerhe. ¹¹ ene ene mugalulire bene benyu amashwa gabo g'emizabibu,chiro n'enju zabo,nta bunguke mwabalolerako,akaba hali ebmwali bahozeze,akaba furanga,akaba ngano,akaba vivayi,akaba mavurha mubigalulire bo. ¹² Bashuza mpu : Rhwajira oko nderhere,rhurhachiba hema kantu,n'ebirhubagwerhe rhwabigalulira byo. Nahamagala abajinji,nabahanula mpu bamenye bankabalala ogo mwazi. ¹³ Na derha nansezeze,n'okukungurha echishuli nyambere. Naderha owakaba arhakengere ogu mwazi,Nyamuzinda amu kungurhe.Akungurhe n'aha mwage,amunyegese ebyaherhe byoshi,amuleke busha.Abantu boshi bayakuza mpu bibe ntyo. Abantu bakuza Nyamuzinda,bakenga na gula mwazi. ¹⁴ Kurhenga amango mwami anjiraga murhambo w'omu Yuda,omu mwaka gwa makumyabiri,kuhika mwaka gwa makumi masharhu n'ebiri g'omwimo gwa Artasasts,hagerere myaka ekumi n'ebiri,oli nyono,oli bene berhu ntaye walamire oku by'oburhambo. ¹⁵ Abaliri barhambo embere zani,bali bamarhindibuza olubaga,okuhoza ebiryo n'edivayi,na bicheri makumi mane by'e furanga. Chiro n'abambali babo nabo bayinja babalibuza kwabo. Aliko nyono ntajiraga ntyo enyanya z'oku kenga Nyamuzinda. ¹⁶ N'amango goshi nakolere oku lugurhu,ntagulaga eshwa ly'omuntu eri nju yage. Abambali bani boshi bakazagi kola. ¹⁷ Naligwerhe balume egana na makumi marhano na kazagi lisa;Haliri Abayuda n'Abazuzi bakulu n'abandi bakazagi rhenga omu bindi bihugo by'eburhambi. ¹⁸ Bakazagi nteganyiza empanzi ngasi lusiku,kuhira na kubibuzi ndarhu bikwirire,n'engoko. Eri siku ekumi zigera,bana ntula edivayi likandirwe bwinja.Mw'ebyola byoshi ntahambiraga eby'oburhambo,buno emikolo bakolaga yali barhindibwize. ¹⁹ Mani Nyamuzinda onyibuke bwenene enyanya z'amenja na jiriraga olubaga lwawe,onjirir'ebinja.