¹ Ene Sanibalati amenya oku rhuli rhwayumbaka alugurhu,ahina bwenene,aja ko,arhushekera rhuli ba Yuda. ² Aderha embere za bene babo n'embere z'engabo ye samariya mpu : Lero bichi ezi shahu za ba Yuda ziri za terengeza ? Obo si bayunjuza bahereze Nyamuzinda wabo enterekero ? Ka zene zene yibanayunjuza obo bali bakonoza n'amabale g'omucholezo gahyaga n'omuliro ? ³ Tobia w'omwa Mori aliri naye aderha mpu : Leka bayumbake,ka nyambwe akola ashona kw'ebyo bishahu birhahonongokera oku daho ! ⁴ Nayakuza mpu : Mani Nyamuzinda werhu oyunviriz'oku bali barhuha amasheka,obachumuz'omu gayo gwabo onabashunike omu mahanga. ⁵ Orhababaliraga echo chaha,orhayibagiraga amabi gabo bali barhujachira mp'okwenye rhuli rhwayumbak'olukuta. ⁶ Rhwayumbaka olo lukuta guhika omugarhi garhi,omuzunguluko goshi,buno ngasi muntu aliherhe obushiru. ⁷ Aliko Sanibalati,na Tobiya,n' Abaharabu,n' Abamoni,n'aba Sidodi baniha babere bayunva oku lukuta lw'e Yerusalemu lwagendere'oku nju,kwa,n'okw'ebirhule byoshi biri hofu h'okufukwa. ⁸ Bachiheba haguma mpu bagende barhere abantu b'e Yerusalemu,n'okuhira akavulindi omu bantu. ⁹ Rhwahema Nyamuzinda werhu rhwajira abalalizi,b'ezuba b'ab'obudufu b'okubalinga. ¹⁰ Mw'ago mango aba Yuda baderha mpu : Abakozi barhaganukire,n'ebiheka bichilugire. Rhwabwene nka rhurhayunjuz'olukuta. ¹¹ Abashombanyi berhu baderha mpu : Barhabona,barhanamanya amango rhwabahikagako,rhubayirhe y'ogo mukolo guyumanga. ¹² N'obo aba Yuda bali eburhambi bakazagi yinja ngasi mango gurhubwira ngahe bahisa emihigo. ¹³ Che charhumaga na kerekesa abantu nk'okw'emilala yabo enali,bali gwerhe amachumu,n'engorho,n'emiherho omu mbuga. ¹⁴ Nalola,na yumuka na bwira abarhambo,n'Abazuzi,n'abantu baliyorhere mpu barhayubahaga,muyibuke oku Nyamuzinda aba mukulu anaba wakuyobohwa.Mulwire bene benyu,n'abana benyu,na bakenyu n'enju zenyu. ¹⁵ Amango abashombanyi berhu bamanyaga oku barhubwirire,Nyamuzida acha omulali gwabo.Rhweshi rhwashubira oku lukuta,ngasi muntu ahayinjaga akola. ¹⁶ Kurheng'olo lusiku,baguma berhu bayinja bayumbaka n'abandi babalinga bafumbarha amachumu,n'empenzi,n'emiherho,n'e Siribo omu fune. Abarhambo bakazi langa olubaga lw'aba Yuda loshi. ¹⁷ Abakazagi yumbaka olugurhu lw'amabale,n'abakazagi barhula,bakazagi yumbaka na kuboko kuguma n'okwindi kuherh'echumu. ¹⁸ Abakazagi yumbaka ngasi muntu alihagarhire engorho yage omubirhugo. Intyo kubakazagi kola,n'owabuha omushekera ali eburhambi bwani. ¹⁹ Nabwira abarhambo,n'abazuzi,n'olubaga loshi ok'omukolo guchiri gunene,nerhu rhwashandere oku lugurhu ngasi muntu hale hale n'owabo. ²⁰ Ngasi hoshi mwankayunva omulenge g'omushekera,mwanayinja mweshi,Nyamuzida werhu arhulwira. ²¹ Rhwakazi kola kurheng'esezi kuhika obudufu,na chiguma ch'ekumi ch'abantu,ngasi muguma n'echumu lyage omu fune. ²² Ago mango na bwira abarhambo oku ngasi muguma ayinja alala omu Yerusalemu yewe n'abambali bage. Abo barhulang'obudufu n'esezi banashubira omu mikolo. ²³ Nyono n'aberhu,n'abarhambo n'abakozi boshi,n'abalanzi,rhurhachikazagi hogol'emyambalo na ngasi muntu anafumbarhire echumu.