¹ Lolaga abadahwa n'Aba Lawi bazamukaga haguma na Zorobabeli, mwene Salitieli, na haguma Yoshuwa: Seraya, Yeremiya, Ezra, ² Amariya, Maluki, Hatushi, ³ Shekaniya, Rehumu, Meremoti, ⁴ Ido, Ginetoyi, abiya, ⁵ Miyamini, Madiya, Biliga, ⁶ Shemaya, Yoyaribu, Yedaya, ⁷ Salu, Amoki, Hilikiya, Yedaeya. Abala babaliri bakulu b'abadahwa na bene babo, omu mango ga Yoshuwa. ⁸ Abalai: Yoshuwa, Binuwi, Kadimieli, Sherebiya, Yuda, Mataniya, babali rhambwire haguma na bene babo olwimpo lw'okuharamya; ⁹ Aba nabo bakazagi hindamula haguma n'ababo Balawi: Bakubukiya na Uni. ¹⁰ Yoshuwa aburha Yoyakimu,Yoyakimu aburha Eliashibi, Eliyashibi aburha Yoyada, ¹¹ Yoyada aburha Yonatani, na Yonakani aburha Yaduwa. ¹² Lolaga, amango ga Yoyakimu, abali badahwa, abakulu bw'omulala: Emwa Seraya, Mareya; emwa Yeremiya, Hananiya; ¹³ emwa Ezra, yaliri Meshulamu, emwa Amariya, yaliri Yehohanani; ¹⁴ emwa Maluki, Yonatani; emwa Shebaniya, Yozefu, ¹⁵ emwa Harimu, Adina; emwa Merayoti, Helekayi; ¹⁶ emwa Ido, Zakariya, emwa Ginetoni, Meshulamu; ¹⁷ emwa Abiya, yaliri Zikiri, emwa Miniamini na Moadia, yaliri Pitayi; ¹⁸ emwa Biliga, yaliri Shamuwa; emwa Shemaya, yaliri Yonatani; ¹⁹ emwa Yoyaribu, yaliri Matenayi, emwa Yedaya, yaliri Uzi; ²⁰ emwa Salayi, yaliri Kalayi, emwa Amoki, yaliri Eberi; ²¹ emwa Hilikiya, yaliri Hashabiya, emwa Yedaya, yaliri Netaneli. ²² aba ba Balawi n'abashamuka n'abajinji balimanyikene amango Eliashibi,na Yoyada,na Yohanani na Yodwa bali bajinji bakulu, oku ngoma ya mwami Dariusi w'ePerisi. ²³ Bene Lawi, ba bashamuka bali yandikirwe, omu chitabu ch'ebyakazagiba mwezola siku, kugera amango ga Yohanani mwene Eliashibi. ²⁴ Aba babli bakulu b'Abalawi : Hashabiya,Sherebiya, na Yeshuwa mwene Kadimieli, babali gabirwe omu bene babo mpu bakazi kuza n'oku haramya Nahamwerhu, kukulikira nk'oku Daudi, mwambali wa Nyamuzinda alirhegekere. ²⁵ Aba babaliri balalizi b'enyunvi babaliri balalizi b'enyunvi babakazagi lalira oku bizimbero by'enyunvi : Mataniya, Bakubukiya, Obadiya, Meshulamu,Talimoni na Akubi. ²⁶ Abo babalamaga amango ga Yoyakimu, n'amango ga Yeshuwa mwene Yosadaki, n'amango g'omurhegesi Nehemiya, n'omujinji n'omushamuka w'ehano Ezra. ²⁷ Amango g'oku kangula olugurhu lw'e Yerusalemu, bajilonz'Abalawi ngasi hoshi baliri. Babashubuziza e Yerusalemu mpu bakangule olugurhu n'omwimogo, n'enyimpo n'emijegerezo n'amaholere n'enanga. ²⁸ Abimpiza bagorha Yerusalemu omu ntondo y'Aba Netofa. ²⁹ N'e Beti-Giligali, n'omu ntondo z'e Geba, n'e Azimaweli buno Abimpiza bali yumbakir'eburhambi bw'e Yerusalemu. ³⁰ Abadahwa n'Abalawi bachichesa, bachesa olubaga, bachesa n'enyunvi n'olugurhu. ³¹ Nazamuka oku lugurhu n'abakulu b'e Yuda, nagaba bikunjo bibiri by'abimpiza b'okukuza n'okuderha Nyamuzinda agashane, echikunjo chirhanzi chagera ekulyo enyanya z'olugurhu kuyerekera ebwa lunvi lw'echavu. ³² Enyuma zabo Hoshaya akulikira abimpiza n'echikunjo chiguma ch'abashamuka b'e Yuda, ³³ Azariya, Ezra, Meshulamu, ³⁴ Yuda, Benjamina, Shemaya na Yeremiya, ³⁵ Bene abajinji n'emishekera, Zakariya mwene Yonatani, mwene Shemaya, mwene Mataniya, mwene Mika, mwene Zakuri, mwene Asafu. ³⁶ na bene babo, Shemaya, Azareli, Milalaya, Gilalai, baligwerh'enanga na Daudi, mwambali wa Nyamuzinda. Ezra, omwandisi, ye wali bayimangire. ³⁷ Ebwa lunvi lw'eshoko, bazamuk'ewa chishagala ch'abantu b'omu b'emwa Daudi kugera enyanya w'olugurhu, enyanya z'enju ya Daudi, kugera ebwa lunvi lw'amenji, ewa bushoshokero bw'ezuba. ³⁸ Echikunjo cha kabiri ch'abimpiza chagera ekulembe. Nani na yinja enyuma zacho n'eyindi ngabo z'abantu, Rhwagera oku lugurhu. Rhwagera eshishi y'omulunga gw'efuru, rhwagenda kugera emunda olugurhu lugalihire; ³⁹ Rhwagera oku nyanya ly'olunvi lwa Efurahimu, n'ebwa lunvi lushajire, omu lunvi lw'efi, omu mulunga gwa Hananeli n'ebwa gwindi mulunga gwa Mea, kugera oku lunvi lw'ebibuzi. N'oku yimangira oku lunvi lw'empamikwa. ⁴⁰ Ebyo bikunjo byombi by'abimpiza byayumangira omu ka - Nyamuzinda; Nani haguma n'erhu rhwajira ntyo, nyono n'abajinji bakulu baliri haguma nani, ⁴¹ n'abajinji Eliakimu, Manaya, Miniamini, Mika, Eliyohenayi, Zakariya, Hananiya ,bayinja babuha emishekera, ⁴² na Maseya, Shemaya, Eliyazari, Uzi, Yehohanani, Malikiya, Elamu, Ezeri. Abimpiza bagenda bayimpa bashokolerwe na Yizirahiya. ⁴³ Mw'olo lusiku barhula entulo zinene, n'okuja omulumogomogo, bulala Nyamuzinda abajirire akantu k'okusimisa. Abakazi n'abana nabo bamoga bwenene, n'abaliri aharhali hofi bayinja bayunva echihogero chiri e' Yerusalemu. ⁴⁴ Mwezo siku, bagaba echikunjo ch'abalume ch'okulalira enju y'okuhakira mw'emburho ntanzi omu mashwa, n'entulo ya malehe marhanzi, n'echiguma ch'ekumi ch'ebibamayeza, babahereza n'obuhashe b'okuhoza omu chihugo choshi, ngasi bigabi byoshi birhegekerwe okuhabwa abajinji n'Abalawi, buno Abayuda balisimire nk'okw'Abajinji n'Abalawi bakazagi kola omu chihugo chabo, ⁴⁵ Babakazaga lola ebilolere emilimo ya Nyamuzinda n'ey'okushukulula ebyaha. Abimpiza n'Abalanzi b'enyunvi bakulikira obworhere bwa Daudi n'omugala Sulemani. ⁴⁶ Bulala mira mira, amango ga mwami Daudi na Asafu, haliri abakulu b'abimpiza n'abokuyimpisa enyimpo z'obukuze bakazagi yimpisa z'okukuza Nyamuzinda. ⁴⁷ Israeli yeshi, amango ga Zorobabeli na Nehemiya, bakazagihereza abimpiza n'abalanzi b'enyunvi echigabi chabo ngasi lusiku kurhenga omu chihugo ch'e Israeli choshi; Bakazi jira n'eshololo echesibwe y'Abalawi, n'Abalawi bakazi shololera abajinji bene Haruni echabo chigabi.