¹ Abarhambo b'olubaga babera omu Yerusalemu. Abayorhaga omu lubaga ba yesha esimbi, zakazi londola muntu muguma omu bantu ekumi balilamire omu Yerusalemu, echishagala chi chesibwa, n'abo bandi nji balama omu bishagala. ² Olubaga lwa gisha abaliherhe obulonza b'oku jibera e' Yerusalemu. ³ Lolag'abarhambo b'echishagala chikulu baberagamo omu Yerusalemu. Omu bishagala by'e Yuda, ngasi muguma abera aha mwage, omu chishagala chage, Israeli, abadahwa n'Abalawi, aba Nititi, na bagala ba bambali ba Sulemani. ⁴ E' Yerusalemu yaja bene Yuda na bene Benjamina. Bene Yuda: Ataya, mwene Uziya, mwene Zakariya, mwene Amiriya, mwene Shefatiya, mwene Mahaleli, mwene Peresi, ⁵ mwene Maseya, mwene Baruki, mwene Kolohoze, mwene Hazaya, mwene Adaya, mwene Yoyaribu, mwene Zakariya, Shiloni. ⁶ Oluganjo lwa bene Peresi loshi lw'ajaga e' Yerusalemu: Zaliri ntwali magana mane na makumi gali ndarhu na munane. ⁷ Lolaga bene Benjamina : Salu, mwene Meshulamu, mwene Yowedi, mwene Pedaya, mwene Kodaya, mwene Maseya, mwene Itieli, mwene Isaya, ⁸ n'enyuma zage, Gabayi na Salayi, baliri balume magana mwenda na makumyabiri na munane. ⁹ Yoweli, mwene Zikiri, ye waliri chilongozi chabo, na Yuda, mwene Senuwa, ye wali kulikire omurhegegesi omu chishagala. ¹⁰ Abadahwa: Yedaya, mwene Yoyaribu, Yakini. ¹¹ Seraya, mwene Hilikia, mwene Meshulamu, mwene Sadoki, mwene Merayoti, mwene Akitubu, mukulu wa ka-Nyamuzinda, ¹² Haguma na bene babo bakazagi kola omu Ka-Nyamuzinda, baliri magana munane na makumyabiri na babiri; Adaya, mwene Yerokamu, mwene Pelaliya, mwene Amusi, mwene Zakariya, mwene Pashihuri, mwene Malikiya. ¹³ Na bene babo, bashamuka b'enju zab'eshe, baliri magana mabiri na makumi mane na babiri; na Amashayi, mwene Azareli, mwene Ahazayi, mwene Meshilemoti, mwene Imeri, ¹⁴ na bene babo, ntwali z'abalume, zaliri egana na makumyabiri na munane. Zabudieli, mwene Gedolimu, ye waliri chilongozi chabo. ¹⁵ Abalawi: Shemaya, mwene Hashubi, mwene Azirikamu, mwene Hashabiya, mwene Buni, ¹⁶ Shabetayi na Yozabadi, bali bakulu balihabirwe emirimo y'embuga y'aka-Nyamuzinda, baliri omu bakulu b'Abalawi; ¹⁷ Mataniya, mwene Mika, mwene Zabudi, mwene Asafu, ye mwimpiza wakazagi yimpiza abantu amango bali ba haramya amago kw'okuhuna,na Bakubukiya, ye wa mukulikiraga omu bene babo, n'Abuda, mwene Shamuwa, mwene Galali, mwene Yedutuni. ¹⁸ Oluganjo lw'ABalawi omu chishagala chichesibwa: Magana mabiri na makumi gali munane na bane. ¹⁹ n'abalalizi b'enyunvi: Akubi, Talimoni, na bene babo, abalanzi b'enyunvi, baliri egana na makumi gali mushanvu na babiri. ²⁰ Abayorhaga omu Israeli, abadahwa, Abalawi, bahanda omu bishagala byoshi y'e Yuda, ngasi muguma omu kashambala kage. ²¹ Aba Netiti balama oku hirhondo, n'okuba n'abakulu Zika na Gisipa. ²² Omukulu wa Balawi b'e Yerusalemu ezino lyage yi wali Uzi,mwene Bani,munjukuliza wa Mataniya,munjukuluza wa Mika,w'omu shanja lya Asafu ba baliri bimpiza b'okurhegeka emikolo y'okuziha ennanga omu ka-Nyamuzinda. ²³ Buno haliri erhegeko lya mwami mpu bajire ogo mukolo g'okuziha omu ka-Nyamuzinda ngasi lusiku. ²⁴ Petahiya mwene Meshezabeli,munjukulu wa Zera w'omu mulala gwa Yuda yi waliri muganda wakazagi hisa mwami ku byoshi biyerekere aba israeli. ²⁵ Omu bishagala n'omu ntondo zabo, abantu b'e Yuda balama omu Kiriyati-Ariba na bw'omu hantu bw'omu mwage, omu Diboni n'omu hantu hage, omu Yekabisiteeli n'omu ntondo zayo, ²⁶ e' Yeshuwa, e' Molada, e' Beti-Paleti, ²⁷ e'Hazari-Shwali, e Berisheba, n'omu ntondo zayo, ²⁸ e' Zikilagi, e' Mekona n'entondo zayo, ²⁹ e Eni-Rimoni, e' Zora,e Yarimuti, ³⁰ e'Zanowa, e'Adulamu, n'omu ntondo zayo, e'Lakisi n'omu ntondo zayo, e Azeka n'omu ntondo zayo. Bahanda kurhenga e Beri-Sheba kuhika omu lubanda lw'e Hinomu. ³¹ Bene Benjamina bahanda, kurhengera Geba, e'Mikimaki, e' Aya, e'Beteli n'omu hantu h'emwage, ³² e' Anatoti, e' Nobi, e' Hananiya, ³³ e' Hasori, e' Rama, e'Gitihaimu, ³⁴ e'Hadidi, e' Seboimu, e'Nebalati, ³⁵ e'Lodi n'e Ono, olubanda lw'abakozi. ³⁶ Haliri Abalawi babugana na Benjamini, chiro akaba babaga bagabire omu Yuda. ³¹ Bene Benjamina bahanda gurhenga e Geba,e Mikemasi,e Ayi,e Beteli n'omu ntondo zayo, ³² e Anatoti,e Nobi,e Ananiya, ³³ e Hasoro,e rama,e Gitaimu, ³⁴ e Hadidi,e seboyimi,e Nebalati, ³⁵ e Lodi,n'e Ono,kugera omu lubanda lw'abachuzi b'ehoro, ³⁶ omu Balawi,baguma barhenga mu bene Yuda,baja haguma na bene Benjamina.