¹ Lolaga Aba baba hebaga h'echinkumwa. Nehemiya, omurhegesi, mwene Hakaliya. Sedekiya, ² Seraya, Azariya, Yeremiya, ³ Pasuri, Amariya, Malikiya, ⁴ Hatusi, Sebaniya, Maluku, ⁵ Harimu, Meremoti, Obadiya, ⁶ Danieli, Olinetoni, Baruku, ⁷ Mesulamu, Abiya, Miyaminu, ⁸ Maasiya, Biligayi, Semaya, abadahwa. ⁹ Abalawi: Yoshuwa, mwene Azaniya, Binuwi, bene Henadadi, Kadimieli, ¹⁰ na bene babo, Shebaniya, Hodiya, Kelita, Pelaya, Hanani, ¹¹ Mika, Rehobu, Hashabiya, ¹² Zakuri, Sherebiya, Shebaniya, ¹³ Hodiya, Bani, Beninu. ¹⁴ Abarhambo bw'olubaga: Pareoshi, Pahari-Mowabu, Elamu, Zatu, Bani, ¹⁵ Buni, Azigadi, Bebayi, ¹⁶ Adoniya, Bigivayi, Adini, ¹⁷ Ateri, Ezekiya, Azuri, ¹⁸ Hodiya, Hashumu, Bezayi, ¹⁹ Harifu, Anatoti, Nebayi, ²⁰ Magipiashi, Meshulamu, Heziri, ²¹ Meshezabeli, Sadoki, Yadua, ²² Pelatiya, Hanani, Ananiya, ²³ Hoseya, Hananiya, Hashubi, ²⁴ Haloheshi, Peleha, Shobeki, ²⁵ Rehumu, Hasabuna, Maseya, ²⁶ Ahiya, Hanani, Anani, ²⁷ Maluki, Harimu, na Baana, ²⁸ N'olubaga lwaliyorhere, abadahwa, Abalawi, n'abalanzi b'enyunvi, n'abimpiza, n'aba Netiti, n'abachikulaga oku bindi bihugo mpu bayinje bayunviriza amarhegeko ga Nyamuzinda, na bakabo, n'abagala babo n'abanyere babo, baherh'obwenge b'okuyunva n'okumenya, ²⁹ Bachiheba haguma na bene babo balishinganene omubo. Bahana echilagane oku bakenga amarhengeko ga Nyamuzinda aherezaga omwambali wage Musa, n'amahano ga Nahano, Nahamwerhu. ³⁰ Rhwachigasha bwenene oku rhurhaka chishabisa bali berhu oku bantu b'echi chihugo nerhu rhurhakachi shabira abana berhu bali babo; ³¹ na ntacho rhukachibagulira, olusiku lw'e Sabato n'esiku z'edinye, n'embaga z'omu chihugo nibalerha eby'okuguza, olusiku lw'e Sabato, oburhimbuzi changwa ebintu byoshi byoshi; n'oku kazi lekerera omwaka gwa mushanvu, na ntakujuhis'omwinda goshi. ³² Rhwayunvikana ntyo oku rhwajira emyandiko y'echiragane oku rhwakazi sholola garama ene z'ebyuma by'e furanga ngasi mwaka z'okujira emirimo y'omu ka Nyamuzinda, ³³ Okuheba mw'emigati y'oburherekere, n'entulo ya ngasi lusiku, n'enterekero y'okusirezwa y'e Sabato, enterekero y'emyezi mihyahya n'eye z'edinye, n'oku bintu bichesibwa, n'oku nterekero y'okushukulula Aba Israeli ebyaha, na ngasi mulimo gujirwa omu ka Nyamuzinda. ³⁴ Nji rhwashurha emiderhe, Abadahwa, Abalawi, n'olubaga, rhwalondola abakazi lerha entulo y'eshali ngasi mwaka omu Ka Nyamuzinda, nk'okw'emilala enali, ngasi baguma bamenya amango bayunvikene, g'okuchana omuliro oku lurhamba lwa Nahano, Nyamuzinda werhu, nk'oku byaliyandikirwe omu marhegeko. ³⁵ Rhwalaganana oku ngasi mwaka rhwakazi rhula emburho y'entanzi omu mushwa gerhu n'amalehe marhanzi oku mirhi yerhu rhubiheke omu ka Nyamuzinda; ³⁶ Ngasi muntu akazi lerha olubere lwage n'olubere lw'ebintu byage : Enkavu n'ebibuzi, rhwakazi bilerha omu ka Nyamuzinda; ³⁷ Rhwakazi lerhera abadahwa, omu busika ka Nyamuzinda werhu, emburho nyambere erhenga omu shwa n'entulo zerhu, n'amalehe g'oku mirhi yoshi, n'omurhobo n'amavurha; n'oku hana chiguma ch'ekumi ch'amashwa gerhu emw'Abalawi bonine baje babishubuza ngasi hoshi omu bishagala biba omu maswha rhuhinga. ³⁸ Omudahwa, mwene Haruni, njibaba haguma n'Abalawi bayinja barhola chiguma ch'ekumi n'okuchiheka omu busika bw'enguli. ³⁹ Bulala Abana b'e Israeli n'abana ba Lawi babakazagi heka omu masika entulo y'engano, n'edivayi n'amavurha; n'okubiheka omu bintu bya ka Nyamuzinda, n'okubirhabika aha byabera eburhambi bw'abadahwa bajir'omulimo, abalanzi b'enyunvi na bimpiza. Na ntyo rhurhaleka aka Nyamuzinda werhu.