¹ Yubu arhola omwazi n'oku derha: ² Oh! Nka amalumwa gani ga kalengwa, n'obuhanya bwani ba buhanike oku munzani. ³ Bwa kazidoha kulusha omushenyi g'omu nyanja nene: Lolaga echirhumire emyazi yani yiyahindamuka emwabo sire. ⁴ Bulala emishambi y'Ogala-Byoshi ya tulangwire, n'omuka gwani guherhe gwanywa elivayi; n'obukali bwa Nyamuzinda bwabere chigusho ch'entambala enyanya zani. ⁵ Ka Punda w'elubala akayamira ahali obwasi bwinja? Eri enkavu ya kagonga enaherhe yakera? ⁶ Karhwakalya ebiryo birhabaya kahumo na buzira munyu? Kahaba obununu omu mweru gw,eji? ⁷ Ebinalonzaga birhahumwagako,ebyola by'ebiryo byani, chi birhajira bununu! ⁸ Echiragane chani chihikirire, Na Nyamuzinda anjirire oku bulangalire bwani! ⁹ Bisimise Nyamuzinda anvune, alambule efune yage n'oku nkulaho! ¹⁰ Nji hachiyorha burhulirizi bugeke bwani, bushagaluke omu malibuko gani goshi: Ntakahindamula amarhegeko gw'Omuchesibwa. ¹¹ Charhuma nalangalira amango ntachiherhe misi? Charhuma nalinga amango nyandikirwe olufu luli ntyo? ¹² K'emisi yani eri nka misi ya bale? N'omubiri gwani nago nka guli nka chuma? ¹³ Ntachiherhe bugale, n'obuchunguke burhakachiba hale nani? ¹⁴ Oli omu malumwa ashinganene aberw'obonjo na mwira wage, chiro akaba alekere obuba bw'Ogala-Byoshi. ¹⁵ Bene berhu bali jirire obubi nka chiriba ch'amenji, nka nchingo y'amenji gahera. ¹⁶ Ebyavundu byana bihy'olwinji, olubula lwanabirhanga. ¹⁷ Hanayinja echuka, ezaliri nyinji zanahirima, omuliro gw'ezuba, n'echingo yalo yanayorha ekalire. ¹⁸ Ababalama bahindamuka omu njira, baj'omu mpinga, bahereramo. ¹⁹ Ababalama b'e Temani bakazi zitomoler'amesho, n'ababalama b'e Seba baliyunjwire munihiro; ²⁰ Bagwarhwa n'eshonyi okuba n'omuniro, bayorha barhebekerwe amango bageraga. ²¹ Na ntyo, mwaba nka murhabaho; mwabona omwazi gw'okuyubahya, mwashalama mwayunva eshonyi! ²² Na babwirire: Mu mpereze nani hintu hilebe, munjirire hilebe oku byenyu muleme mwampereza. ²³ Munshwekule omufune z'omu shombanyi, munankule omu fune z'ababi? ²⁴ Munyigirize, nani njina sira, munyereke ngahe nahabihire. ²⁵ Oku yunviriza eshambalo eshinganene kurhaherhe buhaka! S'aliko okurhongana kwenyu kuli kuderha gurhe? ²⁶ Ka myazi yani mwagayaguza, eri ya kabula obulangalire yanayehuka nka muhusi? ²⁷ Murhagayaguzaga efubi, murhanayirhaga mwira wenyu. ²⁸ Mundole, mbashigirire! Ntababesha emalangambere? ²⁹ Mushubirize, muchije omu murhima; mushubirize, n'oku menyisa obubi bwani. ³⁰ Ka hali obundi bulyalya oku lulimi, n'oku bunu bwani ntakazi derha amabi?