¹ Nji wagwarha mamba n,esibwe? Nji wagwarha olulimi lwage n'omungozi? ² Nji waheba esibwe emazulu mage? Nji wamurhula amarhama haguma n'esibwe nzibuzibu? ³ Nji wajira dubaduba washigirira? Nji washambala n'omulenge gurhulerere? ⁴ Nji wajira echihango haguma naye, mpu nj'ohindamuka esiku zoshi muja wage? ⁵ Nji washarha haguma naye nka haguma n'enyunyi? Nji wamushegerera mpu y'osimisa emisole ya bali bawe? ⁶ Abashana banarhimbula? Banagaba ebintu byabo n'abarhimbuzi? ⁷ Nji washuk ira oluhu lwage n'echuma by'emishaki, n'erhwe lyage emishaki y'efi? ⁸ Omushukire kw'efune yawe, nji orhakachimuyibusa oku wamurhera. ⁹ Lolaga, rhwarhebekerwe omu kumulinga kwage; Oburhwachikabulwa oku daho? ¹⁰ Ntaye w'obushiru mpu amusisimule; Nde nji wakandidira emalanga gani? ¹¹ Nde mperh'omwinda? Nji namujuha. Eshishi w'empingu byoshi byani. ¹² Na shubi shambala kandi n'ebigabi byage, n'emisi yage, n'obwinja bw'okulemwa kwage. ¹³ Nde nji wabarhula omu shangi gwage? Nde nji washeshera omu marhama mage? ¹⁴ Nde nji wabumbula enyunvi z'obunu bwage? Eburhambi bw'amenyo gage halamire obuba. ¹⁵ Ebikwirire byage, n'empenzi z'emisi byoshi bichihebere haguma nka chifundo; ¹⁶ Bali baguma bahoberana, n'omuhusi gurhakager'omu charagati kabo; ¹⁷ Abaguma babahoberana, banagwarhana, banalama haguma buzira kulekana. ¹⁸ Omuhusi gw'ezulu yi gwa baraganya okubuche; Amesho mage gali nka ngohye y'oku miseke seke. ¹⁹ Emyengezi yiyakolera oku bunu bwage, esasi z'omuliro yi zamufulumuka. ²⁰ omusi yi gwarheng'omu birhule by'ezulu, nka chintu chiri chahya, naga y'okudagasa. ²¹ Omuka gwage yi gwakolez'amakala, obunu bwage yi bwalika echengezi. ²² Emisi y'egosi lyage mpu k'akalamo, n'obuba yi bwaba enyanya embere zage. ²³ Ebigabi byage bikomere binashwekerwe haguma, bimunanirireko, birhakalekana. ²⁴ Omu rhima gwage gu komere nka bale, gukomere nka lusho lw'eshishi. ²⁵ Amango amazuka, abemisi bwenene bana yubaha, n'obuba bwanarhuma balibirha. ²⁶ Biri bya busha oku balwisa n'akere; Echumu, echumu ligege, empenzi, ntacho byajira. ²⁷ Analola echuma nka lukere lubolere, chuma nka lushali lubolere. ²⁸ Omushambi gurhaka mulibisya, amabale ngali nka kabumbu mpu yewe ngali bukere. ²⁹ Arhabona agarhi k'olurhwe nka muhungo gwa birere, anashekera olushungurho lw'amachumu. ³⁰ Omu nda yage biba bishongwere: Kwa kaderhwa chuma chilehukira oku budaka buli eburhambi bwe nyanja. ³¹ Lyadagasa omu nyanja nene nka chidagasa menji, yi chahidunda nka naga ebumbire mavurha g'amalashi. ³² Analeka hofi naye enjira echere; Omulaba gunarhol'enviri z'omushaja. ³³ Oku gulu nta murhambo wage; alemerwe mpu ntacho nj'ayubaha. ³⁴ Analola kubi ngasi yoshi hiri enyanya, ali mwami w'ebirhungano binja.