¹ Nahano, anabwira Yubu, aderha: ² Oyola wajira obuhaka haguma n'Ogala-Byoshi ka yemerere? Oyola wajira obuhaka haguma na Nyamuzinda aherhe kwa shubi mubwira? ³ Yubu ashuza Nahano n'okuderha: ⁴ Lolaga, oku ndi hintu hintyu bwenene; bichi n'akashubi kumubwira? Na maheba efune oku bunu bwani. ⁵ Naderhaga liguma, nji ntachishuza chiro, kabiri karhaba, nji ntachiyushula chintu. ⁶ Nahano ashuza Yubu omu charagati ch'o mulaba n'oku derha: ⁷ Oshweke omupindi zawe nka ntwali ya mulume; nji nakudosa, na nji wanyigiriza. ⁸ Nji wanfubisa kuhika oku lubanja lwani? Nji wanshwekesa mpu nguhe olubanja lwani? ⁹ Oherhe okuboko kuli nka kwa Nyamuzinda, omulenge muguma gukalihire nko gwage? ¹⁰ Ochikwize bwinja bwinja n'oku bunene, ochiyambise ebikolerere nka muliro n'ebyo bukuze! ¹¹ Oshandaze omulaba g'omujinya gwawe, n'oku lolereza kuyandagaze aba chibona. ¹² Oku lolereza kunagayisa abachibona, n'oku sinyongola hanaho ababi, ¹³ Obabishe boshi haguma omu kachulo, ochingire amalanga gabwo omu mizimya! ¹⁴ Nantyo namuherez'olukengo lwage lw'obuhashe bw'emalyo gage. ¹⁵ Lolaga echiboko, nde nahere akalamo kuguma nawe! Enalya ebirhi kuguma n'enkavu. ¹⁶ Yoyula! Emisi yage eri omu pindi zage, n'obushiru bwage buli omu misi y'enda yage; ¹⁷ Anagony'ehunga lyage nka murhi gw'esedereya; Emisi ye biberu byage bishwekerwe bwenene; ¹⁸ amavuha mage gali misiho y'eshaba, ebigabi byage biri nka milambaliko y'echuma. ¹⁹ 19 Ali wa burhanzi oku mirimo ya Nyamuzinda; Owayijirire arhakafa na kere. ²⁰ Anabona olugurhu lwage omu tondo, emunda eby'elubala bisharhira omu mashwa. ²¹ Analyama eshishi w'emirhi, omu charagati ch'amasheke n'oluziba. ²² Emirhi yana shukira echichu chage, Emirhi mizibuzibu ya muzungulukire. ²³ Olwinji lunene lwayinja lwa rhaluka, arhana chibishaga: Na Yorodani yagenda dubaduba omu bunu bwage, ya sira. ²⁴ K'oku misi echiyerekene nj'arhakamu gwarha? K'omu njira y'emilaga nj'akamurhula ezulu?