¹ Wakamenya amango e fumbiri za burhaga abana bazo? Wakamenya amango engabi ziburha? ² wakanja emyezi enamala eribukule, n'okumenya amango zaburhaga? ³ Za chigonya, zanaleka ebyana byazo oku shandala, zanashwekulwa n'amalumwa gazo. ⁴ Ebyana byazo byanaba n'emisi n'okukula omu bunga, n'okuyaka birhanachigaluka hofi na banina. ⁵ Nde oheba epunda y'elubala omu buhuru, n'oku chijira ehenalonzeze? ⁶ Najiraga empinga chibe chiraro chayo, egulu ly'omunyu bulamiro bwayo. ⁷ Anashekera n'olwamo lw'abantu banene b'ebishagala, erhachiyunv'okuyama kwa nahamwabo. ⁸ Yananyegera entondo mpu ly'ebona aha hantu hokulisa kwage, n'okulonza ngasi yoshi yakaba ya lushongo. ⁹ Embogo ka yiyaba oku mirimo yawe? Nalyama budufu omu chirhala chawe? ¹⁰ Wanamushweka n'omugozi mpu lyacha emisuka? Anaja hofi nawe okuvunangula emifu omu mbanda? ¹¹ Ka wahumukira oku yewe, bulala emisi yage eri minene? Ka wamulekera okukwiza emirimo yawe? ¹² Kw'omusimire oku yewe mpu omukugalula eshalulo zawe? Ka yewe yi wakalunda omu bunga zawe? ¹³ Echubi cha kurukuru cha na galiha n'obushagaluke; Okaderha chubi, mashala g'omuhugi: ¹⁴ Aliko kurukuru analeka amaji gage oku daho, n'okumajirira echuka omu kachulo; ¹⁵ Anayibirira oku amagulu gaka mabera, n'enyama nguma y'omu mashwa yaka malabarha. ¹⁶ Eri darhi oku bana bage nka birhaliri nka barhali bayo; Erhaba elagirire n'okuburha kwayo. ¹⁷ Bulala Nyamuzinda alahire oburhonzi, arhanamuhere obwenge bw'okugabana. ¹⁸ Amango ya mazuka yana genda yalibirha, n'okuchishekera oku farasi n'oyiheka. ¹⁹ Ka wehereza efarasi obushiru, n'oku yi yambisa echishema cha leremba omu gosi lyayo. ²⁰ Ka werhuma ya bundegerere nka muguku? Obusime bw'omudindira gwayo bunalerh'obuba. ²¹ Yanahumba obudaka n'okuchishingira emisi yayo. n'okuj'embere z'emiherho; ²² Yana chishekera n'obuba, erhanaherhe buba, erhagaluka embere za kere. ²³ Oku yewe lwamo lw'echifuko ch'omushambi, kubaraganya kw'echumu n'echumu ligeke. ²⁴ Kudundagana kw'echuka, anaforha obudaka, arhakayenera mw'olwamo lw'omushekera. ²⁵ Amango omushekera gwalaka, anaderha: Nj'embere! Anayunv'entambala ya hale, omulenge gukalihire gwa barhambo n'olwamwolw'entambala. ²⁶ Kw'oku bwenge bwawe kwa karhuli ka balala, n'okugalihya ebyubi byako ewa charagati ch'ezuba? ²⁷ Kw'oku bulonza bwawe ku chibarhula abalala, n'okuheba olongo lwage omu chanya? ²⁸ Omu mabale mwa yumbakire, mwana herhe oku lamira kwage, olunda n'olwindi lw'amabale, oku buchunju gurho bw'etondo. ²⁹ Omola kulola na makemo ehyalya, kuchindubika hale omu kulolereza. ³⁰ Abana bage bananywa eshagama; n'ehemirhumba eri, hababona Chibarhula.