¹ Nahano ashuza Yubu omu charagati ch'omulaba n'okuderha: ² Ye nde oyola oherhe wajira omwizimya oku mihigo yani oku myazi erhaherhe obwenge? ³ Shweka echibuno chawe nka ntwali ya mulume; nji na kudosa, nji wanyigiriza. ⁴ Ngahe waliri amango na lemaga egulu? Omubwire, akaba oherhe obwenge. ⁵ Nde wa simikaga obugali, kw'omuyinji? Changwa nde wagalihyaga kw'ogola mugozi? ⁶ Oku bichi ebikondo byage bisimikireko? Changwa nde warhabikaga ebale ly'olusho, ⁷ na ntyo enkununu z'esezi zakoleza omu nyimpo z'obushagaluke, n'abana boshi ba Nyamuzinda balik'emilenge y'obushagaluke? ⁸ Nde wachingaga enyanja nene n'enyunvi, amango lya chikweba omu chifuba ch'okuyonsa; ⁹ Amango na jiraga ebichu n'emishangi yani, n'omwizimya gw'emishangi nyage ekomere; ¹⁰ Amango na muheberaga erhegeko lyani, na murhabikira embibi n'enyunvi; ¹¹ Amango na m'aderha: Nji wayinja kuhika hanola, nj'orhaja hale na hano; hano h'obuchibone buhwera bw'okuleremba kwage? ¹² Kurhenga bakulema, okola orhegekere esezi? Okala oyerekere ahantu hage h'obucherachera, ¹³ Mpu lyarhola oku burhambi bw'egulu, n'ababi babakukumule; ¹⁴ Mpu egulu lihindamuka nka bumba lya marhola eshusho omuntu ajiraga. ¹⁵ Oku yasa ababi obuche bwabo, n'okuboko kuli kola kuvunike? ¹⁶ Okola ojire kuhika aha nshokero y'enyanja nene? Okola olambagire omu mwibi g'omu muhengere? ¹⁷ Enyunvi z'olufu okola ozi chigwire? Okola obwene enyunvi z'omwizimya g'olufu? ¹⁸ Okola ohobere omu kulola k'okulehuka kw'egulu? Shambala, akaba oyi nji ebyola byoshi. ¹⁹ Ngahe enjira eri ya rhuyerekeza oku lusiku l'obuche? N'emizimya, ngahe eba elamire? ²⁰ Waka birhola oku mbimbi lyazo, n'oku menya enjira za ha mwababwo? ²¹ Obi yinji, bulala waliburhirwe, n'oluganjo lw'esiku zawe luli lunene! ²² K'okola ohikire oku chilundo ch'olubala? Okola obwene aha enguli z'olubula, ²³ mperhe nabika enyanya w'akachanji k'amaluhuko, mpu ly'esiku z'okulwa n'ez'etambala? ²⁴ Njira ehe obuche buchigamwo, n'omuhusi gw'ebushoshokero bw'ezuba bu shandala oku gulu? ²⁵ Nde wachinguliraga emvula enjira, n'okujira ebarabara ye mirazo n'omukungulo, ²⁶ mpu ly'envula erhoga oku gulu buzira bantu, n'omu mpinga murhaba bantu; ²⁷ Mpu hamwerwe hantu hali honine n'okuyumuka, n'okushubi harhwera n'oku hameza ebirhi? ²⁸ Ke'nvula eherhe eshe? Nde wakaburha emironyi y'olume? ²⁹ Omu chifuba chande murhenga olubala, nde oburha olwakungu lw'empingu, ³⁰ mpu ly'amenji ga chibisha nka mbale, n'echandale ch'omuhengere chikulikirene? ³¹ Wakagala shweka ebigusho by'obwenge, changw' oshwekule emigozi y'Oriyonyi? ³² Wakagala yerekana omu kachanji kabwo ebimanyiso byo muzunguluko, wakagala kurhegeka Echirhende chikulu haguma n'orhwana rhwage? ³³ Oyinji amarhegeko g'empingu? Wakagala menyo obuhashe bwage bw'oku gulu? ³⁴ Wakayushula omulenge gugere omu bichu, mpu ochihamagalire envula enene? ³⁵ Shandagazaga chiro emirazo? Yagendere? Bichi ekubwirire: Rhwabano rhuli hano? ³⁶ Nde wahebere oburhonzi omu murhima, changwa nde wahebere obwenge omu muka? ³⁷ nde wakagala ganja haguma n'oburhonzi ebichu, n'okushesha orhurabiyo rhw''empingu, ³⁸ mpu ly'akachulo kahindamuke misuka, n'ebichira by'eguylu byama chiheba haguma? ³⁹ Kawakahiga enyama enyanya w'entale y'echigazi, n'okuyugusa ebyana by'entale biri omu shali ⁴⁰ Amango zichi bishire omu kabisho kazo, n'oku ber'omola kabisho omu kulingiramwo? ⁴¹ Nde oyender a Hungwe ebiryo, amango abana bage bali balaka emwa Nyamuzinda, amango birhindibukire n'okushalika?