¹ Elihu agendekera n'okuderha: ² Ondidire hityu, na bikulikiranya, bulala mperhe emyazi kandi elolere Nyamuzinda. ³ Nji narhola obumenyi bwani bw'enyanya, nji na muyereka okuli kwa Lulema wani. ⁴ Lero oyemere, emyazi yani erhali ya bubeshi, ebinakubwira byoshi embere zawe kubinali. ⁵ Nyamuzinda ali wa misi, aliko ntaye akabulira; Ali wa buhashe enyanya w'emisi y'obwenge bwage. ⁶ Arhaleka omubi alame, anajira okuli oku bahanya. ⁷ Arhahindamula amesho enyanya za bw'okuli, anabayikaza oku ntebe haguma n'abami, n'okubayikaza esiku zoshi, oku buzinda banaba bakulu. ⁸ Bakayinja mpu bakumbagale omu bulegule, babarholwa omu hantu h'omushombanyi, ⁹ ana bayereka ebijiro byabo, oku rhakengana kwabo, n'okuchibona kwabo. ¹⁰ Anabakengusa enyigirizo zabo, anabahamiriza baleke obubi bwabo. ¹¹ Nka bakayunva n'oku mukolera, bamala esiku zabo omu bwinja n'emyaka yabo omu bushagaluke. ¹² Akaba barhayunvirhe chiro, njibanafa oku kere, banayisa omu kurhabona kwabo. ¹³ Ababi bayorha omu burhe, barhahamagala Nyamuzinda amango bamashwekwa; ¹⁴ Banaheza akalamo omu busole, banafa nka mbaraga. ¹⁵ Aliko Nyamuzinda achungula abahanya omu bubulirwa bwabo, n'omu burhindibuke abalagiraga. ¹⁶ Nj'akukula kandi omu burhe, mpw'anakuheba aha wagandaza, omu murhula goshi, n'echibo chawe nji chashana binene . ¹⁷ Aliko nka wakachishobeka ebi wajirire nk'amabi, obuhane bwa na chishegeza oku biwajirire. ¹⁸ Oburhe bunene burhakuyigiriza oku shekerwa, n'obunene bw'ebintu byawe burharhumaga wahindamula! ¹⁹ Oku kuyama kwawe kw'akakula omu buba, haguma n'emisi yoshi wakolesa? ²⁰ Obudufu bugera nta kuyisa bwinja, nd'okula abantu aha mwabo. ²¹ Ochilange oku chishwekula omu mabi, bulala oburhindibuke bwachiyerekene. ²² Nyamuzinda ali mukulu oku buhashe bwage; nde wakayigiriza kuguma naye? ²³ Nde omulangwize enjira zage? Nde waka mubwira: Wajirir'amabi? ²⁴ Oyibukire okukuza emirimo yage, baharamye abantu boshi. ²⁵ Ngasi bantu banabalolereza, na ngasi muguma ana babonera oku hale. ²⁶ Nyamuzinda ali mukulu, aliko obunene bwage bwanarhuhera, Oluganjo lw'emyaka yage rhurhakalumenya. ²⁷ Anamulerhera entonyi z'amenji, anazihindamula lwakungu, yanaba nvula; ²⁸ ebichu byanaleka erhoge, yanashandala oku chikunjo ch'abantu. ²⁹ Nde wakamenya kurhe ebichu byagenda, olwamo lw'ehema lyage? ³⁰ Lolaga, yalambula omu kumuzunguluka obuche bwage, n'okuchibisha omu nkuzo z'amenji. ³¹ Omu njira zage anachir'olubaga olubanja, anabaha ebiryo oku bunene. ³² Anarhola olwenge omu fune zage, analuyerekeza oku bamulwisa. ³³ Anachiyerekana oku mukungulo; ebirhungano byanayerekana okubaho kwage.