¹ Efuranga zijira aha bazikula, n'e horo ejira ahengerera omu kuyikwiza; ² Echuma omu kachulo bachikula n'ebale bachunchuma mpu lurhenge mwo eshaba. ³ Omuntu analonza okuhanza obudufu, analonzeza, okuhika omu hantu h'echiriba chilekukire bwenene, amabale gabishirwe omu mwizimya n'omu chichu ch'olufu. ⁴ Anahumba echiriba ch'eriba hale n'ahantu balama; Amagulu gage ntacho gachi rhabere, n'oku hanikwa, yamanamana, hale n'abantu. ⁵ Egulu, omurhenga omugati, lyanahindamukirwa n'ebirimwo byoshi oku muliro. ⁶ Amabale gamwo gaherhe esafire, n'oku buganamo eshano y'ehoro. ⁷ Enyunyi ehiga erhenji njira, erisho ly'akarhuli lirhashwiraga yilangira; ⁸ Eby'elubala bichibona birhashwiraga chiro kulabarhaho, Shosho arhasaga gereho. ⁹ Omuntu anaheka efune yage oku bale, anahindamula entondo kurhengera oku chisisi; ¹⁰ Achingula ebichira-chira omu mabale, n'elisho lyanalola ehirimwo hyoshi hikwirire; ¹¹ Anayumanza amenji gashulula, n'okulerha obuche omu byali bishirwe. ¹² Aliko oburhonzi, ngahe buli? Ngahe obwenge bulama? ¹³ Omuntu arhakamenya echiguliro; arhali omu gulu ly'abalamire. ¹⁴ Omulaba gwanaderha: Erhaba yani chiro; n'enyanja nene yanaderha: Erhaba haguma nani. ¹⁵ Burhakahingana n'ehoro ekwirire, burhakagulwa n'okuzidoha kw'efuranga; ¹⁶ Burhakagerera n'ehoro y'Ofiri, burhakagala kulinganywa onike ekwirire; changwa oku Safiri; ¹⁷ Erhakaliganywa n'ehoro changwa echirahuli, erhakahinganwa n'echintu ch'ehoro ekwirire. ¹⁸ Amagerha n'enchuma ntacho bimalire emwage: Obwirhonzi bulushire bwenene amagerha. ¹⁹ Olushangabuye lw'Etiyopiya chiro birhali bingana ngana, n'ehoro ekwirire erhaherhe omulengo haguma nayo. ²⁰ Ngahe oburhimanya burhenga? Ngahe obwenge bulama? ²¹ Bubabubishirwe oku mesho g'abalamire boshi, bubishirwe oku nyunyi z'emalunga. ²² Amalumwa n'olufu yibyaderha: Rhwabiyunvirhe baderha. ²³ Nyamuzinda ye menya enjira, yewe ye namenya ah'oku bera; ²⁴ Bulala chiro Anabona olubibi lw'egulu, ayinji ngasi biba eshishi lya malunga goshi. ²⁵ Amango ahaga omuhusi okuzidoha kwago, n'oku jirir'amenji omulengo. ²⁶ Amango ajiriraga emvula amarhegeko, n'okuchir'obuche n'omukungulo omuharuro, ²⁷ nantyo alama oburhonzi n'oku buyerekana, n'okurhabika emirhondero n'okuyi yerekana. ²⁸ Oku handi abwira omuntu: Lolaga, obuba bwa Nahano, Buli burhonzi; N'okuyaka amabi, bw'obwenge.