¹ Yubu arhola omwazi guhyahya oku bundi bulyo aderha: ² Nyamuzinda onyimire olubanja aliho! Ogala-Byoshi onyunjwize amaganya omu murhima gwani aliho! ³ Amango njinaba nchiherhe nayisa, n'omuka gwa Nyamuzinda njigwaba omu mazulu gani, ⁴ Obunu bwani nta mango njibwaderha ebya busha, n'olulimi lwani nji lurhaderha obubeshi. ⁵ Bije hale nani obwenge bw'okuku bwira oku oyazize! Kuhika okufa kwani njinaderha obushinganyanya bwani; ⁶ Narhondere oku chiderhera, ntana kuleka chiro; Omurhima gwani gurhanyereka chiro n'obubi buguma omu kalamo kani. ⁷ Omushombanyi wani anali nka mubi, n'omulenzi wani anali nk'o rhali mushinganyanya! ⁸ Ngahe obulambagire bw'omuntu mubi buyorha, Amango Nyamuzinda amala akalamo kage, Amango abulula omurhima gwage? ⁹ Ka Nyamuzinda anayunva emilenge yage, amango obuhanya bwamayinja? ¹⁰ Ka wajira Ogala-Byoshi amasima gage? Ka walema wahuna Nyamuzinda amango goshi? ¹¹ Nji na bayigiriza enjira za Nyamuzinda, nji ntabisha gurhe ajira Ogala-Byoshi. ¹² Aliko obamenyere, onayemerere; Chirhumire wabaleka bagendekere n'obwenge bubi? ¹³ Lolaga echigabi Nyamuzinda abikir'omubi, akashamba Ogala-Byoshi arhenganyiz'ababi. ¹⁴ Nka herhe bagala banene, nji bahwera oku kere, n'abanjukulu barhakabona omugati. ¹⁵ Balala bafumaga bahambwa n'ebibenzi, n'abakana babwo barhana balakiraga. ¹⁶ N'akalunda furanga nka kachuko, n'akasindagiza emishangi nka bishoho, ¹⁷ Olala osiyindagiza, aliko eri mushinganyanya wayi yambala. ¹⁸ Enju yage eri nk'elala omushwa guyumbaka, nka chirhala ch'omuzamwo. ¹⁹ Analyama mugale, n'okufa mukene; anabumbul'amesho, na byoshi byagendere. ²⁰ Amababi gana mubumba k'amenji; Omuhusi gwamukula omu charagati ch'obudufu. ²¹ Omuhusi gw'ebushoshokero bw'ezuba gwamuheka, n'okuchigendera; n'okumukula aha mwage okumisi. ²² Nyamuzinda anamuhereza ebimanyiso buzira bonjo oku mugayisa, N'omubi analonza okulibirha mpu yabiyaka. ²³ Babanda efune oku musongi gwage, n'okumushungurha omu kugenda kwage.