¹ Yubu arhola omwazi aderha: ² Nka kuno oyinji bwinja gurhe ona ntabala omu buzamba! K'ona lerha oburhabale oku maboko garha gwerh'emisi! ³ Mahano machi makwirire wagahana kw'oyola obulire obwenge! Bushinganyaya buhe bunene walerhere! ⁴ Nde oli wabwira eyola myazi yawe? Nde oku simisize? ⁵ Embere za Nyamuzinda ebichu byana dirhimana eshishi w'amenji n'ababa balamirmo; ⁶ Embere zage eshinda eri busha, omuhengere gurhashukirwe. ⁷ Anagaliya ebuzikiro bw'ezuba oku busha, anayumanza egulu oku busha. ⁸ Analund'amenji omu bichu, n'ebichu birhanabereka n'okuzidoha. ⁹ Anashukira amalanga g'entebe yage, ashandaz'enyanya zag'ebichu. ¹⁰ Anajira echiviringo oku menji, nka lubibi lw'obuche n'emizimya. ¹¹ Enkingi z'empingu zanahongoka, n'oku somerwa oku buhangalanyi bwage. ¹² Oku misi yage anayumus'enyanja nene, oku bwenge bwage anachagulanga obuchibone. ¹³ OKu muka gwage gwarhuma ahereza empingu omurhula, n'efune yage yanabarhul'enjoka ekalihire. ¹⁴ Ahola bw'oburambi bw'enjira zage, lw'olwamo lugeke lurhurikira; Aliko nde nji wayunviriza omukungulo gw'emisi yage?