¹ Yubu arhola omwazi aderha: ² Lero kandi olubanja lwani kuli ku lahira, Aliko oburhindibuke bwanashukira oku yisa kwani. ³ Oh! Nka nakamenya gahe namubona, nka nakahika oku ntebe yage, ⁴ Nakalerhere olushinja lwani embere zage, nakambubire obunu bwani ebyokuchishanula, ⁵ Nali na menya ebichi akanshuzize, nali nalola bichi ambwira. ⁶ Nj'akolesa emisi yage yoshi anshurhe? Nja rhangayaguza oku nyumviriza? ⁷ Nj'aba muntu mushinganyanya waja lubanja haguma naye, Nji naba ngasi mango nashendegerera eshishi z'omuzuzi wani. ⁸ Aliko, nka nakaja ebushoshokero bw'ezuba arhaliyo; nka nakaja ebuzikiro bw'ezuba nta mubona; ⁹ Ali elunda lw'enyanya, mpu yi ntabona; ka kuchibisha omu charagati ch'ezuba, yi ntamuvundula yo. ¹⁰ Amenyere njira nchi nkulikire; na, nj'akanyaza, narhega mweru-kweru nka horo. ¹¹ Okugulu kwani kurhakarhenga omu miikaba yage; nalangire enjira zage, ntanagalukaka enyuma. ¹² Nta lekaga amarhegeko gw'obunu bwage; Nashwekera obulonza bwani oku myazi y'obunu bwage. ¹³ Aliko ebyajira biyumangire; Nde wakalahira? Oku by'omurhima gwage gulonzeze, kwa najira. ¹⁴ Nja jira okwalonzeze enyanya zani, njabailanga bwinja kandi. ¹⁵ Lolaga echirhumire okubaho kwage kuyubahisize; Amango muyibukire, na namuyoboha. ¹⁶ Nyamuzinda akeheze obushiru bwani, Ogala-Byoshi anyuzwize obuba. ¹⁷ Bulala arhali mizimya enjirire busha ntya, burhanali budufu bunshukire.