¹ Elifazi w'e Temani arhola omwazi aderha: ² K'omuntu akaba wa kamaro emwa Nyamuzinda? Nanga; ow'oburhimanya aba wa bunguke oku yenine. ³ Nkaba oli mushinganyanya, ka buli bunguke bw'Ogala-Byoshi? N'akaba oli mushinganyanya omu njira zawe, nd'oyungukire? ⁴ K'okububa bwawe cherhuma akukalihira, n'okuja lubanja nawe? ⁵ K'arhali akuba obubi bwawe buli bunene? N'emigayo yawe eri minene? ⁶ Walemaga wakula echikinja oku bene benyu buzira mpavu, wanalema wabayima emishangi abola barhayambere; ⁷ Orhaliherhe wahana amenji oku muntu orhamire, n'omuntu oli shali wana muyima ehyokulya. ⁸ Echihugo chiri ch'abalala b'emisi, n'ow'emisi yinji wachiyumbaka. ⁹ Walemaga wagulula abakana fune nyumu; n'efubi wanazivuna amaboko. ¹⁰ Ebyola bye birhumire ozungulukire n'emirhego, n'obuba bwakugwarha chaligumiza. ¹¹ Orhali wabo emizimya, n'agola menji ga yunjwire gakumira? ¹² Nyamuzinda k'arhali omu chanya emalunga mbere? Lolaga obuchumu chumu bw'enkununu nka buyumangire! ¹³ Walemaga waderha: Bichi Nyamuzinda akamenya? Ka wakacha olubanja omu mwizimya? ¹⁴ Olwakungu lwamushukira, arhanachibonaga chiro; alema abaona olwakungu lw'emalunga. ¹⁵ Eh gurhe! Olonzeze okukulikira enjira ya mira bakulikire abantu ba banya byaha? ¹⁶ Bahekwa embere za kachanji, okulegama kwabo lwinji lwa suka. ¹⁷ Balema babwira Nyamuzinda: Orhurhengeko; chaka rhunjirira Ogala-Byoshi? ¹⁸ Ago mango Nyamuzinda ayunjuza enju zabwo bintu. Amahano g'ababi ganyinjira! ¹⁹ Abashinganyanya, abahamirizi bw'okuheza kwabo, njibachishinga, n'omweru-kweru nj'abashekera: ²⁰ Lolaga abashombanyi berhu bamahihwa! Lolaga n'obugale bwabo bwamalibwa n'omuliro. ²¹ Nantyo ochishwekere oku Nyamuzinda, nji wabona omurhula; nji wachishingira omu bwinja. ²² Orhole omu bunu bwage enyigirizo, Emyazi yage oyibike omu murhima gwawe. ²³ Nji wahabwa, nka wakagalukira Ogala-Byoshi, nka wakakul'amabi omu nju yawe. ²⁴ Kabula ehoro omu kachulo, ehoro y'Ofiri omu rhubale rh'omu misuka; ²⁵ N'Ogala-Byoshi nj'aba horo yawe, anabe furanga zawe, na bugale bwawe. ²⁶ Oku ntyo nji wa njir' Ogala-Byoshi kuba wa busime bwawe, nji wayinamula amalanga gawe emwa Nyamuzinda; ²⁷ Nji wamuhuna, naye nja kuyumva, nji wayunjuza ebyawe wachigashaga. ²⁸ Emihigo yawe nji ya shuza okw'osimire; omu njira zawe nji mwakolera obuche. ²⁹ Hanayinja akabonerero, nji wanahuna mpu oyinamulwe: Nyamuzinda arhabala olala obulangalire bwage bwahwere. ³⁰ Nja shwekula abayagire, olala oshinganene obuchunguke bwage n'oku kwizwa n'efune zage.