¹ Bildadi w'e shwaki arhola mwazi aderha: ² Mango chi weke waleka eyila myazi yawe? Orhange obe n' obwenge, nantyo nji rhwanashambala. ³ Chirhumire warhulola nka nyama? Chirhumire rhurhaba nka binganyi omu mesho gawe. ⁴ We herhe wachigaba eri burhe bwawe bwarhuma, komenyere, mpu elugulu lyawe, y'egulu lyayorha busha? Komenyere kw'amabale nji gahirima ahagaliri? ⁵ Obuche bw'omubi nji bwazima n'engulumira eli yagulumira nji yaleka okugulumira. ⁶ Obushe njibwazima omu hema lyage, n'etara lyage njilyazimira enyanya werhwe lyage. ⁷ Entambu zage nji zahwerwa; Chiro akaba aherhe emisi yage, nja kumbagala. ⁸ Bulala ahebere amagulu gage oku muhungo, ya lambagira omu milaga, ⁹ Omurhego gwamugwarhira oku kasisinya, n'omuhungo gwa chizingira okuye; ¹⁰ Omugozi gu chibishire omu ndaho, n'omurhego gwa mugwarha guli omu njira yage. ¹¹ N'obuba bwanamugwarha, bumuzungulukire, bumushimbulire enyuma zage. ¹² Eshali lyamalire emisi yage, obuhanya buli eburhambi bwage. ¹³ Ebigabi by'oluhu lwage biri chiguma chalibwa oku chindi, n'ebihinga byage byalibwa n'omwana mwambere w'olufu. ¹⁴ Bamamukula omu nju yage aliyinji mpu mw'omuli omurhula, akululirwa emwa mwami w'okuyubahisa. ¹⁵ Ntaye omu bwo walilamire omu nju yage, omuliro njingwashandala omu chihandiro chage. ¹⁶ Omu shishi, emizi yage ya yuma; omola nyanya, amarhabi gage gachibwa. ¹⁷ Obwenge bwage bwahera oku gulu, n'ezino lyage lirhachiri omu mashwa. ¹⁸ Ashunikwa ewa buche omu mizimya, ahigwa omugulu. ¹⁹ Arhachiherhe owayima oli w'omuburha omu bantu bage, ntaye wafulumukire omu hantu ali lamire. ²⁰ Amuko nji gayinja nji masomerwa n'echinjira chabo, n'eburha liriho nji lyagwarhwa n'obuba. ²¹ Nta kundi kurheganyizwe oku muntu mubi, kubiba ntyo okw'olala orhenji Nyamuzinda.