¹ Omuka gwani gwamahwa, esiku zani zanagera oku buzinda, eshinda endingire. ² Nkala zungulukirwe na bali banshekera, n'elisho lyani yilyaloreza ebijachi byabwo. ³ Obe wenine murhabazi wani, oku bundi, nde nji wanshuziza? ⁴ Bulala washweker'emirhima yabo n'obwenge; nantyo orhakabaleka chiro bahima. ⁵ Wahanamagala bera bawe omu kushangira ebiryo n'okuba n'abana bagwerhe amesho gali emwinya. ⁶ Wanjirire mugani gwa mashanja, nyono nye nkala chintu ch'okubonerera. ⁷ Elisho lyani liri mwizima enyanya z'amalumwa; n'ebigabi byani byoshi biri nka chijuchu. ⁸ Abantu bashinganyanya nji basomerwa, n'omushinganyanya nj'ayimanga enyanya y'omubi. ⁹ Omushinganyanya njayorha anali omu njira yage, ogwerh'efune ziri mweru-kweru anayushula oburhwali. ¹⁰ Aliko mwabwo mweshi, mugalukire elala myazi yenyu, ntakabona omurhimanya omu mwabwo. ¹¹ Gurhe! esiku zani zamahwa, n'emihigo yani yamafananda, emihigo yali bumbire omurhima gwani. ¹² N'okumenya mpw'Obudufu ly'ezuba, mpw'obuche bwanaba hofi ago mango omuzimya gunali ho! ¹³ Zikala siku z'olufu yinalinga omukalamo kani, n'omu mwizimya munjinajira echubi lyani; ¹⁴ Yi nayamira eshinda: We darha! N'emivunyu: Mweba nyama! na mwali werhu! ¹⁵ Bulangalire bwani, buli ngahe? Bulangalire bwani, nde wakachibubona? ¹⁶ Nji bwayandagalira ewa nyunvi z'olufu, amango rhwaja haguma kuhumuka omu kachulo. ¹⁶ Nji ayandagalira ewa mirynongo yo lufu amango nji rhwagenda haguma kuhumukira omu luchulo.