¹ Nji wajir'olurhamba lw'omurhi gw'omu kasiya; obule bwa makoro marhano n'obugali bwalo makoro marhano. Olurhamba nji lwaba muraba, nk'okuj'enyanya walo nji haba makoro masharhu. ² Nji wajira, nyunda ene na mw'ezo nyunda ene, nji mwarheng'olurhamba; nji walushiga eshaba. ³ Nji wajirir'olurhamba eby'okulukulira oluvu, n'orhufuka, ebeseni, orhunya na meko, n'ebintu byalo byoshi wa bikola n'eshaba. ⁴ Nji wajira oku lurhamba akashengero k'eshaba, kali nka muganga, n'oku kahebako Mpeta ene z'eshaba omu nyunda ene zako kashenge. ⁵ Nawe oheb'ogo mulaga eshishi guzunguluke olurhamba olunda lw'eshishi, mpu y'ogo mulaga guger'omu kagarhi k'olurhamba. ⁶ Jir'emirhi enyanya w'olurhamba, mirhi y'Emishita, n'oku yishig'eshaba. ⁷ N'eyo mirhi nji yahebwa omu kagarhi k'empeta, n'eyo mirhi nji yaba oku nyunda ebiri z'olurhamba amango g'oku yiheka. ⁸ Oyijire ya mpaho, eri mw'omululu; nji wayijira nk'oku na kuyerekaga oku ntondo. ⁹ Nji wajira aha chesibwa h'ehema. Olunda lw'eshishi, njiaba, enyanya y'okujira aha chesibwa, h'oku kwiziz'oboya bukwirire, oku bule bw'amakoro egana oku lunda lurhanzi, ¹⁰ haguma na nkingi makumyabiri zigwarhene oku bisinde makumyabire by'eshaba; ebifundo by'enkingi n'emihiro yazo njiaba y'afuranga. ¹¹ Oku lunda lw'ebuzikiro bw'ezuba, obule bw'ogo mulaga nji bwaba makoro egana, na nkingi makumyabiri, n'abisinde makumyabiri by'eshaba; oku kwiz'ezo nkingi n'emihiro yazo njiaba y'afuranga. ¹² Oku lunda lw'enyanya, bugali bw'echibuga njiaba omulaga makoro makumi marhano; nkingi ekumi, na bisind'ekumi. ¹³ N'obugali bw'echibuga ewa lunda lw'ebushoshokero bw'ezuba n'ewa kulol'ebushoshokero njiaba omulaga gw'amakoro makumi marhano. ¹⁴ Omulaga oku lunda luguma nji gwaba gw'amakoro ekumi n'amarhano obugali bwago; enkingi zago nji zaba esharhu n'abisinde bisharhu. ¹⁵ Olunda lwa kabiri nalo ntyo mulaga gw'amakoro ekumi na marhano; nkingi esharhu, na bisinde byago bisharhu. ¹⁶ Na k'olo lunvi lw'echibuga njiaba echizimbero ch'omulaga gw'amakoro makumyabiri, mulaga gw'eshusho y'ebibala bibala, n'omuduku gw'eChitani chinja chilukirwe, kasi k'omulenga; enkingi zago nji zaba ene, n'ebisinde byago bine. ¹⁷ N'enkingi z'echibuga enyunda zoshi nji zaba zishigirw'efuranga; kunyerezwa kw'efuranga, n'ebisinde eshaba. ¹⁸ Obule bw'echibuga nji bwaba makoro egana, n'obugali makoro makumi marhano ngasi lunda, n'obule bw'enyanya makoro marhano, ch'eChitani chinja chiluukirwe, n'ebisinde byacho by'eshaba. ¹⁹ ebintu byoshi by'ehema oku kasi kalyo koshi, n'emisumari yalyo yoshi, n'emisumari y'echibuga, njiaba shaba. ²⁰ Nji wabwira abana be Israeli bakulerher'amavurha g'ezeituni nyinja ga yendwaga enyanya y'obuche, etaara likore esiku n'amango. ²¹ Omu hema ly'obukubuganana, embuga y'Epaziya, liri embere z'obu buhamiriza, Haruni n'abana bage nji bayi kwiza kurheng'egolo kuhik'esezi embere za Nahano; nji lyaba rhegeko ly'esiku n'amango omu burha lyabo lyoshi enyanya y'abana be Israeli.