¹ Endalo oyijire ya bigabi ekumi, obijire bya chitani chigembere n'emyenda y'akaduku k'omukara, ey'akaduku k'akalinga,ey'akalinga k'omweru ohireko ba-Kerubi bakolerwe n'obulenga. ² Obule bwa ngasi chigabi bube bwa makoro makumyabiri na munane, n'obugali bwa makoro mane, olo l'olugero lw'ebigabi byoshi. ³ Bigabi birhano bilungwe ngasi chiguma oku chabo. ⁴ Ohire emishumiro oku muhiro gw'echigabi chambere, oku kampwe-mpwe k'obulungiro, onajire ntyo oku muhiro gw'echigabi ch'obuzinda ch'obulungiro bwa kabiri. ⁵ Ohire mishumiro makumi marhano oku chigabi chambere, na mishumiro makumi marhano oku kampwe-mpwe k'echigabi ch'obulungiro bwa kabiri, eyo mishumiro eleme ya yerekerana ngasi muguma n'ogwabo. ⁶ Ojire menyo makumi marhano g'ehoro, go galunga ngasi chigabi oku chabo, na ntyo endalo ebe y'obumbake buguma bonine. ⁷ Kandi ojire ebigabi by'amoya g'empene, oyumbakemo echihando enyanya z'endalo. Ojire ekumi na chiguma. ⁸ Obule bwa chigabi chiguma: Makaro makumi masharhu. Obugali bw'echigabi: Makoro mane. Lwo na lugero lw'ebigabi byoshi oku binali ekumi na chiguma. ⁹ Ohangire bigabi birhano haguma, na bindi ndarhu haguma. Echigabi ch' akali ndarhi ochigonye embere z'echihando. ¹⁰ Ohire mishumiro makumi marhano oku muhiro gw'echigabi chishukire bila byambere bigwarhene na yindi mishumiro makumi marhano oku muhiro gw'echigabi chishukire bila bindi bya kabiri. ¹¹ Ojire menyo makumi marhano ga mulinga, ogageze omu mishumi, na ntyo gashweke echihando choshi chibe bubake biguma. ¹² Echichira ch'echigabi by'echihando chiyorhere, chiyambukire enyuma ly'endalo. ¹³ N'ebwa bule bw'ebyo bigabi by'echichira chiyorhere chije lunda luguma n'plindi oku bule bw'ebigabi, kandi bishabukire oku ntambi zombi z'endalo, bishukire olunda n'olundi lw'endalo. ¹⁴ Echo chihando ochijirire echifuko ch'empu z'enganda buzi, zishigirwe ebala lidukula, n'echifuko ch'empu nvunge zinogerebuje enyanya. ¹⁵ Ojire omutungo gw'endalo gube gwa murhi gw'akasiya, muyumbake bunyegera. ¹⁶ Obule bwa lupaho luguma nji bwaba maboko ekumi n'obugali bwa ngasi lupaho kuboko kuguma n'echichira. ¹⁷ Ngasi mutungo gube na mahango mabiri galungene ngasi ehango omu lyabo. Ku nj'onajirage ntyo oku yindi mitungo y'endalo yoshi. ¹⁸ Ojire olukanga lw'okushweka n'okuseza endalo, mirhi makumyabiri y'olukanga olunda lw'eshishi. ¹⁹ Eyo mitungo okw'eri makumyabiri,oyihireko marhwerhwe mane g'ehoro: Marhwerhwe mabiri oku ngasi murhi. ²⁰ Olunda lwa kabiri lw'endalo, enyanya ohir'eyo mitungo makumyabiri, ²¹ nayo ejeko marhwerhwe makumi mane g'ehoro, marhwerhwe mabiri oku ngasi mutungo gw'olukanga. ²² Enyuma ly'endalo, ebwa nyanja, ohireyo mitungo ndarhu ya lukanga, ²³ ojire mitungo ebiri ebuzinda bw'endalo, oku kafendefende. ²⁴ Eyo mitungo, eshwekane ebiri-ebiri kurhenga eshishi kuhika enyanya aha bushwinjiro omu mpaga nyambere. Ntyo, kw'eyo mitungo ebiri y'oku kafende-fende ya yorha. ²⁵ Ntyo, haba mitungo munane n'amarhwerhwe ekumi na ndarhu, mabiri oku mutungo muguma n'amabiri ku ngasi gundi mutungo. ²⁶ Kandi ojire n'emirhamba y'omurhi gw'akasiya: Erhano oku mitungo y'olundi lunda lw'endalo, ²⁷ erhano oku mutungo eri oku kafendefende k'endalo, olunda lw'enyanya. ²⁸ Omurhamba gw'enkingi gushwekerwe aha kagarhi k'emitungo, gurhalukane kurheng'ebuzinda kuhika obundi buzinda. ²⁹ Emitungo y'olukanga oyishige ehoro, empagaz'okuhiramo emirhamba, ozijire z'ehoro, n'emirhamba nayo oyishig'ehoro. ³⁰ Oyumbake eyo ndalo nka kulala wayerekagwa oku ntondo. ³¹ Kandi ojire omwenda gw'akaduku k'omukara, n'akaduku k'akalinga, n'akalinga k'omweru, n'echitani chikwizizwe, bahireko ba-Kerubi bakolerwe n'obulenga. ³² Ogumanike ku ngasi mitungo ene y'omurhi gw'akasiya oyishig'ehoro, egwerhe nkondozo z'ehoro zigwarhene oku marhwerhwe mane g'amarhale. ³³ Ogo mwenda gugwarhwe n'amenyo g'ebirhale, n'omu ndalala yago, mu mwahira omuchimba gw'Endagano. Ogo mwenda lwo lwaba lubibi lw'abachesibwa n'ebichesibwa. ³⁴ Ohire echifuko oku muchimba gw'Endagano omu hachesibwa h'ebichesibwa. ³⁵ Olwibo oluhebe embere ly'ogo mwenda, n'olwenge aha mbere ly'olwibo, plinda lw'emukondwe lw'endalo. Ohire olwibo olunda lw'ekulembe. ³⁶ Kandi ohire olwibo aha bwa lunvi lw'echindo, mwambalo gwa kaduku k'omukara, kaduku k'akalinga, kaduku kwamweru n'echitani chinja: Kasi ka muntu mulenga. ³⁷ Ogo mwambalo gugwarhire oku mitungo erhano y'omurhi gwa Akasiya, onayishige ehoro. Enkondozi zayo zibe z'ehoro, ona zichulireko marhwerhwe marhano g'omulinga.