¹ Eri echishambo chankagwarhwa charhul'enju chikanigwa nta lwiholo oku shagama yage. ² Eri ankaba liri zuba, hanaba olwiholo lw'eshagama yage. Echishambo chikwanene chohonge ebi chazimbaga. Akaba chirhagwerhe ebi chahonga, chanaguzwa oku mpongano y'obushambo bwacho. ³ Echintu chazimbagwa, empanzi, efarasi eri chibuzi, chikashiganwa chichizene omu maboko gage, chila chintu anachihonga kabiri. ⁴ Eri omuntu ankayonya eshwa changwa eri mizabibu, akaleka ebintu byage byalisa omu shwa lya bene, anahonga eyindi myaka ekwirire kulusha ey'omwishwa lyage eri y'omu mizabibu yage. ⁵ Eri omuliro gwanka gulumira gushandalire oku birhi by'emishaki gugerere ahagwabala guyose engano eri oku bishinga eri hofi n'okushalula, changwa eri shwa lyayo, ola walikaga gula muliro anahonga lulala luhira lwage. ⁶ Eri omuntu ankagwasa n'okubisa owabo efuranga kandi eri bikulo, binakazimbirwa emw'ola nyakubisibwa, eri echishambo chankaboneka, chanahonga kabiri. ⁷ Akaba echishambo chirhabonekkene, nin'enju anaj'embere za Nyamuzinda, libamenya oku arhali ye wazimbire ebikulo by'owabo. ⁸ Ehyanajirwe lubanja hyoshi, akaba nkavu, farasi, chibuzi, mwambalo eri ngasi kantu kanaherere koshi, kala bankanaderha mpu: Nechi kaka, olubanja lunahekwe embere za Nyamuzinda, n'oyu Nyamuzinda akayagiriza oku ye mubi anahonger'owabo kabiri, ⁹ eri omuntu akaha owabo farasi, enkavu, echibuzi, n'eri chindi chintu chishwekwa, na chila chintu chife, chivunike changwa chihekwe n'abanyze na ntaye wa bwene. ¹⁰ Omwigasho embere za Nyamuzinda gwanacha olubanja eri nyakuhabwa ankachigasha oku arhazimbiri echintu ch'owabo, nina chila chintu anayemera, naye owabo arhankachihonga bichi. ¹¹ Ch'eri akaba chila chintu aha mwage chazimbirwe, anashihonga. ¹² Akaba echintu chayirhirwe n'echiryanyi anagenda chiyerekana nka buhamirizi, arhankachihonga bichi bula chila chintu chiyirhirwe n'echiryanyi. ¹³ Eri omuntu ankaha owabo echintu chage, chikavunika eri kufa na nanicho arhaliho, akwanene ahonge. ¹⁴ Chi ninacho ankaba aliho, arhanka chihonga chichi. Akaba chali chihozanyo, anahonga engulo ya kulala kuhoza. ¹⁵ Eri omulume ankashumika omwana-nyere mubikira arhasagishabwa, bakanalyma bombi naye, ola mulume ana mugula abe mukage. ¹⁶ Eri eshe w'omunyere ankalahira bwamuhaye, ola mulume anahonga efuranga bahana shigi ly'abana-nyere babikira. ¹⁷ Omukazi w'omukurungu,orhahiraga wamulekera akalamo mpu alame. ¹⁸ Ngasi yeshi wahushe oku chintu anayirhwa,afe. ¹⁹ Owarherekere nyamuzinda w'obwihambe, kuleka Nahano yenine, anakagwa. ²⁰ Orhahira okalibuza eri kugonya-gony'omuhisi omu chihuo ch'e Misiri. ²¹ Orhahira akalibuza omukana changwa eri efubi. ²² Eri wankamulibuza, akandakira, nanyunva omulenge gwage. ²³ Oburhe bwani bwanakaliha, nanabaniga n'engorho, bakenyu njibaba bakana n'abana benyu babe fubi. ²⁴ Okahoza ow'omu lubaga lwani efuranga, mukene oli akawe, orhamujiraga bunguke, orhamulonzezagek'obunguke. ²⁵ Eri wankarhola omwambalo g'owenyu chikinja, omugalulirego duba ezuba lirhazi zika, ²⁶ bulala ogo g'omuguma agwerhe, ch'echishuli chishukira omubiri gwage. Bichi yeke akaj'alalamo? Eri ankayinj'andakira, nanamuyunva, bulala nyono mba wa lukogo. ²⁷ Orhahira okajachira Nyamuzinda, w'eshanja lyawe. ²⁸ Emyaka yawe n'omurhobo gw'omu mukenzi gwawe, orhahiraga okaleka abandi babintangako. Okazi nterekera efula y'omu bagala bawe. ²⁹ Orhahira okalegama okuhana enterekero yawe y'amalehe gawe n'ebinyobwa byawe. Ompe nyono omwana wawe murhanzi. ³⁰ Okazi njirira ntyo oku nkavu zawe, n'oku mbuzi bzao wayinjimpa; nj'abera hamuga nani siku mushanyi; olwamunane wanamp'ebyani. ³¹ Muyorhe bachesibwa ebere zani! Murhahiraga mukalya enyama yayirhagwa n'eye lubala, munayikwebe nyakabwa.