¹ Talaga amarhegeko wabaha: ² Amango wagula omuja muyahudi, anakukolera myaka ndarhu, ogwa mushanvu, analekwa, buzira kujuhwa chichi. ³ Akaba ayinjaga yenine, anagenda yenine, akaba aherhe omukazi, banagenda haguma. ⁴ Akaba nahamwabo wamuhaga omukazi, banaburha abarhabana na banyere, omukazi n'abana ba nahamwabo, naye anagenda yenine. ⁵ Ch'eri oyo muja aka derha eri: Nsimire nahamwerhu, ntanagenda nyenine. ⁶ Nahamwabo anamuheka embere za Nyamuzinda amuhise aha lunvi eri oku nkingi, nahamwabo anamurhulirah'oku rhwiri n'omugera, anaba muja esiku zoshi. ⁷ Eri omuntu akaguza omwali abe muja kazi, yewe arhankalikwa kula abaja balikwa. ⁸ Eri ankaba arhasimisize nahamwabo wachishogagaye, anayemera agombolwe. Chi arhankamuguza oku shanja ly'emahanga, bulala kwanaba nka kumulenganya. ⁹ Eri akamuha omugala, anamujirira nk'oku banakomera okujirira abandi banyere. ¹⁰ Eri ankashaba owundi mukazi, amenye akamukehez'ebiryo, eri myambalo, eri eby'omunju. ¹¹ Akaba arhamuhere ebyola oku binali bisharhu, anachigendera busha, buzira kumujuha olu furanga. ¹² Oyu nji washurha omuntu kuhika okufa, naye nj'anayirhwa, afe. ¹³ Ch'eri akaba arhali alalire oku muyirha, bulala Nyamuzinda alilonzeze oku muhira omu maboko gage, nanamuyereka aha kwanene oku yakira. ¹⁴ Ch'omuntu walalira oku yirha owabo n'obwenge, onamukule chiro n'aha luherero lwani, agendenigwa, afe. ¹⁵ Owashurh'eshe eri nina, ananigwe, afe. ¹⁶ Owakubule omuntu, ajimuguza eri amugwarhe, omu mwage, oyo naye, ananigwe, afe. ¹⁷ Owaheherere eshe eri nina ananigwe, afe. ¹⁸ Abantu bankarholngana, muguma akashurha owabo, akamubeza oluguma n'ebale eri n'echifundo ola wabo, akaba arhafire, ch'agendaj'ewa buliri, ¹⁹ akagala kuchizusa n'okuhika embuga aja agenda oku karhi, owamushurhaga eri amalufuma; ch'anajuha eri kuhembera ery'emizizi agezeze ebwa nchingo n'oku mubukisa kuhika afune. ²⁰ Eri omuntu akashurha omuja changwa omuja-kazi wage n'akarhi bakanafira omu maboko mage, nyakufa anachiholerwa. ²¹ Ch'eri bankahemuka, enyuma ly'olusiku luguma, eri ebiri, barhankachichiholerwa, bulala bali bikulo byage. ²² Eri bantu babiri bankagwarharhana balwa, bakahukula omukazi, oli bukule, nyamukazi akamoma, chiro akaba arhafire, bakwanene bamujuhe nk'oku eba wa nyamukazi ahemere, n'oku bachirirwe n'abazuzi. ²³ Ch'eri ankafa, bajuhe akalamo oku kalamo, ²⁴ elisho oku lisho, elinyo oku linyo, okuboko oku kuboko, kugulu oku kugulu, ²⁵ obuhye oku buhye, echihulu oku chihulu. ²⁶ Eri omuntu akashurha elisho ly'omuja eri ely'omuja-kazi wage, akanalibihya, anabalika bachigendere, kube kubajuha lila lisho lyabo. ²⁷ N'akaba lyaliri lya muja wage eri muja-kazi wage, akulire, anabalike bachigendere, kube kubajuha lila linyo lyabo. ²⁸ Eri empanzi yankahukula omuntu, abe mulume eri mukazi, enamuyirha, eyo mpanzi yanabandwa amabale, n'enyama yayo erhalibwaga, na nin'eyo mpanzi erhahere lubanja. ²⁹ Aliko eyo mpanzi akaba enakomerera okuhukulana bakanabwira ninayo, chi yewe arhashibirira okuyilanga, n'eri yankayirha omuntu, abe mulume eri mukazi, eyo mpanzi yanabandw'amabale, na ninayo anayirhwa. ³⁰ Eri bakamubwir'okujuha, anajuha eri kujuha bila bamuhemere omu kuzimuz'akalamo kage. ³¹ Ery'eyo mpanzi ya nkahukul'omurhabana eri munyere, okw'erhegeko liderhereko lyankanachirwe. ³² Eri empanzi ya kahukul'omuja mulume eri mukazi banahana furanga makumi masharhu emwa nina ola muja n'eyo mpanzi yana bandw'amabale. ³³ Eri omuntu ankaleka eriba buzira okulishukira, changwa eri ahumbe eriba buzira kulishukira, empanzi eri e'Farasi yankarhogeramo, ³⁴ nina eriba ahonge, ahongera nina chila chintu efuranga, n'echintu chifire achiyorhane. ³⁵ Eri empanzi y'omuntu yankahukula n'omwalungwe, ekanafa, banaguza empanzi echizene, bagabane efuranga, n'ery'efire nayo banayigabana. ³⁶ Akaba okumenyikene oku eyo mpanzi enakomerera okuhukulana, naninayo arhashibirira okuyilanga anahongera eyindi mpanzi ahali h'empanzi, n'eyo efire yanaba yage.