¹ Nechi, nahir'omurhima gwani mw'ebyo byoshi, ebyo byoshi na bijira chintu ch'obugenzi bwani, na bona okw'abashinganyanya n'abanya bwenge, n'emirimo yabo, bali omu fune za Lulema, N'obuzigire n'olushombo; abantu bamenyaga chintu: Byoshi biri embere zabo. ² Byoshi binagerera boshi; lugero luguma oku mwinja n'omubi, oku muntu mwinja n'okwirire n'oku muntu ozingire, ohan'entulo n'orhahana ntulo; ntyo kuli kwinja nka munya byaha, kw'olala ochigashaga nkw'olala oyubaha okuchigasha. ³ Chino chiri chibi ahacharagati k'ebijirwa oku gulu, Bulala haba lugero luguma oku boshi; ntyo omurhima gwa mwene omuntu guba guyunjwire bubi, n'esire liba omu murhima gwage omu kalamo kage; enyuma byanaba bichi, banafa, bulala, nde birhalolere ? ⁴ Oku boshi balamire hali omulangaliro; na kandi nyakabwa olamire alushire entale efire. ⁵ Abalamire, nabo, bayinji oku nji bafa; aliko abafire ntacho bayinji, harhana chiri n'oluhembo lwabo, bulala barhachiyibukwa. ⁶ N'obuzigire bwabo, n'omujinya gwabo, n'obongwa bwabo, bya herere mira; barhakanachibona chiro echigabi chiguma oku byoshi bijirwa oku gulu. ⁷ Genda, olye n'obushagaluke ebiryo byawe, onanywe n'obusime edivayi; bulala kurhenga mira Lulema asimisizwe n'ebyonajira. ⁸ Ngasi mango emishangi yawe ebe y'omweru, n'amavurha marhahira makaba okwirhwe lyawe. ⁹ Ochisimise omu kalamo kawe haguma na mukawe osimire, omu siku zoshi z'akalamo kawe k'obusha, Nyamuzinda akuhere oku gulu, omu siku zawe z'obusha; bulala ch'echigabi chawe omu kalamo, ahacharagati k'omulimo gwawe ojir'eshishi w'ezuba. ¹⁰ Ngasi choshi efune yawe eshondere kujira n'emisi yawe, ochijire; bulala ekuzimu erhaba mulimo, chiro omuganiza, chiro obumenye, chiro obwenge omu siku zizinda, emunda njiwaja. ¹¹ Nashubi bona eshishi w'ezuba okw'amalibirha marhali m'abayanguhire, n'eri entambala y'entwali, n'ebiryo oku banya bwenge, n'obugale oku banya bwenge, changwa echigabi ly'abayinji byoshi; Bulala byoshi bikulikirene n'akashanji n'ebijiro. ¹² Omuntu arhamenya akasanzi kage, kuguma n'efi zinafarhwa n'omulaga g'olufu, n'enyunyi zinafarhwa n'omurheg; kuguma nazo, bene omuntu banalibuka olusiku lw'obuhanya, amango bwama murhogerako aho honaho. ¹³ Nashubibon'okwigulu,eyi mpiriri y'obwirhonzi,yabonekan'emwani kubanene. ¹⁴ Haliri chifuku chikulu,mwaliri bantu bageke,omwami w'obuhashe agurhera,agufarha,aguzunguza echizimbero chikomere. ¹⁵ Mwaliri omuntu w'omukene mwirhonzi,oyu achungul'echo chifuku chikulu kugerer'obwirhonzi bwage. Na nta muntu wachigerer kuyibuk'oyo muntu w'omukene ¹⁶ Naba naderha : Obwirhonzi bulushire emisi.Alik'obwirhonzi b'omukene burhakengwa,n'ebinwa byage birhonvibwa. ¹⁷ Ebinwa by'abanya bwenge binayunvirizwa bwisirire bilushir'olwamo l'omuntu orhambwire abahwinja. ¹⁸ Obwenge bulushir'ebikoleso by'entambala; alik'omunya chaha muguma anabihya bikulo binene.