¹ Erenge likwirire lilushire amavurha mali m'obuku mabaya bwinja, n'olusiku l'okufa lulushir'olusiku l'okuburhwa . ² Kuli kwinja okuja omu nju y'emishibo Ahali h'okuja omunju y'edinye; bulala bw'obuzinda bwa ngasi muntu, N'ochiri m'omuka abike bwinja echi chintu omu murhima. ³ Kuli kwinja amaganya kulusha amasheka; bulala chiro akaba amalanga mankagaya omurhima gwaka chishagaluka. ⁴ Omurhima gw'abanya bwenge guli omunju y'emishibo, n'omurhima gw'abarhaherhe bwenge guli omunju y'obushagaluke. ⁵ Kuli kwinja Okuyunviriza amahanulo gw'omunya bwenge kulushire okuba muntu w'okuyunviriza olwimpo lw'abahwinja. ⁶ Bulala kunali Kuguma n'olwamo lw'emishaki oku muliro, na ntyo kw'amasheka g'abahwinja maba. Kandi aho bunali busha. ⁷ Obuhanya bunajira abahwinja banyabwenge, n'ebituliro bina bihy'omurhima. ⁸ Kuli kwinja obuzinda bw'echintu kulusha omurhondero; kuli kwinja omurhima gw'okulindira gulushire ogw'oburhe. ⁹ Orhachihanganaga okuba n'oburhe omu murhima gwawe, bulala oburhe buba buhandire omu mabere g'ebinganyi. ¹⁰ Orhaderhaga: Okw'esiku zamira zaliri zinja kulusha zino? Bulala edosolyawe lirhakaba eri lirhengere omu bwenge. ¹¹ obwenge bulushire akashambala, abwene kandi kubalala banabona ezuba. ¹² Bulala oli omu chijuchu ch'obwenge aba kuguma n'oli omu chijuchu ch'efuranga; aliko obunguke bw'obumenyi, okubona oku obwenge bunalamya ababuherhe. ¹³ Lolag'akasi ka Nyamuzinda: nde wankagala yinamula ebyamalire gonda ? ¹⁴ Olusiku l'obushagaluke, oshagaluke, n'oku lusiku l'obuhanya, oganize: Nyamuzinda alemere muguma bwinja kuguma n'owindi, kuhik'ah'omuntu arhankamenya ebya muyinjira omu sezi. ¹⁵ Nabwene ebyo byoshi amango g'akalamo kani kabi. Hali omunya okuli wanka herera omu kuli kwage, n'omugome wankagendekez'akalamo kage omu bugome bwage. ¹⁶ Orhabaga muny'okuli bwenene orhana chiyerekanaga oku oli munyabwenge bwenene : Chirhumire Wachibabaza ntyo wenine ? ¹⁷ Orhabaga mukali kulusha, orhanabaga chinganyi: chirhumire wafa embere wa kasanzi kawe? ¹⁸ Kuli kwinja okuyibuka ntya, orhanarhenguha ntyo; Bulala oyubaha Nyamuzinda anachilanga kw'ebyo bintu byoshi. ¹⁹ Obumanyi bunakomeza omunya bwenge kulush'abarhambo ekumi bali omu chishagala. ²⁰ Nanga, nta muntu n'omuguma w'okuli oku gulu ojira ebikwirire orhanajira chaha. ²¹ Orhayunvirizaga emyazi yoshi banaderha, ly'orhayunva oku omugaragu wawe akuvuma; ²² Bulala omurhima gwawe gwa menyere bwinja amango nawe wavumaga abandi. ²³ Narhangwire ebyo byoshi omu bwenge. Na derha ntya : nji naba mwenge. N'obwenge bwayorha hale nani. ²⁴ Ebiri hale, ebiri omushishi, omushishi bwenene, nde wakabigerako? ²⁵ Na chi yigiriza nyenine omu murhima gwani oku menya, okuyunvisa, n'okulonza obwenge n'obushinganyanya bw'ebintu, n'oku menya esire ly'obukali n'obuhwinja bw'obunganyi. ²⁶ Na nabwene kubi bwenene okw'olufu lw'omukazi w'omurhima guli nka murhego na nka mulaga, n'ow'efune ziri nka migozi; osimirwe na Nyamuzinda ana mufuma, aliko afarha omunya byaha. ²⁷ Omwigiriza aderha, lolaga oku na bwene, omu kulolerez'ebintu chiguma oku chiguma mpu limenya okuli; ²⁸ Lolaga ech'omurhima gwani gulonzeze kandi, echi ntanazi bona. Omu balume chihumbi na bwene mu muguma; aliko nta mukazi n'omuguma nzi bona omubo boshi. ²⁹ Aliko, lolaga ebina bwene, bulala okuba Nyamuzinda ajirire abalume bw'okuli; aliko bashonda empindamuko zinene.