¹ Hali obubi na bwen'eshishi w'ezuba,nabo buzidoher'abantu. ² Omuntu wahabirwe obugale na Nyamuzinda,ebintu n'olukengo,chiro arhabulire chintu omu kalamo kage omu byoshi alonza,na ntyo Nyamuzinda arhamuher'obuhashe b'okulya echi chira chabyo,aliko omugenzi anabirya;biri bya busha enali ndwala mbi. ³ Nk'omuntu akaburha bana egana,analama myaka minene, chiro myaka yage ya luga, aliko arhayugurhag'amenja, na kulushaho abule ahahambwa; nderhere liri ragi obukule bwarhogaga kulusha oyo. ⁴ Bulala ayinjire omu busha, agenda omu mwizimya, n'ezino lyage lishukirwe n'omwizimya; ⁵ Kandi arhabona, arhabonaga n'ezuba chiro; agwerhe kasanzi kanene kw'okuhumuka kulusha oyu muntu. ⁶ N'amango oyula alama myaka chihumbii kabiri, nabuzira kuchisimisa n'ebinja, na byoshi birhaja hantu haguma? ⁷ Emirimo yoshi y'omuntu eri enyanya y'obunu bwage, chiro ntyo arhayugurha. ⁸ Bulala aberhonzi baherhe obunguke buchi kulusha abahwinja? Bunguke buchi omuhanya oyinji chiheka embere z'abazene? ⁹ Eby'amasu gabwene bikwirire biri byakulerh'enyifinjo: Kandi na byo biri bya busha omu kuhing'empusi. ¹⁰ Echintu choshi chaliriho chahamagalwaga oku zino lyage; chimenyikene oku oli muntu arhakagala kuhimana n'oyo ogwerhe obuhashe kumulusha. ¹¹ Akaba hali bintu binene, hali na busha bunene: Bunguke buchi omuntu agwerhemo? ¹² Bulala nde omenyere ebiri binja embere z'omuntu omu kalamo kage, byagera nka chijuchu? Na nde wa kabwira omuntu ebi njibyamuyinjira buzinda eshishi w'ezuba? ¹¹ Kula kuba hali binene biyushukire binali bya busha,omuntu abona obunguke bushi ? ¹² Bulala inde omanyire ebiri binja oku muntu omu kalamo kage,esiku zoshi za kalamo kali kabusha alamire nka chijuchu ? Bulala inde wa kagala kubwira omuntu ebinji byamukulikira eshishi w'ezuba ?