¹ Langa okugulu kwawe, amango okala waja omunju ya Nyamuzinda; oshegere oyunve, kuli kwinja hali h'okurhula entulo z'abahwinja, bulala barhamenyere okubali bajira kubi ² Orhaderhaga dubaduba n'obunu bwawe, changwa omurhima gwawe okuba duba kuderha emalanga ga Nyamuzinda; Bulala Nyamuzinda ali empingu, nawe oli oku gulu: Ntyo emyazi yawe ebe migeke. ³ Bulala, akaba ebilorho biyinja enyanya ly'emirimo minene, n'omulenge g'omuhwinja guyunvikana oku bunene bw'ebinwa. ⁴ Amango wamalanganya Nyamuzinda, orhalegamaga kulerha endaganyo, bulala arhasima abahwinja: hikiriza endaganyo yawe wajiraga. ⁵ Kuli kwinja orhahirag'endaganyo, hali h'okulaganya orhana yikiriza. ⁶ Orhalekaga obunu bwawe okugomesa omubiri gwage, changwa orhaderhaga embere z'entumwa oku bwaliri bubi: Bulala gurhe Nyamuzinda alubira emilenge yage, n'okubihya omulimo gw'amaboko gawe? ⁷ Bulala, akaba hali obusha omu bunene bw'ebilorho, hanali kandi n'obusha omu binwa binene; che chirhumire, oyubahe Nyamuzima. ⁸ Nka wakabona omu chishagala chikulu omukene obonererwe n'okunyegwa okuli n'obushinganyanya bwage, birhakusomezwaga; Bulala muguma oli enyanya kulusha owundi oli enyanya,n'enyanya yabo kandi hali oli enyanya kulushabo. ⁹ Obunguke bw'echihugo buli bw'abantu boshi, ali Mwami naye okengerwe omu chihugo. ¹⁰ Osima efuranga arhakayugurha oku furanga, changwa osima obugale arhankayugurha nachiro. kandi ebi nabyo biribya busha. ¹¹ Amang'obugale buli bwayushuka abo kubulya nabo banayushuka: Kandi bunguke buchi oku yenine oku bulola n'amasu gage? ¹² Ero ly'owakolaga liba lilokere, nka akalya hityu changwa binene; Aliko obugurhe b'omugale burhazig'ajero. ¹³ Hali obubi bukulu na bwene eshishi w'ezuba: oku bugale bubikirwe, obuhanya bwage, kw'olala obugwerhe. ¹⁴ N'obu bugale bukanyegwa oku buhanya; naye aburhe omwana, na ntacho achigwerh'omufune zage. ¹⁵ Nka kulala omuntu arhengaga omunda ya nina, kunji anagaluka butambara nka kulala ayinjaga butambara, na ntacho njarhola omu bya kolere omu fune yage. ¹⁶ Nabo kandi bubi bulumire. Njagenda kulala ayinjaga; Bunguke buchi emwage oku chilibuz'oku muhusi ? ¹⁷ Esiku zage zoshi amalire, analira omu mwizimya, n'okulibuzwa bwenene, endwala n'amalumwa. ¹⁸ Talaga emyazi nabwene: Okw'omuntu ashiganene chintu chiguma chikwirire chinali chinja okulya n'okunywa, n'okuchisimisa oku mirimo yage alibukiraga enyanya lyage eshishi w'ezuba, oku luganjo lw'esiku zage Nyamuzinda amuhere; bulala che chage chigabi. ¹⁹ Aliko, Kandi Nyamuzinda aha ngasi muntu obugale n'ebintu, n'oku muhereza obuhashe bw'okubiryako, arhole echage chigabi, n'okusimisa n'emirimo yage, olu luli luhembo lwa Nyamuzinda. ²⁰ Bulala nji arhayibuka bwenene esiku z'akalamo kage, Bulala Nyamuzinda anamushubiza omu bushagaluke bw'omurhima gwage.