¹ Nabonaga obugome boshi buli bwajirika eshishi w'ezuba; Talaga, emiziga yabali balibuzwa, chiro barhanaherhe ow'abasiririza! obuhashe bwaliri oku balala bali babalibuza chibowe barhaligwerhe ow'abasiririza! ² Nabugana emifu yafaga mira egwerhe eragi kulusha abazene bachiri mw'omuka, ³ n'okuba n'eragi kulusha abantu n'abandi n'olala orhashwiraga kubaho n'orhabonaga emirimo mibi yajirikaga eshishi w'ezuba. ⁴ Nabwen'oku ngasi kasi koshi n'obuhashe bw'omu kasi bunali nka bongwa b'omuntu oku mwalungwe. Kandi buli busha n'okuhig'empusi. ⁵ Omuhwinja anagonya amaboko, n'okulya omubiri gwage. ⁶ Chaziga efune nguma ebumbire okuhumuka, elushire fun'ebiri zibumbire haguma n'omulimo n'okuhig'empusi. ⁷ Nabonaga obundi busha eshishi w'ezuba. ⁸ Oyu muntu oli yenine n'oku rhaba n'owundi wakamu rhabala, arhaherhe mwana changwa mwene wabo, nabo omulimo gwage gurhagwerhe buzinda n'amasu gabo garhayugurha n'obugale. Na ntyo nde nkolera, n'okuyima omurhima gwani obushagaluke? Kandi buli busha n'okuba chintu chibi. ⁹ Babiri bali binja ahali hamuguma, bulala banaba n'oluhembo lwinja oku mulimo gwabo. ¹⁰ Bulala, bakakumbagala, muguma anayus'owabo; Aliko buli buhanya okoli yenine bula aka kumbangala, ntaye w'okumuyinamula! ¹¹ Konako, babiri balyamire haguma, banagwarha echuka; aliko oli yenine, kurh'akaboneka n'echuka ? ¹² N'akaba lebe aherh'emisi kulusha muguma, babiri banka muhima; n'olukoba lwa migozi esharhu lurhakachika dubaduba. ¹³ Chazig'omwana mukene mwirhonzi halih'omwami mushaja w'omuhwinja n'orhachiyunva amahano; ¹⁴ Bulala akarheng'omumpamiko mpu arhambule, changwa aburhwe mukene omu bwami. ¹⁵ Na bwene abagumaguma libalambagira omuzuba bazungwire omwana ogwasizwe akulikire mwami n'oku yima hali hage. ¹⁶ Ntabuzinda bw'olu lubaga na boshi bali enyanya zage, na boshi nji bayinja enyuma barhakasimiswa naye. Bulala buli busha n'okuhig'empusi.